ابني عايز يتجوز.....؟_الحلقه الاولي _بقلم هويدا زغلول
انت في الصفحة 1 من 4 صفحات
وقبل ما نبدأ الحكايه اعرفكم بنفسي أنا مشيره
عندي 45سنه وفي يوم دخلت للاوضه علي ابني وقولت
مشيره
ما تقوم يا واد انت ابوك تعبان روح هات
الاسعاف
احمد
يووووو هو انتي عايزه اي يا ست انتي حرام
عليكي انا نايم من ساعه بس
مشيره
اللي يسمع كده يقول ان انت شغال ولست راجع من شغلك قوم يا واد حرام عليك ابوك
تعبان اوي
احمد
روحي خلي رباب هي اللي تروح انا مش
رايح في حته
الام
هو انت يا ابني عارف الساعه كام علشان خاطر انزلها دلوقتي ودخلت رباب وقالت
رباب
سيبيه يا ماما هو انت مش عارفه اكيد مش هيقوم مكانه وبعدها نزلت وجبت دكتور مازن
يا جماعه الحاج تعبان جدا ولازم يروح مستشفى دلوقتي ازاي سكتوا علينا لما وصل للحاله دي
رباب
والله هو اللي مش عايز يروح مستشفى عمال يقولي نوفر الفلوس حاضر يا دكتور احنا هنوديه دلوقتي ودخل احمد
احمد
ايه اللي جاب الدكتور ده هنا ولا انتي رحتي تجيبي حبيب القلب عشان خاطر تقعد تبصيله كتير
الام
الكلام الفارغ يا واد انت اللي انت بتقوله ده ما تلم نفسك كده
مازن
بعد اذنكم يا جماعه انا هنزل اجيب عربيتي عشان نودي الحاج فيها وبعدها نزل
احمد
الواد ده مش هيجي معاكوا المستشفى انتم سامعين ولا لا
خلاص انزل هات عربيه عشان خاطر نودي بابا المستشفى
احمد
انتي تخرسي خالص يا بنت انتي مش عايزه اسمعلك صوت
الام
انت اللي تخرس موجود معانا في نفس البيت بس مش نافعنا باي حاجه وفي الوقت ده بصينا
علي بابا كان ټوفي وجرينا عليه
وفي العزا كنا قاعدين انا وماما وطلع احمد
الام
اي اللي طلعك يابني هو فيه حاجه حصلت تحت
احمد
لا بس فعلا محتاج انام اوي من امبارح وانا
واقف علي رجلي ومش قادر اتحرك
الام
يالهوي عليا وعلي سنيني السودا عايز تنام
يوم عزا ابوك انت اي يا واد انت معندكش دم
احمد
هو فيه اي انتي كل كلامك معايا بالطريقه دي
ما تسكتي شويه بقي حرام عليكي
الام
روح امشي اعمل اللي انت عايزو قلبي وربي
غضبانين عليك يا احمد وبعدها دخل
احمد الاوضه نام وبليل طلع مازن
مازن
الحمد لله فصلت واقف مع الناس لحد ما اموت
الفراشه وكل حاجه تمام عايزه مني حاجه يا طنط
مشيره
ربنا يخليك ليا يا ابني والله ما عارفه اشكرك
ازاي علي اللي انت بتعمله معانا ده
مازن
عيب حضرتك تقولي كده انا زي ابنك برضه
المهم انا طالع شقتي لو عوزتي اي حاجه كلمني
هنزلك علي طول
وفي بيت اخت جوزي كانت قاعده منال
اخته ومها بنتها
مها
ايه ده يا ماما معقول اللي حصل ده خالي توفى وهي ازاي مراته ما تتصلش
