مرات ابويا
انت في الصفحة 1 من 6 صفحات
مرات ابويا عشان بتغير من مراتي عملت اكتر شئ يغضب ربنا
وقبل ما نبدأ حكايتنا اعرفكم على بطلنا اللي اسمه حمزه عنده 30 سنة وعايش مع ابوه وفي حمزة كان خارج مع خطيبتة وقال لها
والله يا ليلي انا حال بابا ده مش عجبني خالص مش عارف ماله علطول قاعد لوحده مش بيتكلم مع حد انا قلقان عليه اوي
ليلى
بس ياحمزة عمو كمال راجل ناضج وعارف كويس هو بيعمل ايه انتي ايه بقا اللي قلقك من ناحيتة مش فاهمة
انا قلقان لتكون الوحده اللي هو فيها دي مأثرة على نفسيتة ولا حاجة انا بجد مش عارف اعمله ايه
ليلى
ليه هو مش بيخرج من البيت وبيروح شركتة وكده ولا هو قاعد في البيت ولا ايه
حمزة
لا ياستي بيخرج وبيروح وبيجي بس دايما كان يقولي انا عايز اقعد لوحدي ومش عايز حد يدخل عليا وكلام من ده وبعدين مبقاش يروح الشركة كتير عشان بقا بيقولي انه بيتعب علطول
امممم والله انا شايفه انه طبيعي ان الانسان يبقا عايز يبقا لوحده هو لو خرج كل يوم وراح وجه اكيد مش هيحس بملل
حمزة
عندك حق ربنا يهديه بس ويروح حتى النادي مع أصحابه ده حتى عمو سمير لما بيطلبه عشان يقعد شوية مش بيرضي يروح
ليلى
يمكن من ساعت لما طنط راحت الله وهو ده اللي مأثر فيه
حمزة
يمكن المهم خلينا فينا ياحبيبتي انا هاخدك بكرة عشان نروح نشوف اوضتة النوم الجديدة بتاعتنا
طيب انا واثقه في زوقك ياحمزة عايزني اجي ليه بقا
حمزة
ايه اللي تيجي لازم تيجي يا ليلي عشان ده العفش بتاعك ياحبيبتي طيب افرضي في حاجة مش عجبتك اعمل انا ايه بقا
ليلى
ماهو انا قولت لك بقا انا واثقه في زوقك ياحبيبي
وبعدها رجع حمزه على البيت ولاقي ابوه بيتكلم في التليفون وبيقول
طيب خلاص انا لازم اشوفك بقا عشان بجد نفسي نتقابل وكمان عشان اجي اتقدم لك يعني عايز اجي البيت من بابه طيب انا هقفل دلوقتي هبقا اكلمك تاني يلا باي
ايه يابابا انت كنت بتكلم مين ياحاج
كمال
حاج في عينك انا لسه شباب ياواد انت
حمزة
ما أنا عارفك طبعا يابابا انك شباب وشباب عني كمان بس كنت بتكلم مين ياخلبوص انت
كمال
الصراحة ياحمزة انا لقيت نفسي لوحدي وبعدين انت كمان هتتجوز وهتنشغل بمراتك فانا قولت اشوف نفسي بقا انا كمان
حمزة
تشوف نفسك يعني تعمل ايه يابابا بقاااا
انا هتجوز ياحمزة يعني انا عرفت واحده كده وهاروح اتقدم لها واتجوزها
حمزة
انت عايز تتجوز يابابا بعد المرحومة امي ماراحت
كمال
وفيها ايه يعني ياحمزة وبعدين انت قولت اهو انها راحت يعني انا اشوف نفسي بقا ولا ايه ولا انت عايزني افضل عايس بقيت عمري لوحدي انت تتجوز وتتهني وانا افضل لوحدي
حمزة
كمال
من غير بس يا حمزة انا خلاص قررت ومش هرجع في قراري ده انا هتجوز يعني هتجوز ابقي جهز نفسك بقا عشان تيجي معايا نخطبها
حمزة
حاضر يابابا اللي تشوفو بس هي تطلع مين دي بقا ومنين
كمال
دي واحدة عرفتها من عن طريق الفيس بوك ياحمزة و كمان هي عايشة مع امها وهي كانت متجوزة ومطلقه
حمزة
يعني كمان عايز تتجوز واحدة عرفتها عن طريق الفيس بوك طيب ليه وهما بنات الناس قصرو معاك في حاجة
كمال
وهي يعني عشان عرفتها من على الفيس بوك تبقا مش بنت ناس جرا ايه ياولد انت انت هتفتحلي محضر ولا ايه اسمع لما اقولك ياحمزة انا هتجوز اللي انا اختارتها وانت رايك مش مهم عندي اصلا وخليك في نفسك
