امي عرضتني بقلم هويدا زغلول

ليه ياحبيبي هو مش انت ومراتك ماشين على مزاجكم وخلاص وجبتو عيله من الشارع وهتربوها انا بقا هتكلم ليه انا بقول وجهة نظري مش اكتر
منصور 
معلش يا ماما احنا حبينا ايه زي بنتنا بالظبط وياريت انتي كمان تحبيها وتعطفي عليها طب ده انا بقيت بحس انها بنتي فعلا
الحما 
طيب ياحبيبي المهم يعني وانتو في شغلكم نزلوها تقعد معايا اهي اخد بحسها بدال ما أنا قاعده لوحدي وكمان بدال ماتلطش حاجة من الشقه وانتو مش موجودين
سهير 
ايه ياحماتي الكلام ده بس دي البنت مؤدبه خالص ومش بتعمل حاجة زي دي الله يخليكي ياحماتي تعامليها كويس عشان دي تعتبر يتيمة ومسؤلة مننا انا ومنصور
الحما 
اطمني ياختي انا هحطها في عنيا بس كده ده انا هشيلها من على الأرض
وبعدها مشيت سهير على شغلها هي ومنصور وسابوني مع ام منصور اللي قالت
الحما 
انتي يابت انتي انا عايزاكي تمسكي الشقه دي كلها تنضفيها وتشيلي السجاد وتمسحي من تحته وكمان تعملي المطبخ والحمام وكل ده يتعمل في دقايق انتي سامعه
ايه بحزن
بس انا مش بعرف اعمل حاجة خالص وماما سهير مش بتخليني اعمل حاجة
الحما 
كتك مو يابت بس انا مش ماما سهير ياروح ماما انا هنا دلوقتي اعتبر ستك وانتي الخدامة يلا يابت اعملي اللي قولت لك عليه بس اسمعي حسك عينك سهير ولا منصور يعرفو حاجة هجيب السکينة واخلص عليكي انتي فاهمة يلا غوري اعملي اللي قولت لك عليه
وبعدها دخلت المطبخ وفضلت اغسل المواعين وفجأة الطبق وقع اتكسر مني ولقيت ام منصور جايه جري وبتقولي
الحما 
ينهارك اللي مش فايت يابنت الكلب انتي ايه يابت اللي انتي عملتيه ده
ايه 
والله الطبق وقع ڠصب عني انا معرفش وقع ازاى معلش انا هلمة والله وهنكسة دلوقتي عشان خاطري والنبي متعمليش حاجة
الحما 
ده انا هعلقك يابت انتي دلوقتي ده انا هقفل عليكي في اوضتة الفيران واسيبك فيها لحد لما يبان لك أصحاب
ودخلتني اوضة ضالمة وقفلت عليا وانا فضلت اسرخ واقولها
ايه 
والنبي طلعيني من هنا انا مش هعمل حاجة تزعلك تاني عشان خاطري والنبي خرجيني انا اسفه مش هكسر حاجة تاني
الحما من بره الباب 
اخرسي يابت خالص واقفلي بوقك ده يازبالة
وفضلت تعاملني كده لحد ميعاد رجوع سهير ومنصور من الشغل وخرجتني وقالت لي
الحما 
عارفه لو سمعتك قولتي اي حاجة من اللي حصل النهاردة هعمل فيكي ايه
ايه
انا مش هاقول اي حاجة والله ابدا انا هقفل بوقي اهو ومش هتكلم ابدا
وبعدها رجعت سهير وقالت لي
عامله ايه يا ايه يا رب تكوني مبسوطة مع تيتة
بصيت لحماتها وانا خاېفه وقولت لها
ااا ااه ااه انا كنت مبسوطة خالص دي حتى تيتة دي طيبة خالص خالص
سهير
طيب الحمد لله انك كنتي مبسوطه بس انتي مال وشك مخطۏف كده ليه يا ايه هو انتي تعبانة حاسه بحاجة ياحبيبتي
ايه
انا لا خالص انا كويسه مش تعبانة ولا حاجة انا عايزة اطلع معاكي فوق عشان ااا عايزة اغير هدومي
سهير
طيب ياحبيبتي يلا بينا عشان كمان نلحق نجهز الاكل لبابا منصور عشان زمانه راجع
الحما
ماتسبيها تبات معايا ياسهير هو انتي يعني عايزاها تعملك ايه فوق اسمعي ياسهير اوعي تكوني بتشغلي البت خدامة عندك اوعي
سهير
لا طبعا ياحماتي دي ايه دي في عنيا بس انا عايزاها معايا فوق عشان مش بقدر استغني عنها
الحما
طيب ابقي هاتيها تقعد معايا تاني وانتي في شغلك اهي مسلياني ياسهير وبعتبرها زي حفيدتي بالظبط
وطلعت مع سهير فوق في الشقه ولقيتها بتحن عليا عكس حماتها وانا قولت لها
ايه 
انتي طيبة اوي ياماما سهير بس ممكن تخليني ابقي