زوجي _ كامله _بقلم هويدا زغلول
سمحتي انا مش عايز نفتح في الموضوع ده دلوقتي خالص
سمر
يعني ايه ياوليد انتي مش عايز تتجوزني ولا ايه
وليد
لا انا عايز ياسمر بس انا مش جاهز دلوقتي خالص وانتي عارفه الكلام ده كويس
سمر
عارفه بس انا بقولك اتجوزني ونعيش هنا حتى مع امك في الشقه دي انا راضية بس بعدين على ماتخلص الشقه ننقل فيها
وليد سكت مردش عليا وفي بيت بابا عايدة صوتت وقالت
فتحي
حرام عليكي يا عايدة هي بنتي حرامية برضو عشان تسرق الفلوس من الدولاب انتي بتقولي ايه
عايدة
ايوه بنتك سړقت الفلوس اللي كانت في الدولاب يافتحي انت مش عارف دي حرامية وتسرق الكحل من العين
فتحي
ياشيخة بقا اتقي الله انا بنتي عمرها ماعمل كده ابدا حرام عليكي يا عايدة
لا هي اللي سړقت والله يافتحي لكون رايحة لعمامها وقايله لهم على اللي هي عملته ده ولازم اخليها تقول حقي برقبتي
فتحي
طيب دوري عليهم تاني ياعايدة يمكن حطتيهم في اي مكان تاني وانتي ناسية
عايدة
لا ياحبيبي انا مشلتهومش من مكانهم انا بس خرجت رحت مشوار عند اختي ورجعت لقيت الفلوس مش موجوده ومفيش حد غريب بيدخل هنا
انا مش مصدق يا عايدة على بنتي الكلام ده خالص مش مصدق
عايدة
ماشي ياحبيبي خليك مش مصدق بس انا بقا هعرف اخليها تقر بمكانهم فين
ومشيت عايدة راحت بيت عمي الكبير وقالت له
انا جايه لك ياحج مصطفى عشان اقولك ان بنت اخوك سړقت فلوس جهازها وهربت واكيد هي دلوقتي في بيت خطيبها اللي مايتسمي اكيد هو اللي سلطها انها تاخد الفلوس
وهي هتاخد فلوس جهازها وتوديها لخطيبها ليه ياعايدة
عايدة
عشان انا الصبح اتخانقت معاها وقولت لها انه لازم يكتب عليها ويتجوزها مش هيفضل داخل خارج كده وهو خاطب ااه احنا بيتنا سمعة برضو
رد عمي ماهر وقال لها
طيب وهي فين دلوقتي ياعايدة
عايدة
معرفش ياحج ماهر بس اكيد اكيد عند خطيبها في بيتة
وفي البيت عند خطيبي قالي
وخرجت حماتي من المطبخ وقالت
بقا ياقليلة الادب انتي جايه ترمي نفسك على ابني عشان يتجوزك بالعافيه ده انتي طلعتي بت ناقصه بصحيح
سمر
انا انا ااا لا والله ياحماتي انا مقصدش حاجة انا بس ااا
الحما
انتي ايه ياختي هو انا يعني يابت مش سمعاكي وانتي عماله تتحايلي عليه كده وهو ياعين امه مش عارف يخلع منك
ياطنط انا بتكلم مع وليد عشان هو عارف اللي انا عايشة في مع مرات ابويا
الحما
وابني بقا ياختي ذنبة ايه في اللي انتي عايشاه مع مرات ابوكي بقولك ايه ياحلوه انتي تمشي من هنا ومترجعيش تاني
وفي الوقت ده الباب خبط عند وليد وكانت عايدة مرات بابا ومعاها عمي مصطفى وعمي ماهر وقالت لهم
اهي مش انا قولت لكم انها اكيد هنا ااه سړقت الفلوس وجات عشان تديها للمحروس بتاعها
الحما
عيب كده ياست عايدة ايه الكلام ده دي كانت ياختي جايه تعرض على ابني انه يكتب عليها وابني رفض
مصطفى
انتي سړقتي فلوس من دولاب ابوكي يا سمر
سمر
والله ابدا ياعمي محصلش الكلام ده انا عمري ما عمل كده ابدا
عايدة
شوف البت هتمثل بقا وتقول ماسرقتش حاجة
ماهر
خلاص يا عايدة اسكتي بقا واقفلي بوقك
الحما
طالما بنتكم حرامية كده يبقا متلزمش ابني ولا تكون من نصيبة خلاص سيبها ياوليد وخليها تقلع لك الخاتم اللي جبتة لها
عايدة
بالسلامة ياحبيبتي هو مفيش غير ابنك ولا ايه يلا بالسلامة قدامي على البيت
و رجعوني البيت وعمي قال لبابا
البت دي لازم نجوزها بأسرع وقت يافتحي بنتك عيارها فلت خالص
فتحي
ياناس
