اتجوزني عشان اربيله ابنه _كامله_بقلم رحاب القاضي

وتقوليلي حصل خير..
مريم 
يا معتز يعني هو كان بمزاجي ا ااا..
معتز وقف العربيه وزعق فيها وقال
انا مش عايز اسمع صوت اهلك خااالص فاهمه ولا لا...
مريم بدموع
انت مش من حقك تزعقلي كده علي فكره خالص انا يعني لو كنت اعرف انه هيعمل كده ما كنتش هروح بس كنت عايزه اقفل الموضوع مش اكتر..
معتز پحده 
هي خلصت كده اصلا عشان انتي لو شايفني راجل ما كنتيش روحتي بيته يا مريم..بس اللي يطلعك من البيت تاني ..
مريم بدموع 
يا معتز بس بقي كلامك بيوجعني علي فكره وبعدين خلاص مش هكررها تاني..
معتز بسخريه 
بقي انتي مش هتكرريها تاني ده انا بثق في تصرفات اياد اكتر منك..
مريم پبكاء
بقي كده طيب روحني عند فريده مدام مش واثق فيا اصلا..
معتز 
بس يا بت انتي اكتمي خالص انا هعرف اربيكي..
_ساق العربيه ووصل عند البيت نزلت مربم بسرعه وطلعت وهو وراها..
الفت 
لو هتتخانقو وطو صوتكم عشان منيمه ايااد ومش عايزاه يصحي..
مريم 
لا انا مش هتخانق انا اصلا سيباها ليه وماشيه خالص..
معتز پحده 
والله يا مريم لو رجلك عتبت بره البيت لاكسرهالك...
مريم پحده 
طيب اتكلم علي قدك يا بابا وقولي انت خليت الحراس بتوعك دول اخدو سيف فين..
معتز بغيظ 
ايه يا روح امك خاېفه عليه..
مريم بغيظ 
لم نفسك بقي انا خاېفه عليك انت هو ما يفرقش معايا..
الفت 
في ايه طيب حد يفهمني..
معتز 
روحت جيبت الهانم من بيت خطيبها القديم ولولا اني وصلت في الوقت المناسب الله واعلم كان عمل فيها ايه..
مريم 
وما حصلش حاجه مكبر ليه الموضوع انا مش فاهمه..
معتز
اقسم بالله يا ماما اقل غلطه بعملها بتفضل شهر مسكاها وتزليني بيها انما هي تغلط عادي وفيها ايه وبعدين تروح بيته ليه اصلا ومن غير ما تقولي..
مريم 
انت مصمم ما تفهمش انا اسفه يازمعتز انا غلطانه احبسني بقي في البيت وعاقبني عشان هو ده اللي انت عايزه اصلا..
_خلصت كلامها ودخلت اوضة اياد وهو قبل ما الفت تتكلم ساب البيت ومشي..

_في بيت حازم كان قاعد مع مامته بيتعشي وطلتت نيره وقعدت معاهم وقالت..
نيره 
انا فاضيه بكره..
حازم
وعايزه ايه يعني فاضيه بكره..
نيره 
عشان ننزل نجيب الشبكه بتاعتي يا حازم..
حازم 
ماما اقرصيني هي البنت دي بتتكلم جد انا مش بحلم..
ناهد 
الف مبروك يا حبيبي لولا اللي حصل لنعمه ونور الله يرحمهم ما كملش سنه انا والله ما كنتش بطلت زغريت..
نيره بحزن 
ربنا يرحمهم. يارب..
حازم 
والفرح هيكون امتي بقي..
نيره 
حازم انا وافقت علي الخطوبه وكتب الكتاب بعد الامتحانات بقي نتجوز..
حازم قام قعد جنبيها وقال
انتي موافقه بجد يتني موافقه نكتب كتب الكتاب وتبقي مراتي وكده....
نيره ابتسمت وقالت 
فاكر واحنا صغيرين لما قولتلي انك هتعملي فرحي في استاد القاهره..
حازم 
ايوه طبعا فاكر انا عمري ما نسيت اي حاجه وعدتك بيها..
نيره 
طيب كوبس عشان تننفذ بقي وعدك ده..
حازم 
لا ما انا عيل انتي عارفه التذكره بقيت بكام وبعدين احنا مش هنعمل فرح انا بحب الهدوء اعزم صاحبي المقربين ونشرب شربات وناكل جاتو وندخل بقي..
نيره بغيظ 
اوعي يا حازم وربنا بتقفلني منك..
ضحكت ناهد وقالت 
انا لو مكانك افضها سيره من البدايه..
نيره 
غلبان وطيب بقي وبيصعب عليا..
حازم 
يا بت هو انتي حد معبرك غيري اصلا بطولك ده..
نيره 
شايفه يا خالتو طيب مش هتجوزك..
حازم 
ما بقاش بمزاجك علي فكره دخلت القفص برجليك يا كتكتوت..
نيره 
هتروح تخطبني من عمر صح..
حازم 
ان شاء الله بكره هروحله..

_بعد كام يوم بالليل رجع معتز من شغله وكانت مريم قاعده بتقلب في موبيلها..
معتز.
غريبه فكرتك هتباتي عند اياد زي الكام يوم اللي عدوغلطانه وهي اللي زعلانه كمان..
مريم بقلق
معتز انت عملت ايه في سيف ممكن تقولي
معتز بضيق
اطلعي بره الموضوع يا مريم وما يتفتحش تاني..
مريم 
انت عارف اني ما بحبش الطريقه دي بلاش تستفزني..
معتز پحده 
انتي عايزه ايه دلوقتي انتي تحمدي ربنا ان الطلقه التانيه ما جاتش في دماغك الصغيره دي..
مريم بدموع 
انا فعلا غلطانه اني قولت ابقي ست عاقله واجي اتكلم معاك..
مسك ايدها معتز قبل ما تمشي وقال
استني انتي مش هتباتي بعيد عني تاني حتي لو مټخانقين تمام..
مريم بضيق 
والله يا معتز ما كنت اقصد انا بس كنت عايزه ارتاح من مشاكله وصدقت مامته..
معتز بخبث
بصي انا هعدي الموقف او اليوم كله هنسااه بس بشرط واحد بس..
مريم 
اعتبره حصل يا زعامه..
معتز 
زعامه ايهوالله انا اوقات كتير بحس اني متجوز سواق توكتوك..
ضحكت مريم وقالت 
طيب بنوعلك اهوو عشان ما تزهقش مني..
معتز 
طيب يلا ارقصيلي كده جوزك متدشمل في الشغل..
مريم بغيظ 
ده لما تبقي متجوز وحده من شارع الهرم ابقي اطلب منها كده..
معتز 
اممم هو انتي ليه بتنسي اني جوزك وبعدين زي ما بتنوعي وبتبقي سواق توكتوك خليكي جدعه وكملي جميلك للاخر وخليكي رقاصه..
مريم بتوتر
بص ازعل مني احسن..
معتز 
بلاش رقص انتي كده كده عجباني يا بطل انت..
مريم بكسوف 
انت ما تعشتش يا حرام هروح اجهزلك عشا..
معتز قرب منها وقال
مش وقته بعدين يا قلبي..
_وتاني يوم الصبح صحي معتز ومريم علي صوت خبط جامد علي باب الشقه..
معتز
ايه ده مين اللي بيخبط كده..
مريم 
تلاقيها مصېبه جايلنا
من تحت راسك لو هتخطف قولي اقوم استر نفسي بدل ما اتخطف بقميص النوم كده..
معتز بغيظ 
اتخمدي يا مريم انا طالع اشوف في ايه...
_طلع معتز ومريم قامت لبست الروب بتاعها وراحت وراه من فضولها..ولما فتح الباب كان فاروق اللي زق معتز جامد وقال..
فاروق
فين زيزي عملت فيها ايه يا معتز..
الفت پحده 
هو مال ابني بيها اصلا يا فاروق كفايه بقي فضايح..
فاروق 
انا متاكد انكم انتو اللي خلتوها تهرب وهي حامل في ابني..
_ضحك معتز بسخريه وقال...

_في مكان تاني مقطوع وقفت عربيه كبيره قدام خالد ونزل منها اتنين رجاله سملهم پخوف وفتحو الباب ونزل عمر اللي كان في ايديه الكلبشات ومفتح عينيه بالعافيه من نور الشمس..
خالد 
حمدلله علي سلامتك يا عمر..
عمر 
ايه المكان ده يا خالد..
خالد 
هتقعد هنا كام يوم يبطلو بس يدورو عليك عند اهلك وهخليك تعمل اللي انت عايزه....
_تفتكرو بقي ايه اللي هيحصل...
_بقلم الكاتبه_رحاب_القاضي_اتجوزني عشان اربيله ابنه٢٢

ضحك معتز وقال 
سوري في الكلمه يا بايا بس هي غفلتك وهربت..
فاروق پحده 
بقولك ايه انت مش هتضحك عليا وديتها فين عملتلها ايه..
معتز دخل اوضته وجاب موبيله وقال 
انا هسمعك حبيبة القلب قربت منك ليه هسمعك البنت الرخيصه اللي جيبتها وحطيت راسها براس امي عملت ايه..
فاروق 
انت قصدك ايه بالظبط..
_شغل معتز المكالمه المتسجله بين زيزي وفخري واټصدم فاروق من اللي سمعه وبص للارض...
معتز 
اتفضل حضرتك كمل كلامك ولومني علي اللي عملته فيك ولا اقولك مد ايدك احسن..
الفت بجمود 
لا هيمد ايده ولا هيتكلم معانا ولا ليه علاقه بينا تاني انا مش هطلق منك يا فاروق عشان زي ما قولت قبل كده احنا كبار علي الكلام ده والخطوه دي متأخره اووي كان المفروض اخدتها زمان لما كنت بجيبك من بيوت الستات اللي تعرفها واسامح واعدي واقول معلش مسير الايام تعلمه بس ديل الكلب عمره ما هيتعدل..
_ما ردش عليهم فاروق ومشي بره الشقه مريم بضيق قالت..
معتز 
انا هنزل اتكلم معاه ممكن..
معتز پحده 
لااا مالنااش دعوه بيه تاني خلصت خلاص....
الفت مسحت دموعها وقالت
لا لا اوعي تقول كده ده باباك وانت لازم تسامحه وتراعي ربنا في علاقتك بيه بس لو عايز تخليني مرتاحه متخلنيش اشوفه تاني ابدا يا معتز..
معتز اتنهد وقال 
حاضر يا ماما اللي تشوفيه انا هنفذه..
_دخل معتز اوضته وقعد علي السرير وكان مدايق جدا دخلت وراه مريم وقالت..
مريم 
عارف بيبقي شكلك وحش اووي وانت مكشر..
بصلها معتز فقالت هي بسرعه 
ايه ده دور وشك عني شويه كفياني وشوش..
ابتسم معتز وقال
ايه ايه ده انتي بتحبي اغنية سعاد حسني دي..
مريم
لا انا اصلا ما كنتش اعرفها بس سالت الفت علي اكتر اغنيه بتحبها وقالتلي انها دي..
معتز قرب منها وقال
طيب وده اهتمام بقي ولا ايه بالظبط..
مريم بتوتر
هو ده لا اهتمام ولا حاجه ده محڼ وزاد شويه عندنا اليومين دول مش واخد بالك...
معتز بغيظ 
بطلة العالم في الفصلاان صباح الفل..
ضحكت مريم وقالت
طيب بقولك انا هاخد. طنط الفت هي وماما معايا النهارده عند نيره..
معتز 
ليه مالها نيره بالظبط..
مريم 
ايه ده هو حازم ما قالكش ولا ايه..
معتز
اااه كتب الكتاب النهارده طيب روحي بس ما فيش طلوع من هناك لحد ما اجي انا بالليل..
مريم 
لا انا هنزل انا ونيره نجيب حاجات كده نقصاها..
معتز
ابعتي حد من الحراس يجيبلك اللي انتي عايزاه..
مريم 
لا انا عايزه انزل اجيب الحاجه بنفسي معتز انت كده بتكبت حريتي..
معتز 
بطلي هبل بس تخلص القضيه وهترجعي لحياتك الطبيعيه وعلي فكره زين الشناوي عزمنا عنده وانا اعتذرتله وقولتله وقت تاني..
مريم 
لا ابقي روح لوحدك. انت واياد انا مش عايزه اروح عند الراجل ده تاني..
معتز بقلق
هو حصل ايه يا مريم المره اللي فاتت وانتي مش راضيه تقوليلي عليه..
مريم بتوتر
لا ابدا ما قالش حاجه انا هروح اشوف اياد صحي ولا لا..
_طلعت مريم وهو وقف يفكر في ايه اللي مريم مخبيااه عنه..

_وصل معتز للمكان اللي فيه سيف ولقي الحراس واقفين..
عماد. 
اخيرا جيت يا باشا الواد اللي جوه ده مش طبيعي..
معتز 
خير ماله يعني...
عماد 
احنا عملنا زي ما حضرتك قولت خلينا الدكتور هرج الړصاصه من غير اي بنج او مخدر وهو فضل ېصرخ من الالم وبعدين تقريبا اغمي عليه ولما فاق شويه ېصرخ وشويه يفضل يضحك بشكل غير طبيعي..
معتز بسخريه
هي الهانم هتلم علي حد عدل اصلا..
عماد 
افندم..
معتز 
ولا حاجه خليكم هنا وما حدش يدخل جوه..
_وبعدين دخل معتز جوه المكان اللي كان كله كراكيب ولقي سيف قاعد علي الارض وايده ملفوف عليها شاش ابيض..
سيف ضحك 
ههههههه تصدق اول ما شوفتك افتكرت شكلك لما شوفتها وهي فحضني..
معتز 
انت فاكر اني كده هقولك ايه انت مريض مش طبيعي لا فووق يالااا انا اتعاملت مع الاۏسخ منك..
سيف
بس انا مش مريض انا اذكي منك بكتير وزي ما خليتها بقيت في حضڼي قدام عينيك هاخدها منك قدام عينيك..
معتز قعد قدامه وقال
عيبك انك مغرور في نفسك اووي انت مش بتحب مريم ولا عمرك حبيتها ولو هي كانت كملت معاك كان هيجي اليوم اللي انت تسيبها فيه وتمسكك بيها والحركات اللي بتعملها دي عشان هي رفضاك وانت اتعودت
تبقي كل حاجه تحت طوعك..
سيف 
ايه ده برافو عرفت تحلل شخصيتي صح..
معتز 
تعرف يا سيف انت صعبان عليا لدرحة اني كنت ناوي اجي اديك علقھ معتبره بس قلبي ما جابنيش عارف ليه..
بصله سيف وسكتومعتز قال
واحد زيك نفسه متسلطه عليه اصله فاضي لا ليه اهل ېخافو عليه ولا صحاب ولا حتي حبايب..
سيف بتوتر
انا مش كده انا عندي كل حاجه..
معتز بخبث
انا مثلا عندي اهلي لما بغلط بتعاقب وبيتكلمو معايا وبينصحوني وبيحبوني بجد علموني الادب وعلموني الحلال من الحړام ولما بقي عندي شغل اتعلمت منهم ازاي اكون ناجح فيه وبقي عندي صحاب ضحك بقي وهزار وخروجات ولما اتجوزت بقي عندي ولد البصه في وشه بالدنيا ولما حبيت لقيت برنسيسه خلتني اعشقها وحبها ليا حسسني اني ملك..كل دي حاجات انت