رجلي بقلم هويدا زغلول
بس خلصت
ونزلت
باك
وبعدها روحت البيت
جمال
انتي يا ست هانم هو انت مش محضره الغداء من قبل ما تروحي الشغل ولا ايه انا دخلت المطبخ ما لقيتش اي حاجه
ليلي
الكلام اللي انت بتقول عليه ده انا عامله الاكل كله وسايباه والله على البوتاجاز وفي الوقت ده طلعت أمه وقالت
الحما
اصل انا لقيتك نايم يا جمال ما رضيتش اصحيك واقول لك ان انا خدت الاكل ابقي اعملي غيره بقى يا حبيبتي
بالف هنا وشفا على صحتك يا ماما وانت يا وليه انت انا جعان اعملي لقمه اكلها
ليلي
منين يا جمال ده التلاجه فاضيه ده انا قولت الاكل ده هيكفينا يومين علشان خاطر
مش معايا فلوس
جمال
اتصرفي يا اختي ولا انت بتتصرفي وبتستلفي لبنتك بس روحي يا وليه انت شوفي هتجبلنا
اكل اي انهارده
ليلي
الحما
هو انت اټجننتي يا بنت انت واقفه عماله تنطحي جوزك كلمه بكلمه يا اختي احمدي ربنا ان اخواتك ببنتك واحد غيرو كان سابك لكلاب السكك
تاكل في عظمك انتي وهي
تعالى يا حبيبي تعالى اتغدى عندي تحت وانت شوفي بقى هتاكلي انتي وبنتك
وبعدها نزلوا وخرجت اسماء
نفسي افهم انت ليه راضيه على نفسك البهدله دي والله العظيم انت هتتحاسبي على اللي بتعمليه في نفسك ده
ليلي
عايزين اعمل ايه بس يا اسماء ما انت عارفه ان ما ليش اي مكان اروح فيه وكمان معايا
عيله طولي ازاي اعمل كده
اسماء
بجد والله وانا مسامحاكي ولا مسامحه جوزك على اللي انتوا عملتوه فيا ده لما انتم مش قد الجواز بتخلفوني ليه عاجبكم المرمطه اللي انا فيها دي
الله يخليكي انا جايه من الشغل تعبانه ومش ناقصه كل كلامك ده امسكي قبل ما يطلع الفلوس اللي انتي عايزاها اهي
اسماء
وانا عايزه افهم ايه موضوع الفلوس دي ده انت كنت على طول بتطلعي عيني لما هتديني فلوس بقت كل يوم والثاني معاكي
ليلي
انا مش ناقصه كلامك ده ارحمني بقي
يا شيخه وبعدها دخلت الاوضه وفضلت
محمود
اي ده اسماء تعالي يا حبيبتي عامله اي
وحشتني والله
اسماء
وانت كمان والله يا بابا واحشني قوي بالله عليك خليني اقعد معاك هنا انا مش عايزه ارجع بيت ماما تاني
محمود
ليه يا حبيبتي وجوزها بيعملك حاجه قولي لي وانا اروح اكسرلك عضمه
اسماء
لا والله مش بيعمل فيا حاجه بس انا خلاص
وبعدها خرجت عزه
عزه
اي ده هو انتي هنا يا اسماء
غريبه يعني
اسماء
ايوه انا يا مرات ابويا جايه اقعد مع ابويا
شويه فيها حاجه دي
محمود
اسماء جايه تقعد معايا شويه يا عزه
روحي انتي شوفي وراكي ايه
عزه
طيب ما تخليهاش تتأخر في القعده هنا
اصل علي ابني حبيبي عازم صحابه النهارده
علي السهره هنا وعيب بنتك تبقي هنا
محمود
حاضر حاضر يا عزه ودخلت المطبخ
اسماء
ايه الكلام الغريب ده يا بابا
انا جيالك هنا عشان اقعد معاك انا بقولك اني
تعبت من اللي عامله فيا جمال جوز امي
محمود
ما انتي شايفه اللي انا عايش فيه عزه وابنها مستوليين علي البيت
اسماء
وانا لما اتعب اروح فين هناك بيت جوز اني وهنا بيت مرات ابويا انا مكاني فين يا بابا طيب
محمود
معلش طيب روحي دلوقتي شوفي امك وانا هبقي اجيلك واحيبلك حاجات حلوه
اسماء
لا كتر خيرك يا بابا انا ما بقيتش اسماء العيله الصغيره اللي هتضحك عليها بكلمتين زي دول
انا ليا حق عليك وعلي امي بس انتو قصرتو في حقكم عليا وسابته ومشيت
والصبح روحت الشغل وكان معدي حسين وقالي
حسين
تعالي يا ليلي عايزك في المكتب ودخل المكتب
روحيه
روحي يا اختي شوفي هو عايز ايه منك
ليلي
ايوه هروح
