إم احمد كامله بقلم هويدا زغلول
بس بقول ان هند اختي أولى بخالد واهي بتحبه وريداه وكمان مننا وعلينا ومحدش عارف الغريبة اللي هو هجيبها دي هتعمل ايه فينا ولا ايه
الحما
لا ياختي اطمني البنت زي العسل وزي القمر وزي الفل كمان ومش ناقصه لا ايد ولا رجل وهتيجي تنور بيتنا ده انتي بقا تخليكي كويسة معها ماشي
هيام
حاضر ياحماتي يعني انتو على كده حددتو ميعاد الفرح وخلاص يعني الدنيا تمام واحنا اخر من يعلم
ايوه احنا حددنا خلاص واللي عندي قولتة
ومشيت هيام من عند حماتها وطلعت شقتها واتخانقت مع فوزي وقالت له
شوفت امك واخوك اهم مش عايزين يجوزو اختي ليه ينفع كده يافوزي وهي بقا اختي مالها ناقصها ايه يعني
فوزي
اهدي يا هيام مش كده بعدين اخويا خالد معملش حاجة لده كله يعني هو عمل ايه غير انه عايز يتجوز البنت اللي هو بيحبها
منكم لله عيلة هم يعني البت اللي هتتجوز اخوك دي هتتجوزه وتعيش في الخير والعز ده كله واختي تفضل قاعده كده من غير جواز
فوزي زعق وقال
ماتلمي نفسك ياهيام الله ماقولت لك اخويا وحر في اللي يعمله ويتجوز اللي على مزاجة واللي تحلاله
هيام
ماشي يا فوزي على العموم انا عايزة اروح لحد امي ازورها وارجع أصلها ااا كانت تعبانة شوية كده ياخويا
ماشي روحي بس ترجعي بسرعه عشان تلحقي توضبي لي العشا على مارجع ماشي
هيام
حاضر يافوزي انا مش هتأخر
ونزلت هيام. راحت عند الشيخ سلطان الدجال اللي بيعمل اعمل سحر اسود وقالت له
اسمع بقا انا المره دي لو ما معملتش حاجه عدله وتجيب من الاخر وربي لاڤضحك واقول عليك انك شيخ سكة ولا ليك في اي حاجة ابدا
سلطان
الله الله مالك ياهيام داخله عليا على الحامي كده ليه اهدي كده ياقمر وقولي لي في ايه بس اللي مضايقك ياجميل
في ان الواد اخو جوزي هيتجوز واحده تانيه غير اختي وانا بقا عندي اختي اهم واحده في الدنيا والمصېبة انها بتحبه
سلطان
امممم طيب ايه رايك نعمل حاجة المره للعروسة الجديدة انتي تشربيها حاجة وتخليها تمرض وتخليها تلف حوالين نفسها قولتي ايه
هيام
اما حتة فكرة بس انت واثق المره دي من العمل الزفت بتاعك ياراجل انت انا مش عايزة غلط
عيب عليكي ياهيام ده انا سلطان والاجر على الله يابت اسمعي انا هخلي البت دي تلف حوالين نفسها كده علطول وكمان ايه تشوف حاجات معاها في الشقه مشافتهاش قبل كده
هيام
حاجات زي ايه يعني ياسلطان قولي ورسيني ياخويا الله هو انت مش عايز تيجي معايا دوغري ليه
سلطان
اسمعي ياهيام خلي خالد يتجوز البت. دي وانتي تجيبي لي حاجة من قطرها عارفه قطرها
الا عارفه بس دي هعملها ازاى بقا ان شاء الله
سلطان
مانتي اكيد هتطلعي عندها وتتصاحبي عليها وتعرفيها اكتر وانتي عندها في شقتها تروحي جايبة اب حاجة منها ماشي
هيام
ماشي لما اشوف اخرتها معاك ايه ياسلطان الهي اشوفو فيكم يوم كلكم
وبعدها عدت الايام وخالد فعلا اتجوز داليا وفضلت هيام تعمل معاها صداقه عشان تطمن لها وبعدها اخدت حاجة من قطرها وراحت بيها لسلطان وقالت له
خود ياسلطان ادي قطرها اهو
بص سلطان في الحاجة اللي هيام جيباها وعينة لمعت وقال لها
هي البت دي حلوه ياهيام القميص ده ريحتة حلوه اوي بيقول ان صاحبتة جامده
هيام
ماتتلم ياسلطان الله انتي ايه البت حليت في عيونك ولا ايه ماتلم نفسك ياخويا وقولي بقا ناوي على ايه وخلصنا يووه عايزة ارجع البيت
سلطان
لا استنى انتي هتيجي معايا بس على نص الليل كده هنروح المقاپر وانتي هتيجي معايا
هيام
نعم وده ازاى
