مراتي بقلم هويدا زغلول

وقال لهم 
احم بقولك ايه يا أمي أنا بقترح عليكم انتي وبابا تاخدو بعضكم وتروحو عند منى اختي يومين يعني اصل ااا الصراحة كده ليلى مكسوفه اوي تخرج قدامكم بلبس بيت وكده
في الوقت ده ابوه وامه بصو لبعض وامه قالت 
طيب ما انا قولت لك يامنير من وقتها اني اروح انا وابوك عند منى وانت رفضت يابني على العموم انا هنزل انا وابوك ياحبيبي دلوقتي نروح لاختك
الاب
بس الوقت متأخر ياحجة ازاى هننزل دلوقتي بس في الشوارع
وانا في اللحظة دي خرجت من جوه وقولت 
انتو ممكن تطلبو أوبر ولا تاكسي اكيد هتلاقوهم مالين الشوارع يعني ياحمايا انت وحماتي وكمان ياريت مترجعوش هنا تاني اظن بقا من حقي اعيش براحتي في بيتي
منير 
ليلى ايه الكلام اللي انتي بتقوليه ده ليه ابويا وامي يرجعو في اي وقت
ليلي 
لا يامنير محدش يرجع البيت ده هنا تاني كفايه عليهم لحد كده يلا خدو هدومكم وانتو ماشين
الام 
حاضر يابنتي اللي تشوفيه احنا هننفذة هو احنا يهمنا في الدنيا غير سعادة ابننا منير يلا بينا ياحج ابقي خلي بالك من نفسك يابني
مشيت حماتي وهي حزينة ومقهورة اوي وبعدها منير قالي 
انتي ايه اللي عملتيه ده يا ليلي ليه كده انا ابويا وامي اخرجهم من بيتهم في انصاص الليالي كده عشان ساعتك تبقى مبسوطة انا كان عقلي فين لما سمعت كلامك
ليلى 
وفيها ايه يعني ياحبيبي انت مبكر الموضوع ده ليه هما راضين وبعدين هما اصل شكلهم كانو بيتلككو عشان يمشو ده مصدقو تعالى بقا ندخل اوضتنا ياحبيبي ده هوريك ليله ولا الف ليله وليله
ومشيت حماتي وحمايا عند بنتهم مني اللي اتفاجات بيهم وقالت 
ماما وبابا ايه ده انتو ايه اللي جابكم في وقت زي ده هو حصل حاجة ولا ايه منير كويس وعروستة
الام 
ايوه يابنتي كويسين الحمد لله هو بس العروسة مش عايزة زحمة في شقتها فقالت تخفنا منها
مني پصدمة 
يلهوي ياماما طردتك انتي وبابا من بيتك هي ازاى تعمل كده وديني لانزل اروح لها حالا استني بس عليا 
الام 
لا لا يابنتي الموضوع مش مستاهل يامنى بلاش ياحبيبتي دي مهما ان كانت عروسة وعايزة تفرح ببتها وعفشها
الاب 
هو جوزك فين يا منى يابنتي هو مش موجود ولا ايه
مني 
لا يابابا ده جمال في الشغل بايت فيه ده هيفرح لما يفرح انكم هنا انتو منورينا والله انا هاقوم اعمل لكم لقمة تأكلوها
الاب 
لا لا يابنتي احنا ملناش نفس ادخلي انتي نامي يلا تصبحي على خير
مني 
طيب ياحبيبي الاوضة دي هتنام فيها انت وماما ولو احتاجتو حاجة اطلبوها مني او صحوني علطول يلا تصبحو على خير
وبعدها بيومين جه بابا وماما وهبه يزروني وماما قالت اومال حماكي وحماتك فين مش باينين يعني هما مش المفروض انهم عايشين معاكم
ليلى 
ااه المفروض بس انا قولت لهم يروحو يعيشو عند بنتهم احسن هيرتاحو عندها اكتر من هنا وبعدين ده بيتي اخلي فيه اللي يعجبني
الاب 
يعني انتي طردتيهم من البيت يابت انتي انتي اټجننتي صح ايه اللي انتي عملتيه ده وازاي جوزك يسمح بكده
ليلى 
والله انا وجوزي حرين يابابا ولا انتو جايين وعايزنو ينكد عليا في أول أيام جوازي انا مش عايزة كده
الام 
يبجاحتك يابت انتي انا مش عارفه انتي جايبة الجبروت ده منين بس انتي مكنش ينفع تعملي كده ابدا
هبه 
والله منير غلطان انه بيسمع كلامك يا ليلي مدلعه وهتودي نفسك في داهيه
ليلى 
بقولكم ايه محدش يوجع دماغي قولت لكم انا حره انا وجوزي الله بقا
الاب 
يلا بينا ي هاله يلا اصل بنتك دي ناقصه رباية
ومشي بابا
وماما وهبه من عندي وانا عشان اتعصب طلعت سېجارة ولعتها وقولت فرصه منير مش موجود لقيت الباب بيخبط فتحت وكانت مني وقولت 
افندم عايزة ايه
مني 
ايه ريحة السجاير اللي عندك دي هو منير فين
ليلى 
منير مش هنا انتي عايزة ايه مننا هو ابوكي وامك مش عندك جايه هنا ليه
مني 
انا كنت جايه لاخويا عشان يرجع ابوه وامه للبيت هنا تاني بس الظاهر ان اخويا مبقاش راجل زي زمان
ليلى 
انتي جايه عشان تشمتي جوزي بقولك اطلعي برة يلا
ومشيت مني مڼهارة واتصلت بمنير وقالت له وهو رجع البيت وانا كنت بكلم اسلام في التليفون وبشرب سېجارة وقولت له 
لا ياحبيبي تيجي فين انت عايز جوزي يدبحني هيهيهي
منير مره واحده قال 
انتي بتعملي ايه انتي بتكلمي راجل وكمان بتشربي سجاير كان لازم اعرف انك انسانة واطية وزباله انتي طالع يا زباله طالق
وبعدها رجعت بيت ابويا اللي مسكني ضړبني وبقيت مكروهه من الكل واختي هبه اتجوزت يوسف وانا بحاول أصلح اي حاجة غلط عملتها لاني بجد ندمت عشان كانت في أيدي نعمة وانا اللي رفضتها
وبكده تكون خلصت حكايتي