علشان مبخلفش كامله بقلم هويدا زغلول

مجدي ما يزعلش...
مجدي...
ساره يا ساره هو انت نمتي يا حبيبتي.. واتسحب بالراحه وخرج بره تتكلم في التليفون في الوقت ده ساره مشيت وراه عشان تعرف هو بيكلم مين...
مجدي...
ايوه يا مياده يا حبيبتي خلاص نامت وكمان صدقت ان هي حامل ما تعرفش ان انا اللي عامل كده عشان تتوهم ان هي حامل
ميادة...
يعني هتيجي امتة كده...
مجدي...
كلها ساعتين بالظبط وهعدي عليك بالشنطه وانت حضري الشنط وخدي معاكي هدوم كتير عشان ممكن نطول هناك.... انا فهمت اختك نيفين على كل حاجه وعرفتها ان لما ساره تسال علي او اي حد يسال علي ياكد ان انا مش موجود وهغيب كام يوم...
ميادة...
مش عارف ليه مش مطمنه وحاسه ان ساره ممكن في يوم تكشف كل حاجه وما نلحقش ناخد منها الابيض ولا اسود
مجدي...
مش هتلحق تكتشف اي حاجه وقبل ما تكتشف اللي احنا عملناه اول لنا متجوزين هكون اخذت منها الشركه والبيت والفلوس اللي في البنك وهبيع الشركه والبيت واسافر انا وانتي واول ما تقربي تولدي نبقى نرجع تاني....
سارة بينها وبين نفسها...
اه يا واطيه زباله ده امي طلع معاها حق طيب يا مجدي انا هتغدى بيك قبل ما تتعشى بيا..... وبعد حوالي ساعه ساره بتمثل انها كانت نايمه وصحيت
سارة...
حبيبي هو انت هتمشي دلوقتي
مجدي بتمثيل زعل...
اعمل ايه بس يا حبيبتي لازم امشي دلوقتي عشان اوصل بدري وبعدين انا بعمل كل ده ليه ما هو عشان خاطرك وخاطر اللي في بطنك...
سارة...
حبيبي ممكن اطلب منك طلب انا نسيت دفتر الشيكات بتاعي عند ماما وكنت محتاجة مبلغ كده عشان اجيب شويه حاجات محتاجاها ليا وللبيبي اللي جاي...
مجدي...
بس كده من عيني يا حبيبتي شوفي انت محتاجه كام وانا هكتبلك شيك بالفلوس اللي عايزاها...
سارة...
ومش عارفه يا حبيبي محتاجه كام اقول لك انت ما تحطش فلوس في الشيك بس امضي عليه اشوف محتاجه كام وهكتب الفلوس اللي عايزاها
مجدي...
ماشي يا حبيبتي وادي شيك على بياض وادي الامضه بتاعتي وطبعا يا غالي فلوسي هي فلوسك
سارة...
طبعا يا روحي....
بعد يومين بيروح مجدي عشان يسحب فلوس من المكنه بيلاقي ان الرصيد بتاعه ما فيش فيه غير 500 جنيه
مجدي ل مدير البنك...
يا فندم ازاي يكون عندي 5 مليون جنيه في البنك الاقي فيهم 500 جنيه بس اللي باقي
مدير البنك...
ثواني يا فندم انا هراجع البيانات بتاعه حضرتك... مظبوط يا فندم باقي 500 جنيه بس وامبارح في عمليه سحب تمت بمبلغ 5 مليون جنيه تم ايداعهم في حساب مدام ساره مراتك...
مجدي پصدمة...
ايه 5 مليون جنيه في حساب ساره مراتي.. بقى كده يا ساره عملتيها... بيحاول يتصل بيها لكن تليفونها مقفول وبيرجع مجدي على الشركه وهناك بيلاقي سارة في المكتب
مجدي...
ايه اللي انتي عملتيه ده يا ساره بتسحبي 5 مليون جنيه من حسابي ده جزاتي عشان ما تطلق شيك على بياض وكمان قاعده مكاني في الشركه..
سارة...
اخبار مراتك مياده ايه يا مجدي واخبار اللي في بطنها وبعدين الفلوس اللي انت زعلان عليها دي تبقى فلوسي ولا انت ناسي
مجدي...
هو انتي عرفتي بموضوع ميادة...
سارة...
انا عرفت بموضوع مياده والحمل الكاذب والشركه والبيت اللي عايز تاخدهم مني يا زباله يا حيوان يا رخيص...
مجدي...
على فكره يا ساره انت فاهمه غلط أنا انا كنت بعمل كده عشان عايز احافظ على الشركه بتاعتنا وموضوع مياده ده كنت هقولك عليه..
سارة...
انا في حياتي ما شفت واحد كظاب وبجح زيك انت امال لو ما كنتش سامعه كل حاجه بوداني وانت عملت ايه...
مجدي...
سامحيني يا ساره انا مستعد
اطلق مياده واعمل اللي انتي عايزاه ...
سارة...
عرفت بقى انك خاېن وما لكش امان عايز يطلق مراتك ام ابنك عشان خاطر الفلوس اطلع بره يا مجدي بدل ما اطلب لك الامن وارميك في الشارع انا هرجعك شحات زي ما كنت...
وبكده تكون خلصت قصتنا