ام احمد وشيماء

وتطلم علي وشها وتقول 
ليه كده ياما انتي واخويا تعملو كده ليه بس هو انا كنت عملت ايه ياربي عشان يبقا ليا عيلة زي دول كده استغفر الله العظيم اللهم لا اعتراض
وبعدها رجعت لي شيماء وقالت لي 
خلاص ياخالتي انا جبت حق نوال مرات اخويا ده انا عرفت أسرار تشيب لها الراس ياخالتي وحكت لي شيماء علي كل حاجة وانا قولت لها 
ياساتر يارب دول لايمكن يكونو بني ادمين يا شيماء ايه الناس دي يابنتي انتي عايشة في وسط شياطين مش بني ادمين
شيماء 
عندك حق تقولي اكتر من كده ياخالتي ام احمد والله انا مش قادرة استوعب ان امي واخويا يعملو كده انا مش مصدقه لحد دلوقتي خالص
ام احمد 
خلاص يابنتي اللي حصل حصل وأهم هياخدو جزاتهم في الدنيا والآخرة ده ربنا مش بيسيب حق حد
شيماء 
انا بس صعبان عليا ان دي امي وده اخويا وانا بنفسي وصلتهم لحبل المشنقة بس ده كان عايز يعمي فيا زي ماعمل في مراتة ياخالتي تصوري كان عايز يدخل فيها جن
ام احمد 
ياساتر يارب يلا يابنتي انتي تحمدي ربنا وتشكريه على انه كشفهم لك في الوقت المناسب
شيماء 
والله الفضل بعد ربنا يرجع لك يا خالتي ماهو لوما انتي وصلتي لي مكنتش هعرف حاجة عنهم ابدا يلا الحمد لله ده ربنا لما بيبن حد بيبنه
ام احمد يلا يابنتي حصل الخير المهم استعدي بقا للشغل من يكرة ان شاء الله انتي تنامي في الاوضة دي وتاخدي راحتك مفيش غيري انا وانتي هنا واحمد ابني هو ومراته في الشقه فوق
شيماء 
انا مش عارفه اقولك ايه بس ياخالتي ام احمد علي كل اللي انتي عملتيه معايا ده
ام احمد 
يابت ماتقوليش كده دي الناس لبعضها انتي متعرفيش اللي بيساعد الناس ربنا بيسخرله كل حاجة كويسة والحمد لله انا بعمل لربنا يابنتي
وفجأة لقينا الباب بيخبط وراحت شيماء تفتح وكان احمد ابني ومراته حنان وقال لها 
ادخلي ياست هانم ادخلي اعوزو بالله منك ياشيخة
ام احمد 
يووه مالك ياواد انت بتكلم مراتك كده ليه في ايه مالك
احمد 
اسألي الهانم عايزة ايه اصل انا ياما لما بسكت لها بيبقا عشان خاطرك انتي انما دي عايزه لها كل يوم علقھ كده على الصبح وعلى المسا عشان تتعدل
ام احمد 
اتلم يا احمد البت مراتك بنت ناس وانت مش متجوزها عشان تهنها طيب ايه رايك لو فكرت بس انك تقرب منها انا اللي هقف لك
احمد 
خليكي كده ياما دلعي فيها لحد لما معرفش اتكلم معاها يعنى انتي يرضيكي اللي هي عايزة تعمله ده
ام احمد 
وهي عايزة تعمل ايه ياواد ماتفهمني وانتي ياحنان ماتتكلمي فيه ايه والواد ده عايز منك ايه
حنان 
انا هحكي لك ياخالتي احنا دلوقتي كنا عند الدكتور عشان اتابع الحمل بتاعي ماشي وهناك الدكتور قالي اني حامل في ولد
ام احمد 
يالف بركة يابنتي ولد ولا بنت كل اللي يجيبه ربنا كويس ايه بقا المشكله دلوقتي
حنان 
المشكله ياخالتي اني بقولة اني عايزة اسم لابني يكون اسم جديد كده زي الاسامي اللي طالعه مودة دلوقتي زي يونس عمر انس هو بقا بيقولي انه هيسمي ابني على اسم ابوه الله يرحمة
ام احمد 
ينيلك ياواد انت عايز تسمى ابنك عطية على اسم ابوك
احمد 
وماله اسم ابويا ياحنان مش عجبك اسم ابويا
ام احمد 
اذا كان ده مش عجبني انا ياواد ده الاسم ده انقرض من زمان وبعدين هو في حد بيسمي عطية دلوقتي
راحت شيماء ضاحكة وحاطه ايديها على بوقها من كتر الضحك وانا ضحكت وقولت 
ههههه يوه كتك ايه يا احمد يابني
سمي ابنك اسم جديد الواد يطلع يحبه مش تسميه اسم يطلع يكره نفسه ده ابوك كان نفسه يغير اسمه بس معرفش
حنان 
شوفت يا احمد يعنى حمايا الله يرحمة نفسه كان كاره اسمة
احمد 
انا قولت عطية يعنى عطية ماشي
ام احمد
رحت زعقت فيه وقولت له 
وانا قولت لا والواد مش هيتسمي عطية انت سامع ولا لا
احمد 
خلاص ياما اللي تشوفيه وانتي قدامي يلا على شقتنا
حنان 
حاضر يا احمد ربنا يخليكي ليا ياخالتي ياغالية انتي منحرمش منك يارب يا احن قلب في الدنيا
ام احمد 
ولا منك يابت ياحنان يلا روحي مع جوزك تصبحو على خير
حنان 
وانتي من اهل الخير ياحبيبتي 
وقالت لشيماء 
والله انتي منورانا يا ابله شيماء انتي قاعده مع احن واحده في الدنيا
شيماء 
عارفه ياحنان ربنا يديها الصحه يارب
ام احمد 
تعيشي ياشيماء يابنتي يلا ياحنان لحسن احمد بينادي عليكي
وبعدها دخلت نمت وانا وشيماء وقومنا الصبح لما نشوف ايه اللي هيحصل معانا في اللي جاي انا وشيماء
وبكده تكون خلصت حلقتنا