ام احمد وشيماء
الخير ياما ايه انتي هنا ومش في البيت التاني هو لسه ميعاد الشغل مجاش ولا ايه
الام
جرا ايه يابت يا شيماء مالك بتكلميني كده ليه وبعدين بيت تاني ايه ده هو احنا لينا بيت تاني غير ده وانا معرفش ولا ايه
شيماء
لا ياما انا اقصد بيت سعاد اللي في أول البلد بيت العفاريت والأشباح انتي مش بتشتغلي فيه انتي وابنك في الأعمال والسحر الأسود هو انتي فاكراني نايمة على وداني ولا مش هعرف اللي انتو بتعملوه بقا كده ياما ده انتي اللي كنتي بتتخانقي مع ابويا عشان شغل الأعمال والسحر ده تدخلي انتي فيه كل ده عشان الفلوس
اخرسي يابت خالص مسمعش حسك ده انتي سامعه وبعدين مالها شغلانة ابوكي يابت ماهي كانت بتاكلنا الشهد لوما الفقر والحوجة لما راح قولنا انا واخوكي نشوفو كان بيعمل ايه ونعمل زيه بالظبط فيها ايه يعنى
شيماء
ازاى تعملو زية وانتي عارفه ان الشغلانة دي بتجيب الخړاب والهلاك لأهلها ياما ليه تعملو كده مانتي كنتي عايشة مستورة بايراد كام قيراط الأرض اللي كانو بيطلع لك عايزة ايه تاني
مش كفايه الايراد مبقاش يكفي حاجة يابت دي الشغلانة دي بتكسب دهب انتي متعرفيش حاجة خليكي انتي كده عايشة في الفقر اديكي خسړتي جوزك بسبب انك حقانية خليكي في الفقر بقا وابعدي عننا
شيماء
وحق المسكينة مين اللي هيجيبو بقا ان شاء الله ها مين ياما
الام
هوووش اخرسي يابت يلي تنخرسي في لسانك مسكينة مين وغلبانة مين انتي بتتكلمي عن ايه انا معرفش
بتكلم عن نوال اللي بعد ماهربت منكم ايه اللي خلاكم تعملو كده
الام
يانهارك اسود يابت وانتي ايه عرفك بمكان نوال وعرفني منين انها راحت انتي يابت بتخرفي ولا ايه قطع لسانك
شيماء
لا مش بخرف عشان نوال الله يرحمها قالت لي كل حاجة انتي ناسية اني انا بعرف الميتين بيقولو ايه وبيبقو عايزين يقولو لي ايه انتي ناسية
الله ابوكي مطرح مراح هو اللي عمل فيكي كده لما كان بيعمل الأعمال والشغل بتاعه في الميتين وخلاكي تتكلمي معاهم وتعرفي اسرارهم
شيماء
ابويا كان عايز يسخرني للجن والعفاريت وخلاني اعمل كده عشان يعرف أسرار محدش يعرفها بس عشان انا طيبة ومش بحب الغلط بقيت اعمل اللي يقولي عليه ضميري انا واعمل اللي فيه الصالح وده مكنش عاجبة بس انا لسه بروح اتكلم معاه وبعرف الأسرار
حلو اوي الكلام ده ياشوشو ياختي انتي هتنفعينا اوي الشغلانة وهتاكلي منها الشهد بس انتي فتحي مخك معايا كده ياختي ياحبيبتي
شيماء
ابعد عني يا ابراهيم وملكش دعوة بيا خالص انت فاهم انت عايزني اشتغل معاكم في الشغل ده ده بعينك انا عمري ماعمل حاجة تغضب ربنا ابدا حتى لو هاخد مال قارون
اصلك فقر وطول عمرك فقر هتعيشي كده وتروحي كده ياشيماء ياخسارة انا مش عارفه انتي ياما جبتي البت دي منين وليه مطلعتش زي انا وانتي وابويا
شيماء
يمكن ربنا عمل كده عشان انا اطلع حقانية واخلي ابوك يبطل ولا اخليكم تبعدو عن الطريق ده ربنا خلاني كده عشان مش عايز يخليني اعمل حاجة غلط
ابراهيم
قصر الكلام انتي جايه ليه وعايزة ايه انتي مش عرفتي اني انا وامك بقينا بنشتغل في الشغل ده عايز ايه تاني يا شيماء ماهو تروحي لحالك ياما تيجي معانا اختاري
شيماء
وانا عمري ماهكون معاكم يا ابراهيم انا عمري ماعمل جاجة تغضب ربنا انتي ايه مش بتفهم ولا ايه
الام
اومال انتي جايه وعايزة ايه مننا لما انتي مش جايه
