اتحبست بدل حماتي كامله بقلم هويدا زغلول

وبقول مليش حد غيرها في الدنيا بقا كل ده يطلع منها
وليد 
ايوه يا زهرة عشان تجوز أسامة لبنت اختها وهي اتفقت معاها انها تطلقك من جوزك عشان كده ولقتها فرصة كويسة عشان تعمل فيكي كده
زهرة 
طيب ليه كده بس انا عملت كل ده عشان هي متدخلش السچن مع ان المفروض هي اللي تبقى هنا مش انا اااه ياني بقا كده حماتي واسامة اللي مكنش ليا غيرهم يعملو فيا كده
وليد
متزعليش نفسك يا زهرة انا هدفع لك الفلوس واخرجك من هنا متقلقيش خالص
زهرة
وهتخرجني من هنا لمين ياوليد انا عايزة افضل هنا وانت كتر خيرك انك معايا وبتواسيني
وليد
انا مش هسيبك يازهرة انا هفضل جنبك بقيت حياتي انتي عارفه انك غاليه عندي من زمان اوي اي انا اتقدم لك وانتي رفضتيني بس انا هفضل جنبك مش هسيبك
زهرة
انا مش عارفه اقولك ايه ياوليد بس على كل ده ربنا يخليك يابن عمي
وبعدها وليد دفع الفلوس للمعلم محروس وخرجني من السچن ورجعت البيت عند ابويا وفوزية قالت لي
ادي أخرت اللي خدتيه من حماتك اللي كنتي بتقولي عليها امي امي اهي غرقتك ياختي ولبستك الليله كلها وجوزت ابنها الحيله لبنت اختها يلا اشربي بقا
زهرة
الله يخليكي يا مرات ابويا انا مش ناقصاكي والله ارحميني كفايه اللي انا فيه سبيني في حالي
فوزية
طيب ياختي انتي حره انتي عمرك ماتحبي تسمعي كلامي مع اني انا هخاف عليكي وبعاملك زي بنتي بالظبط لاكن انتي بقا اللي مش عايزة تسمعي
زهرة
انا هسيب لك الصاله كلها وادخل الاوضة كلها عشان ترتاحي لو عايزاني اسيب لك البيت كله وامشي همشي
فوزية
شوف ياختي البت هو انا عشان بتكلم في مصلحتك تقولي كده طيب ياحبيبتي انا غلطانة لك اعملي مابدا لك هيهي
ودخلت الاوضة جوه وسبتها تتكلم وعند أسامة في بيتهم امه قالت لسماح
قومي ياسماح اعملي لي كوباية شاي لحسن انا مصدعه ومش شايفه قدامي
سماح
وانا مالي ياخالتي ما تقومي لنفسك انا مش قادرة اعمل حاجة ابدا
الحما
يعني ايه يابت الكلام ده انتي عايزاني اعمل لنفسي الاكل والشرب انتي اټجننتي يابت انتي قومي يابت فزي اسمعي الكلام اللي بقولك عليه
سماح
وانا مش هسمع كلام حد انا هعمل اللي في دماغي واللي على كيفي انا وبس وانتي بقا ياخالتي اتصرفي هاتي لك خدامة
الحما
بقا دي اخرتها ياواطيه انتي تقولي لي كده طيب لما جوزك يرجعك يبقا يشوف له صرفه معاكي
سماح
اعملي اللي تعمليه ياخالتي هو انتي فاكراني اني جايه هنا خدامة ليكي ولا ايه انا هنا عشان البيت ده بيت جوزي وانا حره بقا اعمل فيه اللي انا عايزاه انتي فاكراني هبله زي زهرة اللي كنتي بتضحكي عليها بكلامك لا ياحبيبتي فوقي ياخالتي
الحما
طيب ياسماح اما وريتك مبقاش انا وبعدين زهرة دي كانت برقبتك والله انا اللي خسرتها والله بعملتي السودة اللي عملتها فيها ورحت استلفت من الراجل ورميت التهمة عليها هي وهي غلبانة ومكنش ليها حد غيري
سماح
بس انتي عملتي كده عشان الفلوس ياخالتي حصل ولا لا انتي جريتي ورا الفلوس وانا اديتك كتير اوي اهو كان زمانك انتي اللي في السچن دلوقتي مش هي بس هنقول ايه هي اللي عبيطة ودخلت نفسها بدالك
الحما
ده هي عملت كده عشان أصيلة وانا مكنتش اعرف قميتها وسبتها عشان واحده واطيه زيك كده انما انتي متستاهليش اللقمة
وفي اللحظة دي دخل عليهم أسامة وقال
انا مش مصدق اللي بسمعه يا أمي انتي عملتي كل ده في زهرة الغلبانة اللي كانت بتحبك وانتي ياسماح بعد الكلام اللي