الشقه كامله بقلم محمد محمود

الصبح روحت الشغل وكان باين عليا التعب لدرجة أن الناس اللي معايا في الشغل بيقولولي مالك انت مش مظبوط وباين عليك التعب المهم مشيت من الشغل وروحت البيت وكنت طالع علي السلم ولسة بفتح باب الشقة لقيت الراجل اللي كان واقف قدام باب الشقة الراجل اللي بصيت علية من العين السحرية
كان واقف قدام باب شقتة وكان ماسك كياس ژبالة قولت لية السلام عليكم ازي حضرتك انت اللي كنت بتخبط عليا بس انا اسف والله مش لحقت افتح الباب وكمان انا خبط عليك كتير جدا بس مردتش عليا
الراجل رد وقال يعني انت كنت شايفني قولت لية أيوة بس انا ملحقتش افتح الباب الراجل مهتمش بكلامي ودخل البيت وقفل الباب 
المهم دخلت البيت انا كمان وكان في نفس الليلة كانت الساعة حوالي واحدة بليل سمعت صوت زي مايكون حد بيتمشي في الشقة روحت مشغل كل انوار الشقة وكنت ماسك حديدة في أيدي
وكنت بقول بصوت عالي وانا واقف في نص الشقة لو اي حد ظهرلي انا قاټل يا مقتول سمعت صوت زي مايكون حنفية مفتوحة في الحمام اتحركت واول لما وصلت ناحية الحمام الباب اترزع في وشي فتحت باب ولقيت فعلا ان حنفية الحوض مفتوحة والبانيو بس المياة كانت بتنزل لونها اسود قفلت المياة وانا كنت لسة هخروج من الحمام
لمحت ضل اسود بيتحرك اتحركت جري ناحية الصالة ولقيت الراجل اللي قولتكلم علية بيتحرك في الصالة وراح فتح باب الشقة وخرج وطبعا انا كنت متعصب وبقول هو اصلا الراجل دا دخل ازاي شقتي ومين طلع لية نسخة وفتحت باب الشقة ورحت جري وخبط علية وكنت بقول بصوت عالي انت ياراجل انت هات النسخة التانية من مفاتيح الشقة وازاي تسمح لنفسك تدخل شقة مش شقتك
بس مفيش اي رد خالص المهم لمحت ظل اسود باين من تحت عتبت الباب زي مايكون هو واقف وسامع كل كلمة بتتقال
المهم رجعت تاني للشقة بتاعتي واتصلت ب امجد وقولت لية أية يا امجد هو أية حوار الراجل اللي في وش شقتي دا وازاي تديلة نسخة من المفتاح بتاع الشقة 
رد عليا وقالي انت قصدك عم عصام ياعم دا راجل غلبان هو يمكن بس تصرفاتة غريبة لان مفيش اي حد بيسأل علية حتي اولادة كمان والله راجل طيب
طبعا رديت علية بعصبية راجل طيب أية وزفت أية وقفلت
المهم تاني يوم علي الظهر خبط علي باب شقة عصام دا وفتح الباب قولت لية ازيك ياعم عصام اخبارك امجد كان بيقولي أن اخد بالي منك واي حاجة عايزها هجبهالك ولة انت بتحب تدخل الشقة عندي وتجيب اللي عاوزة قالي اهلا بيك اي أوامر
رديت علية وقولت انت دخلت عندي الشقة امبارح مش كدة قالي هو الصراحة