المرايا بقلم هويدا زغلول

يستر عليها ده غلابه اوي
ورجعت ندى من برة وقالت لي
جرا ايه ياست انتي عايزة تعملي وصيه عليا ولا ايه لا بقولك انا ماما عايشه وموجوده وهي بس اللي تقولي اعمل ايه ومعملش ايه
هنا
ماما ربنا يديها الصحة ويخليها لينا يا ندى بس انا اختك اللي اكبر منك وخاېفه عليكي انتي ليه مش عايزة تعرفي اني بعمل كده لمصلحتك
ندى
وانا عارفه مصلحتي ومش مستنية منك انك تعرفيني انا كبيرة واعرف قدر نفسي ماشي
هنا
لا مش ماشي والواد اللي انتي ماشية معاه ده بيضحك عليكي وهيدمرك احسن لك ابعدي عنه ياندي وفكري في مستقبلك احسن
ندى استغربت وسكتت شوية وقالت
هو ايه الكلام اللي انتي بتقوليه ده انتي عرفتي منين اصلا اني انا ماشية مع حد انتي تراقبيني ولا ايه
هنا
انا لا براقبك ولا حاجة انا عرفت انك بتعرفي واد صايع وماشية معاه ولو مرجعتيش وبعدتي عنه الواد ده هيدمرك وانا حذرتك ياندي
بعدها سبتها ودخلت اوضتي وهي فضلت تكلم نفسها وتقول
معقوله تكون مشيت ورايا وشافتني وانا قاعده مع سامح في العربية عشان كده قالت الكلام ده
وتاني يوم كنت قاعده في اوضتي وسمعت صوت عمتي بره وماما قالت لي
تعالي ياهنا سلمي على عمتك جات بره وعايزاكي
وخرجت لعمتي وقولت لها
ازيك يا عمتي حمد الله على السلامة انتي جيتي من البلد امتى
العمة
ازيك ياهنا انا جيت الصبح من البلد بس عديت على عمتك عفاف قعدت معاها شوية وقولت اجي ابص عليكم انتي عامله ايه قلبي عندك ياحبيبتي
هنا
الحمد لله ياعمتي على كل حال كل اللي يجيبو ربنا خير
العمة
طيب بصي بقا انتي صغيرة وحلوه والعرسان واقفين على بابك طابور ايه رايك في واحد عايزك ومكلمني عليكي
هنا
بس انا مش عايزة ياعمتي انا كده كويسه وبعدين انا كنت بحب خطيبي وهو خلاص راح وانا مش هاشوف غيرة تاني
العمة
وده ليه أن شاء الله يابت تكونشي مخلفه منه واحنا منعرفش عقلي بنتك يا سناء وقولي لها انها لازم تتجوز عشان ماتبورش وتقعد جنبك
سناء
ايه كلامك ده يا ماجده ماتخلي لسانك حلو اومال الله
العمة
والنبي ايه وانتي كمان مش عجبك كلامي ده بدال ماتفرحي وتقولي لها توافق على العريس بدال ما الناس عماله تقول عليها دي نحس وفقر وجابت النحس لخطيبها وامه اللي راحو دول
الام
لا حول ولا قوة الا بالله ده نصبيهم قدرهم كده يا ماجده هو حد ليه في النصيب حاجة
العمة
والله بقا اللي اعرفه انك تخلي بنتك توافق على العريس وهي ساكتة بدال ماتعنس جنبك ومتلقيش حد يعبرها انا ماشية فوتكم بعافيه
ومشيت عمتي وانا دخلت اوضتي وفضلت اعيط والمرايا قالت لي
متعيطيش ياهنا دموعك دي غاليه عليا
هنا
شوفتي اللي بيحصلي يامرايتي انا بيحصل معايا كده هو فعلا نحس زي عمتي مابتقول
المرايا
كل شيئ باوان يا هنا وكل حاجة وليها وقتها وانتي وقتك مع الحبيب لسه مجاش لكن اطمني قريب هتفرحي بس في حزن في الطريق جاي دلوقتي
وفجأة شافت اختها ندى عماله تلطم وتصوت وتقوله ليه كده ياسامح انا غلطانة اني سلمتك نفسي انا غلطانة
سامح
انا مضربتكيش على ايدك انتي اللي جيتي بمزاجك ياحبيبتي يلا بقا قومي امشي عشان في ناس جاين ليا دلوقتي.
هنا 
يلهوي هو عمل فيها ايه الواد ده انا ياما نصحتها مسمعتش كلامي اعمل ايه ياماما الحقي الحقي بنتك ضاعت ياماما
الام 
بنتي مين يابت انطقي ياهنا في ايه
هنا 
انا حذرتها من الواد اللي هي ماشية معاه ده ومسمعتش ليا اهي ضاعت خلاص ضاعت
ودخلت ندى وهي مڼهارة وبتعيط وامها قالت 
ايه اللي حصل ياندي صحيح الكلام اللي