المرايا بقلم هويدا زغلول

ده اللي حصل يعني الست اخدت الدهب من هنا وراحت من هنا
ندى
ايه ده دي حاجة غريبة اوي يعني هي بنتك مكشوف عنها الحجاب ولا ايه لا لا كده في حاجة غلط
الام
ماهو ده اللي هيجنني عايزة اعرف اختك عرفت منين الكلام ده وحصل اللي حصل لحماتها ده ازاى
ندى
ده نصيب ياماما وقدرها كده انتي هتعترضي يعني خلاص بقا
وعند هنا في الاوضة وبتكلم المرايه وقالت
هو ليه اللي حصل لحماتي ده ليه راحت ليه ردي عليا يامرايا مش انتي اللي قولتي انها هاتروح لو أخذت الدهب انا معرفتش امنعها
المرايا
عشان حماتك طمعت في الدهب وكانت عايزاه عشان تاخد فلوسة وتعمل بيها عمل لسلفتها اللي كانت فاكره انها السبب في قلة الرزق ليها هي وابنها
هنا
ازاى انا مش فاهمة حاجة
المرايا انا هوريكي دلوقتي ايه اللي حصل
وهنا شافت حماتها وهي عند واحده دجاله وبتقول لها
الحما 
ابني راح بسبب انه مكنش عارف يوضب شقته ويتجوز ياحبيبي انا مش عارفه ليه اللي حصله ده انا هتجنن ياستنا
الدجاله
ماهو العمل اللي معمول لك انتي وابنك هو ده السبب يا كريمة ابنك معمول سحر واللي عاملاه ليه عايشة معاكي وعامله حبيبتك وهي السبب في ان ابنك رزقة يتأخر وانه يروح قبل ماتفرحي بيه
كريمة
ياساتر يارب ودي مين المؤذيه اللي تعمل فينا كده منها لله وبتعمل كده ليه
الدجاله
اللي عملت كده تبقا سميحة سلفتك اللي عايشه معاكي في قلب بيتك هي سبب الخړاب وعشان بقا ټنتقمي منها انا ممكن اعملها عمل يخليها تلف حوالين نفسها
كريمة
منها لله بنت بتاع المخلل طيب ماتعملي ياستنا وتبردي ڼاري على ابني والله انا ابني 
راح في عز شبابه انتي مش عارفه 
كان عامل ازاي
الدجاله
معاكي تدفعي اصل الأسياد عايزين كتيرر اوي وانا مش باخد حاجة لنفسي ده كله ليهم هما يؤمرو وانا انفذ
كريمة
طيب بس انا هجيب الفلوس منين ياستنا انا مش معايا فلوس ماهو الله يرحمة خلص الفلوس كلها في توضيب الشقه
الدجاله
اتصرفي ياكريمة وبعدين انتي مش عايزة ټنتقمي لابنك برضو ولا ايه
كريمة
ايوه طبعا عايزة اشفي غليلي من بنت بياع المخلل دي اسمعي ياستنا انا هاخد الدهب من البت هنا اللي كانت عروسة ابني اهو برضو الدهب ده من حقي مش كده ولا ايه
الدجاله
طبعا من حقك يلا روحي هاتي الدهب وتعالي اكون جهزت لك المطلوب
ومشيت حماتي من عندها وانا قولت 
استغفر الله العظيم ليه كده ياحماتي تعملي كده ليه في نفسك ربنا يسامحك ياحماتي
المرايا
اسمعي ياهنا انا لما بقول لك على حاجة هتحصل لازم تصدقي انا اخترت اني اكون في بيتك عشان انتي طيبة وانا هنا ومش هاذيكي بس خودي بالك من اختك عشان مش بتحب لك الخير
هنا
وليه مالها اختي هي كمان دي حتى ندى بتحبني انا عارفه وعمرها ماتعمل حاجة تزعل منها
المرايه
انا بحذرك وكمان خلي بالك منها عشان اللي هي داخله عليه هيدمر مستقبلها وبعدين هتعرفي كل حاجة
و المرايه رجعت طبعيه وانا قولت انتي روحتي فين فهميني ايه اللي هيحصل ردي عليا
وفي اللحظه دي دخلت عليا ندى وقالت لي 
هو في ايه انتي بتكلمي مين انتي اټجننتي ياهنا مالك
هنا
مفيش حاجة ياندي انتي بتعملي ايه انتي خارجة ولا ايه
ندى
ااه انا ااا رايحة اقابل واحده صاحبتي عامله عيد ميلاد وانا رايحة لها
هنا
عيد ميلاد ايه اللي تروحيه ده انتي معندكيش ډم ياندي انتي مش شايفه اللي احنا فيه وانتي عايزة تروحي عيد ميلاد ترقصي وتهيصي
ندى
وانا مالي ياحبيبتي باللي انتو فيه ده انا عايزة اعيش حياتي وبعدين اللي راحت حماتي ولا حماتك