امي شفتني مع خطيبي كامله بقلم هويدا زغلول
ايه بس يانوال ماهو اللي مدلعها كده
نوال
سامية
قطع لسان اللي يجيب سيرتنا بكلمة يانوال انا بنتي متربية احسن تربية
نوال
والنبي مانا كمان بنتي متربية احسن تربية دي البت بتمشي في الحارة وتقول يارض اتهدي ماعليكي ادي
ماما بصتلها وقالت
بقولك ايه خليني في رمضان اللي بعد بكرة ده احنا عايزين ننزل نشتري الحاجات بتاعت رمضان ونخلي كل حاجة هنا
اللي تشوفيه ياوختي
وجه رمضان وعدت الايام وكنت في يوم راجعة من الكلية وقفني شاب وقالي
ازيك يا إسراء
إسراء بخضة
حسام انت عايز مني ايه وازاي توقفني في الشارع كده بعد اذنك خليني اعدي لو سمحت
حسام
لحظة بس يا إسراء انا عايز نقعد انا وانتي ونتكلم انا غرضي شريف والله وعايز نقعد مع بعض
إسراء
وسبتة ومشيت ورجعت البيت لقيت هند بتقول قدام ماما وخالتو
هند
حمد الله على السلامة يا اسراء بس على فكرة حلو الشاب اللي انتي كنتي واقفة معاه على ناصية الشارع ده بس بصراحة شكلكم كان اوفر اوي
سامية برقت عنيها وقالت
شااااب شاب ايه ياهند ده إسراء كانت واقفه مع شاب
ااه ياخالتو كانت واقفة مع شاب ونازلين هزار وضحك وايييه مش عايزة اقولك دي حتى معملتش حساب اننا في نهار رمضان طيب كنتي خلتيها لبليل احسن
إسراء.
اخرسي ياهند ضحك ومسخرة ايه دي اللي بتقولي عليها انتي اټجننتي ولا ايه متصدقيهاش ياماما دي كدابة
نوال
في ايه يا اسراء وهي بنتي هتكدب ليه هتتبلي عليكي يعني ولا ايه
يعني هتكدبيني وتقولي انك مكنتيش واقفه مع واحد على ناصية الشارع
سامية
ماتردي يابت على بنت خالتك حصل وكان في واحد واقف معاكي
إسراء
ودخلت اوضتي وفضلت اعيط وخالتي قالت لماما
البت بنتك عيارها فلت خالص ياسامية كل ده عشان جوزك يدلع فيها اوي لا لا ده خلاص مبقاش يهمها حد
سامية
انا لما يرجع بس ابوها واشوف صرفة معاه في اللي هو بيعملة معاها ده
ااه لازم تخليه يقطم رقبتها ما هند بنتي اهيه متربية ومحترمة وزي الفل
وفي شقه بس بيت قديم دخلت هند
سامح
جيتي ليه انت مش كنت على مبداك انك مش عايزه تجيلي هنا خالص
هند
والله ما بيهون عليا زعلك ما تعرفش انا بحبك ازاي يا سامح
سامح
طب فكرتي في اللي انا قولتلك عليه بجد انا مش قادر اصبر اكتر من كده
انا ما بعملش اي حاجه حرام هاجيلك بالليل وهنكتب ورقتين عرفي
سامح
طبعا يا حبيبتي بس الورق ده سيبيه هنا اصل انا خاېف مامتك تشوفه ولا اي حد يشوفه يعملك مشاكل
هند
خلاص موافقه همشي انا بقى دلوقتي وهبقى اجيلك بعدين
سامح
والله ابدا ما اسيبك تمشي ده انا ما صدقت انك وافقتش اتصلي مامتك قوليلها انك عندك مذاكره كثير وهتقعدي مع صاحبتك تذاكري
وكمان قوليلها ان احنا هنفطر سوا النهارده
هند
قد كده بتحبني عنيا يا حبيبي فعلا عملا كده
وفي شقتنا
ورجع بابا والمغرب اذن وساعت الفطار قال
امال فين إسراء وهند مش هتفطرو ولا ايه
الخاله
هند وراها مذاكره كتير وعند صاحبتها بتذاكر
جمال
ازاي يعني تفطر بره واسراء فين هي كمان بتذاكر عند صاحبتها
ماما كانت مكشرة وقالت
معرفش وعنها ما اكلت ياجمال
جمال
ايه الكلام اللي انتي بتقوليه ده هي البنت عملت ايه لده كله يعنى
نوال
عملت ايه قول معملتش ايه قوليلو ياختي على اللي هند شافتو النهاردة
جمال.
شافت ايه ماتقولي مالك قاعده ساكته كده ليه
انتي بتقولي ايه بقا إسراء بنتي واقفه
مع واحد في الشارع وعماله بتهزر معاه كمان
سامية
ااه ياجمال شوفت تربيتك ياخويا اشرب بقا
جمال.
انتي تسكتي خالص يا سامية انا بنتي لايمكن تعمل كده دنا اكدب عنيا لو شوفتها
نوال
يووه جرا ايه
