اسكربت بقلم شهيره

لوحدي نتيجة غلطي واعتمد على نفسي.
وصلت العنوان كان في الهرم.. عمارة كبيرة لكن... لكن دي لسه عمارة جديدة من الطوب الاحمر ومفيهاش سكان!
اتصلت على رقم صاحب الدار وقولتله لو سمحت أنا وصلت اللوكيشن لكن تقريبا وصلني عنوان غلط وواقفة قدام عمارة جديدة لسه بتتبني
ضحك وقالي اطلعي بقا العمارة دي أنا مستنيكي في الدور الخامس
بصيت لفوق لمحت راس بصالي من الشباك لكن الدنيا ضلمة فظهرالي زي الخيال الأسود ومش واضح ملامح منه.
الشارع كان شبه فاضي ومش شايفة ناس خالص ولا حس وده وترني أكتر واكتر يعني لو صړخت ولا عملت مشكلة محدش هينجدني!
ماكنش قدامي حل تاني غير أني أطلع بنفسي وأخد العقد يتقطع بأيدي عشان أطمن واعيش مرتاحة بدون تهديدات حقېرة.
طلعت أول دور وزي ما توقعت مفيش ولا شقة ساكنة في العمارة كلها عبارة عن طوب بدون ابواب حتى على الشقق.
أول دور كان في لمبة ضعيفة لكن باقي الأدوار ضلمة جدا لدرجة اني مش شايفة السلالم وأنا طالعة.
فتحت الكشاف علشان أشوف كويس ووصلت أخيرا الدور الخامس...!
وقفت أخد انفاسي وانا ساندة على سور السلم وقدامي شقتين.. يمين وشمال والاتنين بدون أبواب زي باقي الأدوار.
كنت لسه هتصل بيه عشان أقوله أنت في أي شقة لكن سمعت صوت غليظ جاي من الشقة اللي على الشمال وبيقولي خشي أخيرا جيتي بنفسك لحد عندي
وضحك ضحكة اترددت في العمارة كلها.
دخلت وانا فاتحة الكشاف وببحث عنه وبدعي دور البنت اللي مبتخافش وقولتله مش حركات رجولة دي خالص أنك تبتز بنت ده إسمه ڼصب واحتيال وأنا جيالك لحد هنا عشان أخد عقدي
كنت بتلفت حواليا بالكشاف بدور عليه لكن مش لقياه.. فسألته هو أنت فين ولا خاېف تظهرلي وحركات عفاريت وكده.. متقلقش دانا اللي بكتب عنهم يعني مبخافش من حركات الأطفال اللي بتعملها دي.
ضحك من تاني وقالي أصلي مبظهرش في النور جايز شكلي ميكونش لطيف بالنسبالك
حسيت پخوف شوية من كلامه ومن الشقة الغريبة اللي واقفه فيها وحاولت أهدي الأجواء وقولتله يا أستاذ لو سمحت أنا مش جاية اشوفك ولا تشوفني