جوزي يوم فرحي جايب ليا عيل كامله بقلم هويدا زغلول

في الحب ياست البنات ياحلوه انتي
عبير
يابت حب ايه بس انتي كمان انا بس معجبة بشخصيتة مش اكتر
سارة
لا وبتحبيه كمان ياعبير ماتكدبيش انك بتحبيه وعايزاة أصله باين في عيونك ياغالية اصلا الحب اللي هينط ده ايه بقا
عبير
طيب تفتكري يعني ياسارة ان بابا يوافق بيه لو اتقدم وكده
سارة
وبابا مش يوافق ليه مش راجل ومالي مركزة وبيشتغل شغلانة حلوه في الشركة ايه اللي هيخلي بابا مش يوافق عليه اتكلي على الله وخليه يجي يتقدم وربنا يقدم لك اللي فيه الخير ياحبيبتي
عبير
ربنا يسترها ياسارة انا اصلي قلبي مش مطمن
سارة
مش مطمن لاي بقاااا صارحيني يا بيرو في ايه
عبير
لا انا اقصد مش مطمن ان يابا يوافق انما لو كان على خالد فخالد ابن ناس اغنية اوي من الناس اللي عندهم فيلا وعربية والناس الهاي اوي دول
سارة
سيدي سيدي وكمان فيلا وعربية ده شكلة ابن ناس جدا يعني
خالد
ااه بصراحة هو شيك اوي يا سارة في لبسه وشكله انتي عارفه لو شوفتيه تقولي ده واحد ممثل في السينما من شياكتة وحلاوتة
سارة
هيييح شوقتيني اشوفه ياعبير اوي ونفسي اشوفه خالص هو هيجي امتى يقابل بابي
عبير
ايه يابت بابي دي اتلمي يابت انتي
سارة
ههههه يابنتي مش هو ابن ناس يبقا اكيد بقا بتاع بابي ومامي وانا هعمل زيه وابقي بنت ناس
عبير
بطلي رخامة وغلاسة ياسو يلا قومي من هنا خليني افكر اقول لبابا ازاى يلا
سارة
وهي دي فيها تفكير يعني انتي ادخلي على بابا وقولي له يا بابا ياحبيبي انا عايزة اتجوز وفي واد شاب حليوة اوي عاير يتقدم لي ويجي يحط ايده في ايدك قولت ايه ياحج
عبير
بس انا اصلي مش عارفه اجيبها ازاى بس هحاول بقا اقوله وأمري لله
وبعدها عبير قالت لابوها
يابابا انا كنت عايزة اقول لك على حاجة ممكن لو فاضي تسمعني
الاب
خير ياعبير يابنتي تعالي ادخلي ياحبيبتي اقعدي وقولي في ايه
عبير
بصراحه كده يابابا انا في واحد زميلي في الشغل وكان عايز يجي يقعد معاك شوية
الاب
يا اهلا وسهلا بيه يابنتي ينور بس خير في ايه هو عايز ايه
عبير
هو بصراحة عايز يخطبني يابابا وقالي انه عايز يقعد معاك انت ويشوف رايك فيه
الاب
يخطبك من اول شهر ليكي في الشغل ياعبير واحد عايز يجي يتقدم لك غريبة دي
عبير
ايه اللي غريب فيها دي بس يابابا هو قالي انه معجب بيا وانا قولت اقول لحضرتك وانت بقا تقعد معاه وتشوفو
الاب
ايوه يا حبيبتي ماشي يجي ويقعد على عيني وراسي واهلا وسهلا بيه ينور لكن هو مين بقا ده اللي لسه اكيد هعرفه وبعدين ده انتي لسه مبقالكيش شهر في الشغل ازاى بالسرعه دي أعجب بيكي وعايزك
عبير
والله يابابا هو اتكلم معايا وقالي انه هو عايزني وانا شايفه انه شاب كويس جدا وشغلانته كمان كويسة اوي في الشركة هو ماسك الحسابات ومعروف بامانته في الشركة
الاب
خلاص يابنتي اللي تشوفيه خليه يشوف هو عايز يقابلني امتى واهلا وسهلا بيه ينور في اي وقت
وبعدها عبير راحت الشركة وقال لخالد ان ابوها عايز يقابله وخالد قال لها
ااا طيب انا هبقا اشوف ميعاد مناسب واجي اتقدم ليه رسمي يا عبير بس انا كنت عايز الموضوع يفضل بينى وبينك لوقت معين يعني وبعدين ابقى اجي اتقدم
عبير
يعني ايه ياخالد هو انت مش قولت لي انك عايز تتجوزني فانا قولت لبابا انك عايز تقابله فيها ايه ديه
خالد
لا ياحبيبتي مفيهاش اي حاجة انا هاجي ان شاء الله اقابل الوالد ونتكلم انا وهو في كل حاجة
وبعدها بكام يوم راح خالد لابو عبير عشان يطلبها منه وقاله
انا عبير حكت لي عني يابني بس برضو احب اعرف منك كل حاجة عنك يمكن عبير نسيت تقولي حاجة عنك ولا حاجة
خالد
انا ياعمي بشتغل مع عبير في الشركة محاسب وبصراحة من اول يوم شوفتها وانا أعجبت بيها واخلاقها وعشان كده ده اللي خلاني اتقدم
الاب
طيب يابني انت جاي لوحدك اومال فين اهلك والدك والدتك اخواتك اي حد يعني اظن انت فاهمني مش كده برضو
خالد
ااا ااه طبعا ياعمي هو انا والدي الصراحة طول عمره مسافر بره ووالدتي متوفيه وانا عايش لوحدي بس انا من عيلة كبيرة في البلد بس عايش لوحدي
الاب
اهاااا طيب يابني اظن انت هتديني فرصة اني اسأل عليك برضو واعرف انت مين بالظبط وانا هناسب مين ولا ايه
خالد
ااا طبعا طبعا براحتك احم عن اذنك انا لازم امشي دلوقتي سلام عليكم
ومشي خالد وابو عبير قال لأمها
انا مش مرتاح الجدع ده يا احلام انا حاسس انه ملاوع كده ونصاب مش عارف
احلام
ليه بس ياجمال الراجل شكلة شيك وابن ناس اهو انت مش مرتاح له ليه بقا ربنا يتمم لها على خير ياخويا البت مش صغيرة برضو وانا نفسي افرح بيها الصراحة
جمال
ربنا يسترها يا احلام ويطلع ابن ناس وكويس وېخاف عليها انا كل اللي انا عايزة انه يطلع ابن حلال وېخاف ربنا فيها ويحافظ على بنتك
احلام
ان شاء الله ياجمال هيطلع ابن حلال وكويس كمان ياخويا الله متقلقش كده اومال الله هو انت هتفضل كل لما حد يجي للبنات تبقا قلقان كده
جمال
عشان الزمن اللي احنا فيه ده بقا زمن غريب وكل حاجة فيه يتخاف منها يا احلام وانا بخاف على بناتي من الزمن واللي فيه
احلام
ان شاء الله خير ياجمال انت بس شوف الجدع واسأل عليه وان شاء الله هتلاقيه ابن ناس وكويس
وفي مكان تاني في بلد تانية قاعده في اوضة تحت السلم ومقفول عليها ومتكتفه ونازل لها ابوها وقال لها
انتي لسه مش عايزة تعترفي مين اللي عمل معاكي كده مين اللي غلطتي معاه انطقي يابت
هي
مش هتكلم انا عايزة ابني اللي انت قټلته انا عايزاه انت راجل مفتري وظالم
ضربها بالقلم وقعت في الارض......
جوزي يوم ډخلتي لقيته جايب ليا عيل وبيقولي ابنك ربي
الجزء التاني
لما وقعت على الارض اڼهارت من العياط وقالت لابوها
انت مفتري ومتعرفش ربنا انا عايزة ابني حرام عليك رجع لي ابني
الاب
ما قولت لك ابنك ماټ وانتي لازم تقولي لي مين ابوه وعمل فيكي كده انطقي يارنا مين اللي عمل فيكي كده وضحك عليكي
رنا
مش هاقول خلاص وحتي لو قتلتني مش هتكلم يابابا انا خلاص مبقتش عايزة حاجة من الدنيا مش بتقول انك خلصت على ابني خلاص يبقا خلص عليا انا كمان وريحني من اللي انا فيه ده
الاب
وانا مش هريحك يارنا ولازم تعترفي بكل حاجة عشان اعرف مين اللي عمل كده
رنا
يبقا مش هتعرف حاجة يابابا وخليني كده عايشة هنا انا هفضل هنا كده
ودخلت عليها امها وقالت له
حرام عليك يامختار بنتك هتروح فيها سيبها بقا وارحمها
مختار
وانا مش هرحمها من اللي هي فيه غير لما اعرف مين اللي ضحك عليها وخلاها تحمل وتخلف في الحړام يابسمة
بسمة
طيب عشان خاطري سيبها دي بنتنا برضو واكيد مش هتهون عليك تعمل فيها كده ارحمها يامختار البنت هتروح مننا عشان خاطري
مختار
انا هسيبها دلوقتي بس هرجع لها تاني وانتي عقليها وخليها تعترف على الكلب اللي عمل فيها كده عشان اعرف اجيب لها حقها
ومشي مختار وبسمة قالت لرنا
ياحبيبتي انطقي وقولي على مكان الواد اللي