اختي _كامله _بقلم دودا حوده
وقال لها
خير ياحبيبتي في ايه جبتيني على ملا وشي ليه كده
شرين
الزفت اللي اسمة عادل المحامي ده يا عماد كل شوية ينط لي وبيسال عن الزفتة انا زهقت منه بقا انت عارف انه سال في المطار وملقاش اسمها مع المسافرين
عماد
انتي بتقولي ايه يا شرين معنى كده ان الراجل ده بيدور عليها ومش هيسكت غير لما يعرف مكانها الراجل ده بقا خطړ علينا يا شوشو
طيب انت شايف ايه ياعماد نعمل ايه في ده ايه رايك نجيبة ونحطه جنبها واهو بدل ما نفقد ذاكرتها هي لوحدها يبقو هما الاتنين مع بعض
عماد
لا طبعا مش هينفع الكلام ده احنا عايزين نخلص منه على نضافة كده بس سبيني اخطط له على رواقة
شرين
بس ياريت بسرعه تحاول تخلصنا منه عشان ميعملناش شوشرة ياعماد
عماد
اطمني ياقلبي كله هيبقا تمام يلا ننزل نشوف البلوة اللي تحت دي كمان زمانها عايزة الجلسة بفارغ الصبر
حرام عليكم خرجوني من هنا ارجوكي ياشرين خرجيني من هنا انتي بتعملي فيا ليه كده هو انا عملت لك ايه لده كله
شرين
معملتيش حاجة بس انا بقا مزاجي اني اعذبك كده واشوفك وانتي پتتعذبي عشان تعرفي كل الغل والحقد اللي جوايا لما كنت بشوف ابوكي وامك وهما بيدلعوكي وبيعاملوني انا معاملة وحشه
ولاء بتعب
شرين
هههههههههه والله ضحكتيني يابت بقا ابوكي وامك كانو بيعملو كده خوفا عليا لا جديدة ابوكي وامك دول ملاعين كانو بيعملو معايا كده عشان انا مش بنتهم
ولاء
انتي بتقولي ايه يعني مش بنتهم دي اومال انتي تبقي ايه
شرين
اها ما أنا مقولتلكيش ان ابوكي وامك لاقوني قدام جامع وانا صغيرة اه والله وخدوني ربوني وكبروني معاكي بس فضلوكي عليا في كل حاجة
ومين قالك الكلام ده ياشرين لا طبعا اللي قالك كده كدب عليكي بابا وماما عمرهم ماقالو لي حاجة زي دي انتي جبتي الكلام ده منين
شرين
لا ماهو انا مفيش حد قالي انا سمعت بنفسي ابوكي وهو بيقول لاخته انعام في اليوم ده انا كنت خارجة من اوضتي وابوكي وانعام اخته قاعدين ومش شايفني وقال لها
فلاش باك
الاب
وبعدين يا انعام في المصېبة اللي انا فيها دي دلوقتي طبعا شرين مش هتنفع تورث مع ولاء عشان هي مش اختها بس مكتوبة على اسمي اعمل ايه دلوقتي
يبقا مش هينفع تكتب لها حاجة يا محمد وتكتب كل حاجة باسم بنتك الشرعيه بس اللي هي ولاء
محمد
طيب ماهي الناس كده هتسال وتقول هو محمد مكتبش لبنته شرين حاجة من الميراث ليه وانا موضوع اننا لاقينها قدام الجامع وهي صغيرة ده محدش في الدنيا يعرفه
انعام
ماهي فعلا مشكلة يامحمد طيب هتعمل ايه دلوقتي وحلها ازاى
محمد
انتي عارفه دلوفتي ان شرين مش بتسمع الكلام ودايما راكبه دماغها علي الاخر ومش مطيعه ابدا فانا هاقول ان ده سبب من ضمن الأسباب
برضو الناس هتغلطك وتقولك حقها ومش حقها والشرع والكلام ده كله فأنت اعمل اللي يشوفه ضميرك وخلاص ياخويا
محمد
خلاص انا هكتب كل حاجة باسم ولاء وزي ماتيجي تيجي بقا
رجوع
عرفتي ليه بقا ابوكي مكنش بيطقني عشان انا مش بنته وحرمني من كل حاجة على اساس انك بنته الوحيدة بس لا وحيات امك انا مش هسيب لك اي حاجة وخليكي متعرفيش اسمك ايه ماشي
ولاء
كل السواد ده جواكي طيب افتكري حاجة حلوه عمالها في حقك بابا كان دايما بيجيب لك اللي نفسك فيه مكنش حارمك من حاجة
شرين
افتكر ايه ياحبيبتي
