غريب في بيتي كامله بقلم هويدا زغلول

الشركة يلا تصبحي على خير
رحاب 
ماشي ياحبيبي وانت من اهله 
وسبتها ودخلت اوضتي وهي دخلت تنيم الاولاد في اوضتهم وانا مسكت تليفوني وبعت رسالة لسوزي وقولت لها
مجدي 
مساء الخير ياقمر عامله ايه انا قولت اطمن عليكي يارب تكوني بخير 
وبعد ما بعت الرساله فضلت مستني يجي نص ساعه ولقيتها بترد وتقول
سوزي 
مين معايا
مجدي 
انا مجدي ايه يا سوزي انتي نسيتي ولا ايه ممكن نتكلم صوت
سوزي 
اه طبعا يامجدي بيه اتفضل اتصل 
واتصلت بيها وقولت لها
مجدي 
انا اسف اذا كنت ازعجتك ولا حاجة بس مش عارف ليه والله كنت حاسس
سوزي 
لا لا خالص مفيش ازعاج ولا حاجة يامجدي بيه وبعدين انا اسفه اني اتاخرت على ما رديت اصلي كنت باخد شاور
مجدي 
يابخت الشاور
سوزي 
نعم بتقول حاجة يا مجدي بيه
مجدي 
لا لا متاخديش في بالك انا بقول ايه المهم انا هبقا في انتظاركم بكره في الشركة انتي تعرفي اني بعد الساعات والدقايق وعايز الوقت يعدي بسرعة عشان بكرة يجي
سوزي 
ليه يامجدي مستعجل اوي على الشغل ولا ايه ده حتى المفروض انك فرحان عشان موجود في البيت ولا انت مش بتحب البيت
مجدي 
لا طبعا بحب البيت وكل حاجة انا بس بقول ان بكرة هيبقا احلى يوم عشان هاشوفك فيه مش تقولي لي عشان الشغل لا طبعا
سوزي 
احم احم ميرسي يامجدي بيه على زوقك ورقتك في الكلام وفي الوقت ده لقيت رحاب داخله عليا وقولت بسرعة
مجدي 
ااا طيب طيب ياسعد خلاص ان شاء الله بكرة من بدري هاكون في الشركة وفي انتظارك ماشي ياحبيبي يلا تصبح على خير
رحاب 
انت دخلت عشان تنام داخل تتكلم في الشغل يامجدي انت مش بتعرف تريح نفسك ابدا انا خاېفة عليك لتتعب
مجدي 
هو الشغل بيتعب يارحاب برضو ولا ايه حاجة الحمد لله
رحاب 
ربنا يديك الصحه ياحبيبي بقولك ايه انا كنت عايزة اطلع صدقة جارية على روح بابا بصراحة هو يستاهل ولا ايه
مجدي 
طبعا ياحبيبتي هو يستاهل كل خير الصراحة يلا الله يرحمة ويغفر له المهم انا بقا هنام دلوقتي عشان انتي سمعتي بودنك اهو الشغل من بكرة الصبح بدري
رحاب 
ماشي ياحبيبي نام وانا هقرا رواية وانام بعدك علطول 
وبعدها نمت علي طول وتاني يوم قابلت سوزي وقولت لها 
مجدي 
انا اسف جدا جدا على اللي حصل بالليل 
اصل المدام دخلت عليا مره واحده مبقتش عارف اقول ايه
سوزي 
اهاا يعني المدام دخلت عليك وانت بتكلمني رحت عملتني سعد بيه وقفلت الخط في وشي مش كده
مجدي 
بجد انا اسف جدا ياسوزي انا اصلا ملحقتش اعتذر لك انا عارف
سوزي 
خلاص خلاص حصل خير سعد بيه هيدخل حالا عشان تمضو العقود وبعدها دخل سعد وقالي
سعد 
ها ياشريكي العزيز ايه الاخبار قرات البنود كويس ولا لسه في حاجة قدامك
مجدي 
لا ياسعد كله تمام وبعدين يا سعد احنا اخوات يعني في بيتها يامعلم واللي عندك يزيد ولا ايه
سعد 
طبعا يامجدي احنا طول عمرنا أصحاب واخوات وشغلنا مع بعض دي حاجة بسطتني طبعا
مجدي 
الصراحة انا اللي انبسط اكتر بالذات لما اتعرفت على الانسة سوزي بصراحة انسانة جميلة ورقيقة
سعد 
لا بقولك ايه اوعي تكون حاطط عيونك من السكرتيرة بتاعتي انا مش بقدر استغني عنها دي دراعي اليمين دي
مجدي 
ليه بس كده يا سعد طيب ده انا كنت عايز اقولك يلا نبدل انت تاخد السكرتيرة بتاعتي وانا اخد السكرتيرة بتاعتك
سعد 
لا طبعا انسي ياصديقي الكلام ده ودلوقتي بقا يلا نتكلم في الشغل
وفضلنا نتكلم في الشغل وفي كل حاجة خاصة بالشغل وبعد لما خلصنا قولت لسوزي
مجدي 
تسمحي لي ياسوزي اعزمك على الغدا في اي مكان بصراحة انا عايز اقعد اتكلم معاكي كتير اوي ممكن يا سوزي