سلفتي المفتريه _كامله_بقلم هويدا زغلول

نوال قاعده مع حماتي وعمر دخل وقال 
ياماما ياماما ليلى حامل ياماما ليلى حامل
فجأه نوال كشرت ووشها قلبت وحماتي 
يالف نهار ابيض يالف نهار مبروك ياحبايبي ياولاد الف الف مبروك فرحتيني يا ليلي والله اسمعي من هنا ورايح انتي مش هتعملي حاجة ابدا انتي ترتاحي ونوال هي اللي هتعمل كل حاجة
ليلى 
عادي ياماما انا هبقا اعمل شوية
الحما 
انا قولت مش هتعملي اي حاجة انتي سامعة ولا لا وانتي يانوال متخليش ليلى تحط ايديها في حاجة
نوال قالت بضيق 
حاضر ياحماتي اللي تشوفيه مبروك يا ليلي
ليلى 
الله يبارك فيكي يانوال عقبالك يارب ان شاء الله
نوال 
ان شاء الله انا طالعه شقتي عن اذنكم
ليلى 
طيب اااا على فكرة يانوال الدكتور كتب لي على حقن فيتامين وقالي اخدها ممكن تبقى تديها لي
نوال 
ها اااه ان شاء الله يا ليلي
وسبتنا وطلعت واحنا طلعنا شقتنا وقولت لعمر 
انت مش حاسس ان مرات اخوك وشها قلب لما عرفت اني حامل
عمر 
يقلب ولا ميقلبش هي حره يا ليلي وبعدين متبوظيش علينا فرحتنا بقا وتقولي انها زعلانة ولا فرحانة اللي يزعل يزعل وبعدين ياقلبي دي حاجة بتاعت ربنا ولا ايه
ليلى 
على رايك ياعمر فعلا دي حاجة بتاعت ربنا
وبعدها فضلت اطلع لنوال في ميعاد محدد عشان اخد الحقنة عندها في شقتها وقالت لي 
الحقن دي كويسة عشان البيبي خليكي مواظبة عليها
ليلى 
ماهو انا بطلع لك في الميعاد عشان اخدها اهو ربنا يستر انا خاېفه اوي
نوال 
مټخافيش ان شاء الله خير انا هدخل المطبخ اكسر الحقنة عشان افضيها في السرنجة
ودخلت نوال وخرجت الحقنة وادتني الحقنة وقولت لها 
انتي ايدك خفيفه يادكتورة
نوال 
بالشفا ان شاء الله يا ليلي
ونزلت شقتي وفضلت اطلع لنوال اخد الحقنة في مواعيدها ومتابعة مع الدكتور وبص في السونار وقالي 
انتي بتاخدي الحقن اللي انا مديها لك يا مدام ليلى في مواعيدها
ليلى 
ايوه طبعا يادكتور باخدها في مواعيدها انا معايا سلفتي دكتورة وهي اللي بتدي هالي
الدكتور 
اها ودي دكتورة ايه دي بقا
ليلى 
دكتورة باطنة وكلي بس شاطرة اوي
الدكتور بشك قال 
هي عندها اولاد ولا لا
ليلى 
لا معندهاش هو في حاجة يادكتور ولا ايه وبعدين الجنين اخبارة ايه طمني
الدكتور 
لا تمام يامدام ليلى
وحسيت ان الدكتور مخبي عليا حاجة ومش عايز يقولي
وفي المستشفى عند نوال قالت لممرضة عندها 
تعالي يانوسة عايزاكي في موضوع مهم جدا
نوسة 
خير يادكتورة اؤمريني
نوال 
اسمعي يانوسة انا عارفة انك انتي اللي ماسكة حاضانات الأطفال في المستشفى هنا الأول امسكي الفلوس دي انا عارفه انك عندك عيال ومحتاجة الفلوس
نوسة 
ياخد عدوينك يادكتورة منحرمش منك يارب
نوال 
اسمعي يانوسة انا عايزاكي تجيبي لي طفل يكون لسه مولود بس في الوقت اللي هاقول لك عليه
نوسة 
طب وده اجيبه ازاى يادكتورة مش فاهمة انا
نوال 
انتي هتعمليهم عليا انا يانوسة ما أنا عارفه انك بتظبطي في العيال اللي بتتولد وبتبعيهم هو انا نايمة على وداني يعني
نوسة 
وطي صوتك يادكتورة ده الموضوع ده بعمله ڠصب عني والله انتي عارفه العيشه بقت صعبه ازاى
نوال 
خلاص يبقا تنفذي اللي هاقول لك عليه وهديكي قرشين حلوين قولتي ايه
نوسة 
اللي حضرتك تقولي عليه يادكتورة انا تحت امرك طبعا بس الوقت هيبقا امتى عشان اجهز لك عيل حلو كده
نوال 
انا هبقا اقولك على الوقت المناسب المهم انا عايزة طفل يكون صحتة كويسه ويكون جميل وولد مش بنت
نوسة 
من عنيا يادكتورة انتي تؤمري والله طيب اروح انا اشوف شغلي عن اذنك
وفضلت نوال تفكر في حاجات كتير ورجعت البيت وانا طلعت لها عشان ميعاد الحقنة وقالت لي 
تعرفي يا ليلي ان وشك حلو عليا مش انا كمان طلعت حامل بعد السنين دي
ليلى بفرحة 
بجد يا نوال الف الف مبروك