المغسله ام احمد كامله بقلم هويدا زغلول

ما اخذتيش بالك ان انا جايبه شنطه هدومي يعني قاعده معاكي قاعده معاكي فاحكي بقى وفضفضي
ام احمد
امبارح ومن غير ذكر اسماء راجل جالي وقال لي ان مراته ماټت في البيت ماټت كده لوحديها هي مش كبيره في السن يعني عندها 40 سنه بس عندها خمس عيال وعاوزني اغسلها بسرعه قعدت اقول له ده المغرب قرب يعني اغسلها امتى وهتدفنوها امتى
حليمة
عادي يا خالتي في ناس بټدفن بالليل
ام احمد
لا يا بنت مش قصدي قصدي ان انا حسيت ان الراجل ده في وشه فيها حاجه تحسيه متكهرب 
وعلى وشه في سواد سواد القلق والحزن ما تعرفي الله اعلم بس صعب عليا لما قال ان اللي ماټت عندها خمس عيال فرحت معاه يركبني عربيه اجره واخذت عدتي وسالته هو جاب كفن قال لي ايوه جاب الكفن
حليمة
ورحتي معايا من غير ما تاخدي حد يساعدك يا خالتي
ام احمد
ايوه طبعا انا بعرف اعمل كل حاجه لوحدي بتوكل على الله وبقلع الحاله هدومها وبقلبها يمين وبقلبها شمال وبعمل كل حاجه وببقى محضره القطن في شنطتي على طول خلي بالك انا متعلمه شغلنتي دي من واحده ست الله يرحمها ست ولا كل الستات
حليمة 
وبعدين
ام احمد
دخلت
الرجل
اتفضلي يا ست ام احمد اتفضلي شوفي انت عايزه طلباتك ايه وانا احضرها لك وامها واخواتها البنات موجودين عايزه ميه عايزه حاجه انا هقف بره وهم هيناولوكي كل اللي انت عايزاه وهيساعدوكي كمان
ام احمد
يا اخويا بيتكم مكتوم كده ليه وايه الريحه اللي مش ولابد دي لا يا اخويا كده ما ينفعش هو الشقه هويها
الرجل
الشقه متهويه يا ام احمد بصي مش عارف اقول لك ايه ادخلي وهتشوفي بنفسك
ام احمد
السلام عليكم البقاء لله يا حاجه البقاء لله يا ستات انتم مغطيين وشها كده ليه وليه مش مشغلين قران ولا واحده منكم قاعده ماسكه مصحف تقراه جنبها
الام
مش عارفه يا ست ام احمد بنتي مالها انا من ساعه ما عيد انا واخواتها بنيجي نحميها ونشطفها ونحط لها الكولونيا وريحتها زي الفل هي جالها المړض الۏحش من قريب ومره واحده يا اختي بعد ما غمضت عينيها واتكلت على الله ووشها قلب كده وريحتها وحشه قوي
ام احمد
يا ساتر يا رب وريني كده اللهم احفظنا ايوه يا اختي عندك حق لا اله الا الله ربنا عالم بيها وبحالها احنا ما لناش نحكم على مېت عمل ايه وما عملش ايه احنا لنا شغلنتها احنا بنجهزها ونرتبها وبنوديها لبيتها اللي هتفضل فيه لغايه يوم القيامه
الام
قولي لي نعمل ايه دلوقتي وانا هساعدك لكن اخواتها هيطلعوا بره بصراحه مش عايزين يشوفوها وهي قالعه هدومها وزعلانين على حالها عشان يكونوا بينصحوها بصي احنا حضرنا لك الترابيزه الكبيره دي ايه الترابيزه الالمونيا اللي بيغسلوا عليها التربي بعتها لكن ما عندهوش مغسله واحده ست
ام احمد
خلاص تعالي ننقلها انا وانت عليها
الام 
ياه دي تقيله قوي زي الجبل انا مش قادره وضهري طقطق
ام احمد
خلاص نادي جوزها من بره وخليه يوصي على خرطوم
الام
ايوه ولا يهمك احنا شلنا السجاد والميه هتطلع من الباب من هنا واخواتها هياخدوه هيرموها على السلم ما في ناس قالوا لنا الميه دي ما بتترماش في الحمام والله اعلم
ام احمد
انا هطلع الصابونه والليفه اول حاجه انا شايفاها محطوطه اهي على الكنبه يلا يا اختي نادي لنا جوزها
الزوج
ربنا يسامحك يا امال ويسامحني معاكي ويسترها عليا انا واولادك من بعدك
ام احمد
مش فاهمه انت قصدك ايه
الزوج
امها تقول لك انا هطلع اقعد مع الرجاله وادي خرطوم