ابويا واصحابي كامله
انت في الصفحة 1 من 7 صفحات
ابويا اتجوز اصحابي 3
قدام مدرسه كانت واقفه بنت اسمها سلمى مع اصحابها اميره وندى وروان
سلمى
انا قلت لبابا ان انتوا هتيجوا تذاكروا معايا النهارده
اميره
طب ما تيجي انت احسن يا بنتي على الاقل انت اقرب مننا
سلمى
ما انت عارفه اللي فيه بابا وماما بيقلقوا جدا عليا وما بيرضوش يخلوني اروح في حته ده يا دوب بابا بيخليني اجي المدرسه واروح الدروس بالعافيه
خلاص يا ستي انا هبقى عندك في الميعاد بالظبط
اميره
خلاص هنتجمع ان شاء الله كلنا النهارده المهم نذاكر ما نقعدش نفتح في حواديت ونقعد نتكلم في الفاضي
ندى
شوفوا مين اللي بتتكلم مش انت اللي بتقعدي تفتحي مواضيع وبتحكي على البنات اللي معانا في المدرسه وبتضيع وقت المذاكره
سلمى
لا بقى ما عادش هزار احنا ثالثه ثانوي ومحتاجين مذاكره جامده يلا اسيبكم بقى ونتقابل بالليل سلام
انا ما كنتش عايزه اروح هناك
ندى
اشمعنا يعني يا اميره
اميره
باباها هيبقى قاعد ومش هناخد راحتنا لكن انا بابا مسافر واخواتي مش موجودين طول اليوم وبيرجعوا على النوم كنا هناخد راحتنا
روان
عادي يا بنتي احنا هنروح نقعد في اوضتها هي ومش هنخرج منها مش هتشوفي باباها يلا خلونا نروح علشان نلحق نستريح لنا كم ساعه قبل ما نروح لها
ماشي
وكل واحده روحت على بيتها وبالليل اتجمعوا في بيت سلمى وقابلهم والدها
ازيكم يا بنات شدوا حيلكم بقى الامتحانات على الابواب
روان
ان شاء الله يا عمو
والدها
مش هتقومي تضيفي اصحابك يا سلمى
سلمى
لا طبعا يا بابا ازاي بس احنا هندخل الاوضه دلوقتي علشان خاطر نبدا مذاكره والعصائر والحاجه كلها في الاوضه
والدها
طيب انت عامله حسابك ماشي يا بنات اتفضلوا البيت بيتكم
باباك شكله طيب جدا ما يقولش ان هو متحكم بالطريقه دي
سلمى
صدقيني ما بيرضى يخليني اروح في حته كل ما اقول له يا بابا اروح كذا ولا كذا يقول لي لا يا حبيبتي انا خاېف عليك وانا اقول له يا بابا الموضوع موضوع ثقه انت مش بتثق فيا ليه خليني اخرج يقول لي انا واثق فيك بس مش واثق في اللي بره وبعدين بسكت بقى
خلاص يا سلمى يعني انت عايزه تروحي فين احنا تالته ثانوي مفحوتين في المذاكره يعني لا في مكان بنروحه كده ولا غيره المهم قبل ما نبدا مذاكره مش هتحكي لي على احمد
سلمى پخوف
بس اخرسي انت بتقولي ايه انت جايه تتكلمي هنا
روان
يعني هو باباك هيسمعنا هو قاعد بره واحنا بنتكلم بصوت واطي خالص اهو احكي لنا بقى حصل امبارح
ولا حاجه يعني هيحصل ايه اتكلمنا شويه وخلاص
اميره بخبث
يا بنت اتكلمي عدل هربتي من المدرسه علشان تتكلموا شويه رحتوا فين
سلمى پخوف
وطي صوتك بابا لو سمع هيبهدلني يبهدلني ايه ده هيخلص عليا خالص بصي بكره في المدرسه هحكي لكم انا هنا مش هقدر اتكلم
ندى
خلاص يا بنات سيبوها يلا خلينا نبدا مذاكره
وقعدوا يذاكروا وبعد ساعتين خرجوا البنات وروحوا على بيوتهم وثاني يوم الصبح حسن والد سلمى قال بهدوء
صحابك جايين النهارده يا سلمى
سلمى
ايوه يا بابا انت عارف بقى الفتره اللي قبل الامتحانات دي هيبقى عندي على طول
حسن
طيب يا حبيبتي هو كده كده مامتك جايه النهارده
سلمى
ما تاخرتش يعني زي ما كانت بتقول
حسن ابتسم
ما تاخديش على كلام امك امك تقول لك هقعد عند اختي كم يوم وفي اليوم التاني تلاقيها جت يلا انا رايح شغلي يا حبيبتي افطري بسرعه وروحي على مدرستك وخدي بالك من نفسك
سلمى
حاضر يا بابا ما تقلقش
مشي حسن من البيت وسلمى جهزت نفسها ومشيت على المدرسه
