روايه مكتمله بقلم ندي الجندي

بعد ازن حضرتك وخرجت من المكتب

ميرا ازيك يا قمر عامله ايه

ساره عندى ليكى خبر تحفه بقلم ندى الجندى

ميرا

ايه

ساره انا هسافر معاكى

ميرا بفرحه بتتكلمى بجد متتخيليش بابا وماما فرحوا قد ايه من الفرصه دى

ساره انتى مضيتى الإقرار

ميرا اه بابا مضاه وراحه اسلمه اهو وطلعت الباسبور متتخيليش انا فرحانه قد ايه أننا هنبقى مع بعض بس انتى ايه اللى غير رأيك وصحيح هتمضى الإقرار من مين لأن ساره كانت قيلالها أن بباها ومامتها متوفين ومتعرفش اى حاجه عن حياتها الشخصيه

ساره بصراحه يا ميرا انا عايزه اقولك حاجه مهمه وكمان محتجاكى تساعدينى

ميرا قولى يا حبيبتي طبعا انتى اختى انتى عارفه انى بنت وحيده واعتبرتك اختى والله

راحو قعدوا فى مكان وساره حكتلها كل حاجه عن حياتها أو بالأصح معانتها مع الحياه بقلم ندى الجندى

وحكتلها عن مروان واخر حاجه عرفتها عنه وأنها معدش ليها حد عشان كده هتسافر

ميرا بدموع معقول كل ده شيلاه لوحدك متزعليش يا قلبى اكيد ربنا هيعوضك والحمدلله انك كشفتيه الزباله ده

وفعلا افضل قرار خدتيه انك تسافرى هتعدى هنا لمين انسى كل ده بقى وابدأى من الاول واعتبرى أن ده بدايه العوض اللى ربنا عوضك بيه

ساره طب انا مش عارفه هطلع الباسبور ده ازاى ولا هاعمل ايه

 ميرا متقلقيش هاتى بطاقتك وانا هخلى بابا يخلصلك كل حاجه ويطلعك الباسبور فى أقرب وقت انتى مينفعش تفضلى قاعده معاه بعد اللى سمعتيه ده

ساره بجد يا ميرا ممكن بباكى يقدر يخلصلى الباسبور

ميرا ايوه طبعا

ساره طب وهاجيب امضه بابا ازاى

ميرا اه صحيح هى دى المشكله

طب ماتقوليلهم فى الكليه أنه ماټ

ساره ازاى ما اكيد هيعرفوا مش الملفات بتاعتنا فى الكليه وكمان عمرى ما اعرف اسافر غير بمواقفه حد من ولى أمرى

ميرا بتفكير طب مش انتى قولتى أن هو قالك أن هو مش عايزك وبقاله سنتين مسألش ولا دور عليكى يعنى انتى كده كده مش فارقه معاه هيهمه فى ايه بقى سافرتى ولا لاء ماانتى كده كده بعيد عنه روحيله وشوفى هايعمل ايه

ساره عايزه اعمل كده بس اصلا مش طايقه اروح ولا اشوفه

اشوف واحد كان هو السبب فى مۏت امى

ومش بس اكتفى بكده ده مرعاش كسرتى وطردنى فى نفس اليوم اللى هى ماټت فيه

اشوف ايه

اشوف واحد ميستاهلش كلمه اب

هو السبب فى كل اللى انا فيه ده

كنت قاعده فى الشارع والناس شيفانى شحاته

وهو رامينى وعايش حياته

بعد ما امى ماټت بأسبوع ولسه رامى بنته كل ده ولا فرقله وراح اتجوز

 اكلمك عن القهره اللى كنت فيها وانا بقوله انى هشتغل وهاصرف على نفسى وكنت هتذل واخدم مراته ولا انى ابات فى الشارع

رفض

ولا يوم ما كلمته وقولتله أن فى شاب هيساعدنى ومافيش مكان اروحه وهاضتطر اروح معاه

وازاى يقبل كده على بنته مهمهوش وقفل السكه فى وشى

كل ده كل ده والمفروض أن ده اب

انا مش طايقه اشوفه قدامى بقلم ندى الجندى

ميرا طبطبت عليها أهدى أهدى انا عارفه أنه صعب وصعب جدا كمان لكن انتى لازم تعملى كده

وكل اللى بتقوليه ده محدش يستحمله ابدا لكن تأكدى أن ربنا هياخدلك حقك وحق مامتك وان شاء الله هتبقى حاجه كبيره جدا جدا أن مع العسر يسر إن شاء الله خير ولو حابه انا ممكن اجى معاكى بقلم ندى الجندى

ميرا أهدى كده وان شاء الله كل حاجه هتتحل هاتى بقى البطاقه عشان نلحق نطلع الباسبور

ونفكر فى موضوع الامضه ده

ساره أدتها البطاقه

ميرا طب وانتى هتفضلى قاعده عند الواطى ده

ساره اعمل ايه لحد اما اسافر

ميرا طب ماتيجى تعدى معايا لحد اما نسافر

ساره لا انا مش حابه اتقل عليكوا

ميرا تتقلى ايه يا هبله اصلا بابا وماما على طول فى الشغل

ومش هيمانعوا خالص من وجودك بقلم ندى الجندى

ساره بتفكير انا مش عايزاه يعرف أنى مسافره انا عايزه اختفى فجاه ميعرفش انا رحت فين

انا خاېفه اوى انا زى ماقولتلك هو مشهور جدا

وكمان طلع زباله خاېفه يمنعنى من السفر

انا لازم افضل اتعامل زى مانا معاه لحد ما امشى

البيه بيتباهى أنه قدر يوقعنى زى زى غيرى

واكيد مش هايجى فى دماغه ابدا انى سافرت

ميرا ايوه فعلا عندك حق

خلاص احنا نحاول نخلصلك الاجراءات بتاعه السفر فى أقرب وقت خلى بالك من نفسك يا قلبى باى باى

فى فيلا مروان

مروان اتأخرتى كده ليه النهارده

ساره اصل خرجنا انا وميرا روحنا مطعم نغير جو

مروان طب كويس اوى

ايه رأيك نخرج بكره

ساره بتهرب لا بكره عندى محاضرات كتير مش هينفع

تمام طب يلا نتغدى

ساره لا مانا اتغديت انا وميرا فامش جعانه

ودخلت اوضتها

اوف مش طايقه اشوف وشه يارب يارب ساعدنى

وفضلت تصلى وتدعى ربنا ييسر لها أمرها

مروان الو يا محمد انت روحت ولا لسه بقلم ندى الجندى

محمد لا لسه فى الشركه بخلص شويه ورق

انت روحت بدرى النهارده ليه

مروان مافيش كنت عايزه اتغدى انا وساره

بس هى خرجت مع صاحبتها ولسه راجعه من شويه

محمد طب تمام اشوفك بكره وقفل

محمد ايه ده ازاى بعد اللى هى سمعته ده وفضلت معاه

محمد بعصبيه ازاى ازاى فضلت معاه بعد اللى سمعته ده

وخرج للسكرتيره

محمد اعمليلى قهوه

مها حاضر يا فندم

بعد شويه

القهوه حضرتك

محمد بعصبيه ايه الارف ده مش عارفه تعملى فنجان قهوه عدل ده وحشه وساقعه

مها ساقعه ايه حضرتك دى بتغلى اهيه

محمد يعنى انا كداب ومش بفهم ولا ايه

وقام راميها على الأرض

اعملى واحده تانيه بسرعه

خرجت مها وهى بټعيط وراحت تعمل غيرها

محمد فضل رايح جاى فى المكتب

محمد لازم لازم تبعد عنه لازم مروان يرجع زى زمان مش يدخلنى هو فى الطريق ده ويخرج هو مش بمزاجه ابدا ابدا بمزاجى أنا وبس انا بس اللى

اقرر محمد الكنانى بس اللى يقرر مش كل حاجه همشى وراه وياريت فى الاخر طمر فيه إلا باعنى فى اول فرصه جاتله بقلم ندى الجندى

بعد اسبوع

ميرا خدى يا ساره بابا اتصرف وبمعارفه طلعلك الباسبور بسرعه

ساره بجد يا ميرا مش عارفه اشكرك ازاي.

ميرا تشكرينى على ايه احنا اخوات

خدى

ساره لا خليه معاكى لحسن يشوفه ولا حاجه انا مبقتش اثق فيه خالص

خليه معاكى لحسن يشوفه

ميرا خلاص ماشى

دلوقتى مش فاضل غير الامضه

ساره انا هاروح دلوقتى ونتكلم بكره عشان السواق جه

ميرا تمام خلى بالك من نفسك

فى فيلا مروان

ساره دخلت وكان مروان لسه فى الشركه

باليل

مروان جه وخبط على ساره

ساره خرجت

مروان ازيك يا ساره انا اتأخرت النهارده كان فيه شغل كتير

اتغدتيى

ساره اه الحمدلله

مروان بقالى كتير اوى متكلمتش معاكى طول الاسبوع اللى فات بشوفك بالصدفه

ساره اه عندى ضغط بس فى المذاكره الفتره دى

مروان طب تعالى نعد فى الجنينه شويه

ساره حست انها لو رفضت هيشك فى حاجه تمام ماشى

مروان قاعد يتكلم وساره طول الوقت ساكته

مروان انتى ساكته ليه مش بتتكلمى

ساره لا ابدا بسمعك

اصل اكتشفت انى معرفش عنك حاجه خالص انت عارف عنى كل حاجه وبتسمعنى فاعايزه اسمعك شويه

مروان عاوزه تسمعى ايه

ساره ازاى وصلت للمكانه اللى انت فيها دى دلوقتى

مروان فى سره اقولك ايه اقولك أنى لجأت لطريق كله غلط فى غلط عشان اوصل للى انا فيه ده نفسى اعترفلك