قصه صعيدي _كامله_بقلم هويدا زغلول

يا فرح
فرح
وانا بقى البنت دي مش مرتاحه ومش عايزاك تقرب منها نهائي
يونس
اعقل يا فرح وبلاش نتخانق على وهم في دماغك انت البنت بتعاملني زي اخوها بالظبط فين المشكله
فرح بعصبيه
المشكله ان انت مش شايف اصلا المشكله البنت دي بتحاول تقرب منك بكل الطرق وحتى قدامي دي قليله الادب وبجحه
يونس
ما يصحش كده يا فرح البت ما غلطتش فيك ولا عملت لك اي حاجه وحشه وبالعكس بتعاملك كويس جدا
فرح
بقول لك ايه يا يونس انا تعبت البنت دي تعبالي اعصابي انا مش عايزاها قريبه منك يا اخي من حقي اغير عليك انا مراتك
يونس قرب منها وطبطب على ايديها وقال
يا حبيبتي من حقك انا ما قلتش حاجه بس انا مش شايف اي غلطه على البنت عملتها علشان امشيها حتى من الشركه انت المفروض تبقي واثقه فيا اكثر من كده
فرح بدموع
انا بثق فيك طبعا بس مش واثقه فيها هي
يونس
انا لو لقيتها عملت اي غلطه او اي تصرف يدور لانها فعلا مش كويسه انا همشيها من عندي من غير ما انت تقولي وبعدين انت عارفه ان انا بحبك انت يا فرح وتعبت قد ايه علشان اتجوزك انت فمستحيل ابص لاي واحده ثانيه
فرح
ربنا يخليك لي يا يونس يلا تعال ننام علشان انت وراك شغل بدري
يونس
يلا تصبحي على خير
فرح
وانت من اهل الخير
ثاني يوم في الشركه دخلت عشق على طول على مكتب يونس بعد ما اخذت الاستئذان بالدخول
يونس
تعالي عشق خلصتي الملف اللي اديته لك امبارح
عشق
طبعا يا يونس بيه خلصته اتفضل
يونس
طيب يا عشق استاذ عمر مستنيكي تحت في الارشيف علشان في ملفات محتاجه مراجعه هتراجعيها معاه
عشق بخبث
لا لا انا مش رايده اراجع مع استاذ عمر حضرتك ممكن تقول لي ايه الملفات اللي المفروض اراجعها وانا هراجعها لوحدي
يونس باستغراب
طيب ليه يا عشق وعمر عمل لك حاجه زعلتك
عشق اصطنعت الاحراج
بصراحه يعني كده هو طلبني للجواز وانا رفضت فمش رايده يبقى في اي معامله بيني وبينه
يونس
اختك ما قالتليش الكلام ده يعني جه اتقدم امتى ده
عشق
لا ما هو ما دخلش البيت هو كلمني انا وانا قلت له ان انا مش رايده اتجوز دلوقتي وانه مرفوض فما تكلمش تاني معايا
يونس
طيب يا عشق روحي انت على مكتبك وانا شفت حد ثاني يراجع الملفات ويا ريت اي حاجه زي دي تحصل تعرفيني مش تاخدي قرار زي ده منك لنفسي
عشق ابتسامه
حاضر بعد اذنك
خرجت عشق وهي مبسوطه ودخلت مكتبها وقالت
بيغير عليا بيحبني
وفضلت تكرر كلامها وهي مبسوطه جدا وبعدين قعدت على مكتبها وبدات تخلص الشغل اللي وراها
بعد اربع ساعات ميعاد بريك دخلت عشق مكتب يونس بعد ما خبطت وقالت بابتسامه
انا رايحه اتغدى تحب حضرتك تيجي تتغدى معايا
يونس اتحرج وما كانش رايد يكسفها
اه ما فيش مشكله تعالي نروح اي مطعم ونتغدى سوا
عشق