جوزي والمدرس _كامله _بقلم هويدا زغلول

انا هعمل لك اللي انتي تقولي عليه ياحماتي هو انا يعني هتأخر عنك في اي حاجة
الحما
لا وهو انتي تقدري تتأخري عني في اي حاجه البيت ده انا هنا فيه الكبيرة واي حاجة اقول عليها تمشي وانتي عارفه انا معنديش الا جمال ابني وحيد على تلات بنات ولازم مراته تبقا تحت طوعي وانا مش بحب اشوف ابني زعلان خالص 
انتي سامعه ولا لا
هدير
حاضر اللي انتي عايزاه انا هعمله ممكن بقا اذاكر شوية وبعدين اقوم اعملك الشقه واروقها
الحما
لا ياحبيبتي الشقه تتعمل الأول وبعدين المذاكرة هي يعني المذاكرة هتطير ولا هتطير يلا ادخلي نضفي وسيبي الكتاب اللي في ايدك ده ادخلي الزريبه يلا نظفي تحت 
البهايم وروقي الدنيا مش عايزه دلع بنات
هدير 
حاضر 
وسمعت كلامها وفضلت انضف البيت وجات بنتها سهى هي وعيالها التلاته الصغيرين وقعدت مع امها وقالت
سهي 
الا البت مرات ابنك دي عامله معاكي ايه ياماما اوعي تكون مش بتسمع الكلام ولا حاجة ولا تكونوا راكبة ابنك وبتخليه ينفذ لها كل اللي بتقول عليه
الام
لا وهو انا مدياها فرصة انها تعمل كده ده انا كنت قطمت رقبتها وبعدين انتي عارفه اخوكي راجل ياسهي يعني مش دي اللي هتمشي كلامها عليه
سهى
ايوه كده مشوها على العجين متلغبطوش تعالي شوفي حماتي المفترية عاملة فيا الوليه مطلعه عيني في البيت وبعدين ياختي دي لو بقت معاها 
شهاده مش عارفه هتتعامل معانا ازاي هتبص 
لينا من فوق
الحما 
والله تبقي تفكر تعمل كده وانتي متعرفيش أنا ممكن اعمل معاها اي
سهي 
اسمعي بس كلامي انا عايزه الموضوع 
يكون بعقل علشان متروحش ل أهلها وانتي 
عارفه ابنك هيقولك كلمتي اللي اتفقت 
بيها معاهم لازم تمشي
الحما 
عندك حق ي سهي انا كل ما اشوفها 
ماسكه كتاب في أيدها هروح اتكلم معاها واطلب منها طلب الشقه
سهي
اه والله ما تعرفي العيشه اللي انا عايشها 
في بيت حماتي عامله ازاي كل بنت 
بتشوف المرار وبتستحمل علشان 
خاطر حياتها وجوزها
الحما
دي وليه حرباية حماتك دي ياسهي وعايزة اللي تديها على دماغها بس انتي عشان متربيه ياحبيبتي بتسكتي لها
سهى
اومال يعني عايزاني اعملها ايه ياماما ما انا مره جيت اتكلم ابنها اټخانق معايا وقالي على الله اسمعك بتعلي صوتك على امي كل الا امي دي
الحما
كاته نيله الموكوس جوزك ده ده بدل ما يجيب لك حقك من أمه اللي عايزة الولعه دي لا لا وانا خرجت من المطبخ وقولت
هدير 
انا خلصت الغدا يا حماتي عايزه حاجه تاني 
اعملها ليكي قبل ما اطلع شقتي
الحما 
اه انا عجنا جوا ادخلي اعملي لينا رغفين 
عيش كده لاحسن سهي بتحب العيش معمول 
في البيت
هدير 
عنيا يا اما اللي تؤمري بيه وبعدها دخلت 
علشان اخبز وسهي قالت
سهى
بس انا شايفه البت هدير دي مطيعه وبتسمع الكلام مش كده برضو
الام 
وهي نقدر متسمعش الكلام ده انا اطلع عينها لو قالت لي على حاجة لا وبعدين اخوكي النبي حارسة وصاينة مسيطر برضو يابت اومال ايه 
المهم تعالي نقعد فوق في شقه اخوكي اصل 
جايب ياختي البتاع اللي اسمه تكيف ده 
والجو عنده احسن من هنا وانا خلصت 
وطلعت علشان أروق شقتي 
ودخلت المطبخ
وكنت ساعتها سمعت صوت حاجة اتكسرت وخرجت جري لقيت ابن سهى كسر الفازة وهو بيلعب وزعقت فيه
هدير 
انت ايه اللي انت عملته ده مش تخلي بالك ياواد انت بتكسر الفازة ليه
الولد كان خاېف وسهي قالت لي
سهي 
الله جرا ايه ياحلوه انتي بتزعقي للولد كده ايه انتي خوفتيه هو كان مال ابوكي ياختي 
علشان تتكلمي معاه بالطريقه دي
هدير 
ايوه مال ابويا وبعدين ما تتكلمي بطريقه 
احسن من دي 
هو انتي مش شايفاهم وهما بيجرو ورا بعض وكسرو الحاجة
سهى 
مايكسرو اللي يكسروه ياحبيبتي ده بيت اخويا ويعملوا اللي هما عايزينو ولا انتي هتتحكمي فينا في بيت اخويا
هدير 
انا ماقولتش حاجة ماهو بيت اخوكي بس دي حاجاتي اللي انا جبتها في الجهاز بتاعي يعني المفروض يخلو بالهم لما يلعبو
سهى 
حاجة مين ياحبيبتي الحقي ياماما دي بتقولك حاجاتها اومال اخويا ماضي على القايمة ليه أن شاء الله ولقيت حماتي قامت وقفت وقالت
الحما 
لا ياروح امك انا ابني ماضي على كل حاجة انتي جيباها يعني كل حاجة بتاعت ابني وإياكي اسمعك بتتكلمي عن حاجة زي دي تاني وولاد بنتي يكسرو زي ماهما عايزين
هدير 
خلاص اعملو اللي تعملوه ممكن بقا ادخل اكمل مذاكرة انا خلصت البيت والاكل ومش ورايا حاجة تاني اعملها