جوزي طلقني علشان رفض ابيع كليتي ـــ كامله ـــ بقلم هويدا زغلول

تعبانة اوي يامسعد وحاسه انه التعب ده اكتر من قبل ماعمل العمليه
مسعد
يعني قبل مانعمل العمليه قولتي تعبانة وعملنا العمليه وبرضو تعبانة وبعدين يا احلام
احلام
هو يعني بأيدي انا مش عارفه مالي ڠصب عني والله وفضلت ټعيط
مسعد
بقولك ايه انا مش عايز نكد بقا العمليه واتعملت المفروض تبقى كويسه مش كده وبعدين امشي على العلاج اللي الدكتور قال لك عليه يلا انا نازل بقا رايح الشغل
وطبعا مسعد اشتري عربيه جديده ولبس جديد ودخل المكتب إبراهيم قال له
اش اش اش ايه ياعم ده اللي عطاك يعطينا ياحاج مسعد من أين لك هذا
مسعد
هذا من فضل ربي وبعدين جرا ايه يا ابراهيم انت هتبص لي بقا في النعمة اللي ربنا ادها لي ياعم قول مشاء الله
إبراهيم 
مشاء الله بس برضو منين ده كله ده احنا كنا لسه بنشتكي ومش لاقين
مسعد 
م مفيش اصلي كنت داخل في جمعية كبيرة وقبضتها وبعدين يا ابراهيم انت هتحقق معايا ولا ايه
إبراهيم 
لا انا ولا هحقق ولا حاجة انا بس مستغرب يعني وعلى افهم ايه اللي حصل بين يوم وليله كده
مسعد قفل المكتب وقال له 
اسمع يا ابراهيم انا حكي لك على حاجة بس محدش يعرف حاجة الموضوع ده بيني وبينك
إبراهيم 
اكيد طبعا يامسعد محدش هيعرف حاجة ايه الموضوع بقا
مسعد 
الموضوع انه ومراتي بتعمل العمليه بتاعت الكلي 
وحكي مسعد لابراهيم كل حاجه من اول ما الدكتور قاله لحد دلوقتي
ابراهيم 
يابن الايه يامسعد وعلى كده مراتك متعرفش حاجة وانت قبضت الفلوس ايوه بقا لعبتها صح
مسعد 
هوووش وطي صوتك يا ابراهيم انت عايز توديني في داهية الموضوع ده محدش يعرفة ابدا
إبراهيم 
اكيد طبعا محدش هيعرفه بس قولي الدكتور ده مش عايز حد يتبرع تاني المهم يقبض الفلوس
مسعد 
ده الدكتور بيقولي كل يوم محتاجين ناس يتبرعو وفي اللي يدفع لهم أي مبلغ هما عايزينة وبعدين ليه انت عايز تتبرع بكليتك وتقبض ولا ايه
إبراهيم 
ليه ياعم هو انت مستغني عن روحي لا طبعا انا بفكر اشوف مراتي كده تتبرع بكليتها وناخد فلوس من وراها
مسعد 
بس هي اكيد مش هتوافق اذا كان انا لو كانت مراتي عرفت مكنتش وافقت
ابراهيم سكت وفضل يفكر في الفلوس والنعيم اللي هايعيش فيه لو فاتن وافقت انها تتبرع
ورجع البيت وقال لها 
تونة حبيبتي عامله ايه يا قلبي انتي كويسة
فاتن باستغراب 
بسم الله الرحمن الرحيم مالك يا ابراهيم في ايه ياحبيبي انت اللي كويس
إبراهيم 
ااه انا كويس انا بطمن عليكي انتي ياحبيبتي خودي البسبوسة اللي انتي بتحبيها اهيه كوليها كلها لوحدك بالهنا والشفا
فاتن عماله تبص له مستغربة طريقة كلامة وقالت له 
هو انت شارب حاجه يا ابراهيم والنبي تصارحيني ياخويا احنا مش عايزين يبقا ليك في السكة دي عشان خاطر بنتنا
إبراهيم 
الله جرا ايه يافاتن في ايه انتي اللي شاربه حاجة شكلك ياوليه انا جاي بدلعك وبقولك كلام حلو تقومي تقولي كده ولو مقولناش تعملي لي غم طيب خلاص ولا قايل ولا عايد
فاتن 
انا بس مستغربه يا ابراهيم انت بتدخل عليا كل يوم وانت بتزعق وبتشخط ومش متعوده على الدلع ده منك خالص
إبراهيم 
لا ياقلبي من هنا ورايح اتعودتي على الدلع والرومانسية كلها
فاتن 
اممممم طيب وايه المقابل يا ابراهيم انا حاسه كده بحاجة وانه في وراك حاجة اصل مش معقول التغيير ده بين يوم وليله كده
إبراهيم 
ههههه طول عمرك ناصحة يافتون وبتفهميها وهي طايرة ياروحي هو بصراحة كده في موضوع عايز اتكلم معاكي فيه
فاتن 
خير يا ابراهيم موضوع ايه ده بقا وبعدين لما هو في موضوع وعايز تكلمني فيه ايه لازمة الداخله دي كلها ومكلف