جوزي طلقني علشان حته جبنه ـــــــــ كامله ـــ بقلم هويدا زغلول

ودخلت قعدت في الاوضة وشغلت التليفزيون وبعد شوية رجع محمود وقال لامه
هو كل لما ارجع الاقيكي بتعملي حاجة في البيت اومال الهانم اللي انا متجوزها فين انتي ياست هند
خرجت بسرعه من جوه وقولت له
نعم يامحمود نعم ياحبيبي انت جيت امتى
محمود
لسه داخل دلوقتي انتي ازاى سايبه امي تمسح الأرض انتي مش عارفه انها تعبانة ومش بتقدر تعمل حاجة
هند
طيب قولي بقا اعمل ايه لأمك دي يامحمود كل ما اقولها مش تعملي حاجة ياحماتي ولا تحطي ايدك في حاجة تصمم انها هي اللي تعمل شكلها كده عايزة تدلعني مش كده ياحماتي
حنسية 
اصل انا لقيت نفسي قاعده فاضيه يامحمود قولت قولت اعمل انا بدال هند
محمود 
انتي كنتي تعبانة من خدمتك ليا واحنا لوحدنا وقولت اتجوز عشان اريحك من التعب ده ليه بقا مصممة انك تتعبي نفسك
حسنية 
خلاص بقا يامحمود انا عايزة كده
محمود 
طيب تعالي ادخلك اوضتك اقعدي فيها وريحي وهند تكمل المسح يلا ياهند كملي انتي بدال امي
هند 
ااه ااه وماله ياخويا هو انا افديك الساعه
واخدت امه ودخل الاوضه بتاعتها وقالت له 
كنت عايزة اسالك عن حد يامحمود
محمود 
اسألي يا أمي عايزه تسالي عن مين
حسنية 
عايزة اسالك عن مروة هو مفيش اخبار عنها
محمود 
وبتسالي عنها ليه يا أمي مش دي اللي كنتي بتقولي انها بتشتمك وبتبجح فيكي وتعلي صوتها عليكي وانا اللي عمري ماسمعت صوتها على عليكي ابدا
حسنية 
حقك عليا يابني لو عرفت عنها حاجة ابقي خليها تسامحني
محمود 
تسامحك على ايه انا مش فاهم حاجة خالص هي مروة بنت ستين في سبعين ولا بنت ناس كويسين على العموم انا هبقا اتصل على أحمد اخوها اسالو عليها
وخرج محمود جه اوضتي وقالي 
انا حاسس ان امي مرتاحة معاكي ياهند اوي يعني عمرها ما اشتكت منك ابدا عكس لما كانت بتشتكي من مروة فارق كبير بينكم
هند 
يعني انت عايز تقارني باللي متتسماش اللي كنت متجوزها طيب دي واحده كانت مبهدله امك ومورياها السواد يامحمود انما انا بقا شايله حماتي حبيبتي على كفوف الراحة اومال ايه مش هي تبقا ام جوزي حبيبي
محمود 
امممم طيب هي ليه بتخليكي ترتاحي انتي وتشتغل هي
هند 
لا يامحمود هي مش بتعمل كده كل يوم لا ده بس النهارده واليوم اللي انت شوفتها فيه قبل كده
محمود 
ااه طب ارجوكي ياهند تخلي بالك منها امي تعبانة الايام دي وياريت تعملي الاكل الصحي عشان سكرها يتظبط
هند 
من عنيا ياحبيبي بس كده انت تؤمر وانا انفذ
وبعد كام يوم محمود اتصل باخو مروة وقالو 
ازيك يا احمد طمني عليك
احمد بضيق 
اهلا نعم عايز ايه يامحمود بتتصل بيا ليه
محمود 
ايه ياأحمد انت بترد عليا كده ليه اومال لو مكناش اهل ياراجل
أحمد 
قصر يامحمود وقول انت عايز ايه
محمود 
حاضر يا أحمد اصل انا كنت بتصل بمروة عشان اطمن عليها لقيت تليفونها مغلق شكلها غيرت الخط بتاعها
احمد 
اه غيرتة عشان مش عايزة تسمع صوتك تاني انت بتسأل عليها ليه
محمود
ابدا كنت عايز اطمن عليها
أحمد
سيب مروة في حالها كفايه اللي حصل منك انت والست والدتك وبعدين مروة دلوقتي بتشتغل في عياده دكتور ومش فاضيالك يلا سلام
وقفل أحمد معاه ومحمود صمم انه يعرف طريقها وفعلا عرف مكانها وراح لها ولما شافته قالت
محمود انت ايه اللي جابك هنا انت مش خلاص اتجوزت
محمود
جيت عشان اطمن عليكي يامروة انتي عامله ايه
مروة
انا كويسه الحمد لله على الاقل اترحمت من الذل اللي كنت عايشة فيه محدش دلوقتي بيعمل معايا اللي كانت مامتك بتعمله فيا
محمود
ماهي عايزاكي تسامحيها مع اني مستغرب ده انا ساعات برجع يلاقيها بتطبخ بدال هند
مروة
ايه بجد والله وده اازاي ده بقا يبقا هند هي اللي مسيطرة بقا
محمود
انتي بتقولي ايه يامروة هند مسيطره ازاى دي عمر امي ما اشتكت منها ابدا وعلطول بلاقيها بتشتغل في البيت بدال هند
مروة
يبقا زي ماقولت لك يامحمود هند بطلع على امك كل اللي عملته فيا
نزل محمود جري على البيت وانا في الوقت كنت حاطة لحماتي حته جبنة ولقمة عيش وباكل من المحشي والفراخ اللي بعتهالي
وكنت قاعده بقول لحماتي
كلي الجنية والعيش ده وإياكي تفتكري اني هاكلك لحمة وفراخ لا فوقي انتي اخرك العيش والجبنة
حنسية
حاضر ياهند اللي تشوفيه
ودخل محمود وقال انتي ايه اللي انتي بتعمليه ده بقا بتأكلي امي عيش وجبنة وانتي بتأكلي ده انتي ايه معندكيش قلب