جوزي طلقني علشان حته جبنه ـــــــــ كامله ـــ بقلم هويدا زغلول

هستاذن ياخالتي مش عايزة مني حاجه
حسنية
لا ياهند ابقي تعالي ياضنايا متتاخريش عليا كده تاني
هند
من عنيا بعد اذنك ياسي محمود
وخرجت من عندهم ومحمود قال لأمه
يعني كان لازم تتكلمي على مراتي بالشكل ده كده قدام واحدة من الجيران يا أمي طيب اصبري لما نبقي لوحدنا
حسنية
ليه ياحبيبي ماهي كانت قاعده وشايفه مراتك وهي عماله تهزق فيا ااه ياني ياغلبانة ياني يلي ملكيش حد يجيب لك حقك
محمود
يا أمي حرام عليكي هو كل يوم على الموال ده انا تعبت من المشاكل اللي بينك انتي ومروة انتي عايزة اعمله وانا هريحك
حسنية
انا مش عايزة حاجة غير اني اشوفك سعيد ومبسوط انا هاعوز ايه يعني انا
ودخلت مروة وقالت
معلش يامحمود انا شوفتك وانا بنشر وانت داخل البيت بس معرفتش ادخل اصل الغسيل كان كتير اوي
حسنية
ااه مانتي ياختي لو بتغسلي اول بأول كان زمانهم بقو شوية صغيرين
مروة
والله انا نفسيتي بقا في غساله اتوماتيك الناس كلها جبتها وانا لسه بغسل على النص دي
حسنية
واحنا نجيب لك منين ياروح امك وبعدين مش دي غسالة جهازك
مروة
ايوه بس بعد كده الناس بتطور وبتجيب الاوتوماتيك
حسنية
خلاص روحي لأمك بتاعت المخلل خليها تجيب لك الاتوماتيك
محمود
خلاص بقا ياامي خلاص هو كل شوية مشاكل
حسنية
هو انت جاي عليا انا وبس يامحمود انت مش سامع مراتك
مروة
وهي مراتة عملت ايه انتي طول اعملي يامروة حاضر هاتي يامروة حاضر ودي يامروة حاضر وكل ده ومش عجبك
حسنية
ااه بصراحة مش عاجبني اصل انا يابت مكنتش عايزة ابني يتجوز واحده زيك كده
مروة
ومالها اللي زي انا عملت ايه عشان تقولي كده انا من يوم ماجيت هنا وانا شيلاكي انت وابنك على كفوف الراحة وعمري ما اشتكيت لمحمود من عمايلك فيا وبسكت وهو بيصدق انتي وبيكدبني انا
محمود
خلاص بقا يامروة خلاص ايه انتي هتعلي صوتك على امي
حسنية
هو ده اللي انت قدرت عليه يامحمود اخس عليك يابني ده ماتديها قلمين عشان بتبجح في أمك اخس عليك اخس
مروة
حرام عليكي والله انتي مفترية هو انا عملت ايه عشان تقولي له كده انا عملت ايه يامحمود
محمود زعق وقال
ماخلاص بقا يامروة الله هو ايييه مش عايزة
مروة
لا مش هسكت انا عايزة اطلق يامحمود طلقني لان امك مش عايزة واحده غلبانة زي لا دي عايزة واحده تاني تديها على دماغها
حسنية
ينهارك اسود ده ايه الكلام بتاعك ده يابت انتي طلقها يامحمود طلقها وانا هجوزك ست ستها
مروة
ايوه طلقني عشان امك تجوزك على مزاجها
حسنية
ماطلقها يامحمود دي واحدة زباله ومش بيطمر فيها الاكل والشرب اللي بتطفحه في بيتك
مروة
حرام عليك بقا طلقني وخليني اخلص من العيشه دي انا تعبت منك انت وامك
محمود
بقا كده طيب روحي وانتي طالق
حسنية
لولولولوي ايوه كده ياحبيبي اهو انت كده ابني بطني بصحيح
مروة
روحي ياشيخة حسبي الله ونعم الوكيل فيكي ان شاء الله ربنا هيرد لك اللي عملتيه فيا
ومشيت مروة رجعت بيت اهلها وحسنية قالت لابنها
ولا يهمك ياحبيبي بكرة اجيب لك اللي تستاهلها
وعدت ايام على حسنية وهي اللي بقت تعمل كل حاجة في البيت وهي كان عندها السكر ومن كتر الشغل في البيت جاله تعب في رجليها ومحمود قال لها
انا عايز اجيب لك واحده تخدمك يا أمي تشتغل هنا يعني في البيت بدالك انتي بتتعبي
حسنية
لا ياحبيبي انا كويسة وبخير انا نفسي تتجوز يامحمود واللي تيجي تخدمني تبقا مراتك مش واحده شغاله وخلاص
محمود
تاني جواز يا أمي ما انا طلقت مروة عشان كنتي بتقولي انها بتبجح فيكي مع انها كانت خدماكي وخدماني انا كمان
حسنية
قصدك تقول يعني اني كنت بتبلي عليها ما انت كنت واقف وشايف كانت بتتكلم معايا ازاى ولا انت عايز تجيب السبب فيا انا
محمود
ولا هجيب السبب فيكي ولا فيها السبب فيا انا خلاص يا أمي
حسنية
طيب ياضنايا مانشوف لك واحدة بنت حلال كده وطيبه وبصراحة انا قدامي واحدة وعايزة اقولك عليها بت عجباني من زمان اوي وكان نفسي اجوزها لك
محمود
ودي تطلع مين دي يا أمي
حسنية
هند اللي ساكنة فوق مع امها بنت حلوه وجميلة وتتمنا لك الرضا ترضى وبصراحه بقا انا بحبها من زمان
محمود
بس هند بنت بنوت وانا مطلق هي هترضي تتجوز واحد زي مطلق
حسنية
ياسلام وانت ان شاء الله ياحبيبي ناقصك حاجة ولا ناقصك حاجة طب ده انت اي واحدة في الدنيا