جوزي طلقني علشان حته جبنه ـــــــــ كامله ـــ بقلم هويدا زغلول
انت في الصفحة 1 من 6 صفحات
جوزي طلقني عشان حتة جبنة
وقبل ما بدا حكايتي اعرفكم بنفسي انا أسمي هند عندي 27 سنة عايشه مع امي قبل ماتجوز وفي يوم امي قالت لي
ياما نفسي افرح بيكي ياهند واشوفك في بيت العدل يابت ده حاسه اني هاروح قبل ماشوفك عروسة
هند
هو انتي بتعايرني ياماما عشان سني يعني ولا ايه وبعدين انا كده مرتاحة مش عايزة اتجوز ولا اتنيل
الام
الله ليه بس كده يابنتي هو في بنت في الدنيا بتبقا عايزة تقعد كده طب ده البنات بتبقا نفسها تتجوز
هند
انا بقا مش عايزة ولما هاعوز اتجوز هتجوز واحد مش ابن امه عشان اعرف اتحكم فيه هو وامه ايوه اومال ايه
ياسلام وبتقولي كده ليه بقا يابت
هند
ليه ايه ياماما ما انتي شايفه جارتنا حسنية بتعامل مرات ابنها ازاى بس عارفه انا متأكده ان محمود ابنها ميعرفش اللي بيحصل من أمه في مراته اصل مراته تحسي انها هبله كده والنبي انا لو مكانها كنت اخدت حقي من أمه دي
الام
اصل البت شكلها غلبانة وعايزة تعيش ياهند وبعدين كل واحده بتاخد نصيبها ملناش دعوة بحد احنا خلينا في حالنا
هند
ماحنا في حالنا اهو وبعدين انتي ياماما اللي بتفتحي الموضوع ده كل شوية تكلميني فيه
الام
خلاص انا هسكت اهو يابنتي لما اشوف اخرتها معاكي
هو انا بصراحة عنيا من محمود ده ااخ لو كان اتجوزني انا كنت خليت امه دي تمشي على العجين
وعند جارتنا ام محمود كانت بتزعق لمرات ابنها وقالت لها
انتي يازفته يلي اسمك مروة هو انا مش قولت كذا مره الشباك بتاع المطبخ يتنضف اول بأول هو انتي مش بتسمعي الكلام ليه ولا انتي بتحبي تتهزقي كل شوية
مروة
ماهو انا قولت هخلص بس الغسيل ده وهاروح انضفه ياحماتي انا بعمل اهو وبشتغل بأيدي واسناني انتي عايزة ايه تاني بس
الحما
ينهارك اسود انتي بتعلي صوتك عليا يابت يلي تنخفي انتي طيب لما جوزك يرجع بس انا هخلي يشوف له صرفه معاكي
لا حول ولا قوة الا بالله هو انا عملت ايه دلوقتي انا اتكلمت ولا فتحت بوقي ارحميني كل يوم لازم تعملي مشكلة عشان تخلي محمود يرجع بتخانق معايا طيب ليه
الحما
هو كده اذا كان عجبك يابنت بياعة المخلل انتي وإياكي اسمع حسك تاني
مروة
حاضر انا هسكت اهو ومش هتكلم خليني بقا اشوف اللي ورايا
الحما
شوفي ياختي اللي وراكي شوفي كتك الهم
وانا رحت عند ام محمود اصل بحب اروح اقعد معاها كل فترة كده ودخلت عندها وقالت
مين هند تعالي ياحبيبتي اقعدي عامله ايه يابت عاش من شافك
هند
الحمد لله ياخالتي يعني كنتي سالتي عليا وعرفتي احوالي منا كنت تعبانة وجاي لي دور برد كان مكسر جسمي
الف سلامة عليكي ياهند انشالله اللي في بالي وبصت على مرات ابنها
هند
ازيك يامروة انتي بتعملي ايه تحبي اساعدك في حاجة
مروة
اهلا ياهند ازيك لا شكرا متتعبيش نفسك انا اصلا قربت اخلص اهو وخلاص
هند
طيب ياحبيبتي انا كنت عايزة اساعد بس
الحما
بقولك ايه يامروة سيبي اللي في ايدك وادخلي اعملي لنا شاي انا وهند
مروة
حاضر ياحماتي بس هنشر شوية الهدوم دول وهدخل اعملكم اللي انتو عايزينة حاضر
الحما
انا سيبي اللي في ايدك ده هو انا ايه كلامي مش بيتسمع ولا ايه
مروة
حاضر هدخل اعملكم الشاي الأول
ودخلت مروة المطبخ وقولت لحسنية
بس انتي ياخالتي مشاء الله عليكي بتقدري تتحكمي فيها كويس اوي
حسنية
اومال ياهند انتي عايزاني اسيبها كده عشان تخلي ابني زي الخاتم في صوبعها ومعرفش اكلمة ويتفرعن عليا لا ده انا كان لازم اعمل فيها كده من اول يوم جات فيه هنا
هند
عفارم عليكي ياخالتي ده حتى بتقولي خالتك حسنية دي ماتحبش حد يتحكم فيها ابدا
الحما
ااه طبعا اصل انا كنت زمان بعامل حماتي كويس اتفرعنت عليا يلا الله يرحمها ويسامحها بقا
وخرجت مروة بالشاي وقالت عايزة مني حاجة تانية انا هدخل انشر بقا
الحما
روحي ياختي انشري
وبعد شوية دخل محمود من بره وقال
سلام عليكم اهلا ياهند ازيك منورة هنا
هند
انشالله تسلم ياسي محمود ربنا يخليك ياخويا
محمود
اومال مروة في يا أمي
حسنية
بتنشر الغسيل اللي طول النهار عماله تتدلع فيه على ماخلصتة لا ولما اكلمها تبجح فيا يامحمود يرضيك كده يابني
محمود بص لي واتحرج وقال لها
مش وقته الكلام ده يا أمي أنا هتصرف معاها متزعليش انتي بس
هند
طيب انا
