الفلوس الملعۏنه _كامله _بقلم هويدا زغلول

انت فاهم غلط اخواتي لو فيهم خير كان بقي لابويا حتي لو ۏحش معاهم، لو فيهم خير وانا اختهم وشرفهم ما كانوش رموني في الشارع وكل ده عشان شقه اللي هيطلع ليهم منها تمن فستان من بتوع نسمه مرات حمدي..

كمال 
خلاص طيب انا معاكي واوعدك يا ستي والله فلوسك هتفضل بتاعتك انتي بس وما حدش هيمد ايده عليهم..

نواره
ماشي يا كمال هنتجوز بعد الاربعين بتاع بابا..

كمال
هنتجوز پکړھ يا نواره شقتك دي عايزه تقفليها وتيحي تعيشي معايا، ولو عايزه تاجريها براحتك بس لازم تيجي تعيشي معايا..

نواره
يعني هو متجوزني وعارف اني مش عايزاك وكمان عايزني اعيش معاك في الشقه الاوضتين وصاله ومع امك كمان..

كمال 
هي مش امي دي تبقي عمتك، ده اخر كلام عندي وياريت تسمعي كلامي عشان ما تزعليش..

نواره 
تعزم اخواتي والست نسمه اللي كانت بتحبك زمان وعايزاك تتجوزها تحضر كتب الكتاب..

ابتسم كمال وقال
تمام اعتبريه حصل، ويلا تعاالي معايا..

نواره 
انا هقعد هنا واجيلك پکړھ..

كمال
والله العظيم ما هسيبك غير لما تبقي رجلي علي رجلك، هو انا عبيط عشان اسيبك لوحدك..

نواره 
طيب يا كمال هجيب حاجتي واجي..

كمال 
هاتي فلوسك هعملك حساب جديد في البنك بعيد عن اخواتك وما يعرفوش عنه حاجه وحطي فيه فلوسك خطړ يبقو هنا..

نواره
طيب دقيقه واحده وجايه..

_دخلت نواره وجابت الفلوس وراحو فعلا البنك وحطت كل فلوسها فيه، وبعدين  راحت بيت عمتها ودخلت نامت في اوضة عمتها اللي قالت ليها..

سميه 
هو انتي ايه اللي غير رئيك وخلاكي توافقي علي كمال، مش كنتي رافضه يا اختي..

نواره 
ابقي اسألي ابنك يا عمتي وسبيني انام..

سميه 
طيب انتي مش عروسه پکړھ الصبح هاخدك ونروحو كوافير تظبطي حالك..

نواره 
يا حول الله يارب يا ست هو مش اللي راح ده يبقي اخوكي، عايزاني افرح وارقص واروح كوافيرات..

سميه 
اومال يا اختي عايزه ابني يتجوزك بخلقتك دي..

نواره 
اهو انا خلقتي كده وشكلي كده وابنك موافق عليا..

سميه 
اهو انا ھمـ،وت  واعرف عاجبه ايه فيكي، انا لو عرفت اربيه ما كانش اختار وحده زيك..

نواره
ايوه معاكي حق يا عمتي سبيني انااام بقي..

سميه 
انتي كمان عايزه تنامي علي السرير، لاااا انا ما حدش ينام في فرشتي عندك الصاله بره..

نواره
يا ربنا بقي هو انتي يا عمتي عايزاني اباات في الصاله وابنك يدخل ويطلع من اوضته وانا لسه ما بقتش مراته..