اخويا عايز دهبي _الحلقه الاخيره _بقلم هويدا زغلول _

ندى _ شكلك هتطلع جدع مش عره 
زي ابوك
منال _ بت اتربي بلاش طريقه كلامك دي
ندي _ حاضر وفضل احمد يسأل عليهم ويروح 
عنهم والغريبه ان احمد سكت في موضوع 
الدهب وفي يوم روح البيت وكانت سلمي 
قاعده وقالها
احمد _ سلمي ليكي عندي خبر حلو 
المشاكل اللي كانت علي الارض 
اتحلت وجاي ليها فيها الضعف
سلمي _ الف الف مبروك يا حبيبي 
وانت ناوي تعمل اي في موضوع الدهب
احمد _ دهب اي ما خلاص. بقي 
انا حليت المشكله خلاص
سلمي _ واختك متعرفش أن المشكله اتحلت 
اسمع انت روح واتكلم معاها وقولها علشان 
احنا اخوات هاخد منك 100 الف بس
احمد _ سلمي انا ربنا كرمني ومش محتاج 
فلوس خلاص
سلمي _ وانا مش هسيب اختك تتمتع 
بالفلوس دي والباب خپط وفتح احمد
منال _  شكلك اتغير اوي يا احمد هو انت 
عارف انا بقالي قد اي مش شوفتك

احمد _ منال تعالي ادخلي وبعدها دخلت
سلمي _ ازيك يا منال تعالي اقعدي والله 
كنت لسه بتكلم مع احمد وقولت ليه 
دي برضه اختك مينفعش تعمل معاها كده
منال _ والله فيكي الخير يا سلمي
سلمي _ بس هو من حقه برضه في الفلوس 
اسمعي لا ستي ادينا 100 بس وعوضنا 
علي الله في الباقي
منال _ هو انت مقولتش لمراتك أن مشاكل 
الارض اتحلت وجالك فيها أضعاف مضعفه
احمد _ اي الكلام ده هو انتي عرفتي الكلام 
ده منين
سلمي _ علشان تصدقني أن اختك مراقبه 
حياتنا
منال _ هراقب حياتك ليه كل الموضوع 
ان خليت خطيب بنتي ميرا يخلصك