مرات ابني العقريه_بقلم هويدا زغلول

مراد
انا ما ليش اخوات دي جايه تخرب عليا وتوقع بينك وبين مراتي اللي شيلاكي فوق راسها..

نيره
لا يا مراد معلش بس ما تدخلنيش انا في مشاكلكم دي، احسن ماما تقول اني انا السبب ووقعت بين عيالها..

الحما بدموع 
لا مش هقول كل حاجه باينه وربنا شايف مين الظالم والمظلوم..

بصيت ليها بخبث وقولت
بالظبط كده يا ماما، هروح اجهز ليكم الغدا عشان علاجك يا حبيبتي..

_وبعد كام يوم كنت قاعده مع مراد وقولت لسه وانا فرحانه..

نيره 
عندي ليك خبر هيفرحك اووي يا حبيبي..

مراد 
قولي يا نيره احسن الواحد اليومين دول بقي عايش في نكد بس بسبب زعل ماما اللي خلاها تتعب اكتر..

نيره
انا حامل في شهرين وان شاء الله المره دي يبقي ولد..

مراد 
بجد يا حبيبتي ولد او بنت اللي يجيبه ربنا كويس يا قلبي..

نيره 
بس معلش لو جيت بعد كده ولقيت ماما بتساعدني في حاجه سايقه عليك النبي ما تزعل وانا هحاول اريحها برضو علي قد ما اقدر..

مراد 
لا يا حبيبتي انا واثق فيكي انك هتريحيها خالص، بس قولي ليا هي حماتي مش بتيجي عندنا ليه؟..

نيره 
والله انا ما كنتش عايزه اقولك بس...

مراد 
اتكلمي يا نيره حصل ايه بس..

نيره 
هي مره جات عندي وكانت اسماء اختك هنا الكلام ده من فتره، وفضلت تشتكي لماما وتقولها اني بتعب مامتك وبخليها تعمل كل حاجه وماما مدت يدها عليا وحلفت اني ما اكلمهاش تاني..

مراد 
منك لله يا اسماء انا مش عارف هي جايبه الشر ده كله منين..

نيره 
معذوره يا حبيبي دي عينها ڈم .ا علي عيشتنو اكمن جوزها علي قده..

مراد 
ما تزعليش يا نيره وانا بكره هروح لطنط واصالحها، وافهما الموضوع..

_خوفت ليعرف الحقيقه وان اخته ما شافتش  انس اصلا وان ماما زعلانه عشان اللي عملته في حماتي، وقولت ليه بسرعه..

نيره 
لا لا يا حبيبي انا هروح ليها واصالحها، بلاش انت تدخل عشان النوضوع ما يكبرش، انا ما رضيتش اقولك من الاول قولت دي مشاكل ستات ونحلها سوا مع بعض..
مراد
ربنا يخليكي ليا يا جدعه يا بنت الاصول..