بنت الاكابر في مدرسه حكومي بقلم هويدا زغلول

قالتلي حطي سلسله في شنطتي انا حطيتها بالغلط في شنطه اميره
اميره _ حرام عليكي يا شيخه اللي عملتي 
فيا ده عملت فيكي اي علشان تعملي فيا 
كده
سالي _ ماقولتك سوري بقي مش عايزه 
كلام كتير اقدر امشي يا ابله
سوزان _ هانت يا سالي كلها كام شهر وهنرتاح منك من المدرسه هنا خالص
سالي _ مش عايزه اقولك ان حضرتك هتوحشيني قوي قوي هبقى اجي اسلم عليكي باي
وبعدها خرجت وروحت اميره البيت لقت مامتها 
خارجه
اميره _ ايه ده يا حبيبتي انتي رايحه فين
الام _ روحي يا حبيبتي على الفرشه بتاعتي انت عارفه ان اخواتك مش بيعرفوا يبيعوا لوحدهم
اميره _ خليكي انتي حبيبتي اعملي الاكل وانا هروح انا اقعد مكانك
الام _ ربنا يخليكي ليا يا اميره وما يحرمني منك ابدا أنا عارفه انك زهقتي من الاكل ده بس انا 
ناويه اعمل بطاطس محمره وجبنه قديمه 
عالاكل انهارده اصل مبعتش حاجه انهارده
اميره _ الله ده احلي اكل انا بحبه ربنا يخليكي ليا 
يا ماما حتي لو كنتي بعتي كنت هقولك تعملي 
نفس الاكل
الام _ ربنا يكرمك يا اميره ويخليكي ليا
اميره _ انا هروح علي الفرشه واكيد هبيع انهارده 
بمبلغ كويس سلام يا ماما وبعدها راحت علي الفرشه
وفي فيلا سالي دخلت نانسي صحبتها اوضتها 
وسالي كانت قاعده وقدامها الاب توب وقالت
سالي _ في حد يدخل بالطريقه دي يا بنتي ايه مش تخبطي الاول مال شكلك عامل ليه كده
فرحانه ليه كده
نانسي _ عندي ليكي خبر تحفه بازازه برفان اورجينال
سالي _ والله على حسب الخبر انا عارفه اخبارك بقت بايته خالص يعني
نانسي _ طيب بوصي الصور دي وبعدين اتكلمي دي اميره قاعده على فرشه بتبيع اقمشاط وتوك وحاجات زي كده وما سالت عرفت ان مامتها هي اللي بتشتغل في الحاجات دي
سالي _ معقوله طيب وهي فين ساكنه فين يعني
نانسي _ لا مش هرد عليكي قبل ما اخد ازازه البرفان الاول عشان انا عارفاكي هتاخدي مني معلومه كلها ومش هتديني حاجه
سالي _ خدي اللي انتي عايزاه من عندك بس ابعتلي الصور دي دلوقتي حالا وقوليلي فين المنطقه وبعتت حد يشتري الحجات كلها 
من علي العربيه وروحت اميره امها كانت 
قاعده في الصاله وقالت
الام _ايه يا اميره حبيبتي رجعتي بدري ليه كده روحي بس شويه وانا هاجيلك على طول انا خلصت الاكل خلاص اهو
اميره _ ليكي عندي مفاجاه العربيه كلها اتباعت انا مش قادره اصدق والله واحد جاي واشتغل مني الحاجات كلها
الام _ يا ما انت كريم يا رب شوفتي يا بنتي وشك حلو عليا ازاي ده انا من الصبح مبعتش حاجه وعماله ادعي ربنا انك تبيعي
اميره _ حبيبتي يا ماما انا عارفه ان دعواتك مستجابه انا هدخل اذاكر بقى شويه علشان برده ورايا امتحان بكره
الام _ اميره هو انتي في حاجه مضايقاكي شكلك متغير كده يا حبيبتي فيكي ايه
اميره _ ابدا يا ماما انتي عارفه بس الامتحانات والمذاكره وكده ڠصب عني يعني ادعيلي
وبعدها دخلت وتاني يوم راحت سالي واميره 
المدرسه
سالي _ بسرعه كده يا بنات قبل ما الابله تيجي انا عايزه اوزع عليكم هدايا تحفه جدا وعايزه اطلب منكم طلب كمان وبعدها طلعت التوك وفرقت على البنات كلها واميره فضلت تبص للتوك ومستغربه جدا
نانسي _ اي التوك دي يا سالي مش من مستواكي يعني انا افتكرت هتوزعي علينا هدايا اغلى من كده
سالي _ معلش يا نانسي والله اصل دي من على العربيه يا عيني ست غلبانه جدا 
قولت اقولكم مكانها يمكن