جارتي _كامله _بقلم هويدا زغلول
قالت
ياسمين
معلش بعد اذنك ي حماتي هدخل ارد علي
اماني اختي جوا
الحما
ومن جوا ليه ي خالتي بتقولوا الاسرار
ولا اي مش بقيت مرتاحه ليكي
ي ياسمين
ياسمين
الله هو فيه اي ي حماتي مالك عادي
عايزه اتفك مع اختي بكلمتين حرام ولا حرام
وبعدها مشيت من قدامها
اتصلت با اختها اماني وقالت لها
فيه ايه يا اماني عماله ترني ترني وانا كنت قاعدة مع حماتي ومش عارفة ارد عليكي هو ايه يابنتي
اماني
انا بتصل عشان أسألك مفيش جديد في موضوع أحمد هو مش ناوي يرجع برضو انا نفسي اشوفه اوي ياياسمين ده وحشني
ياسمين
لا مفيش اخبار وشكله كده عجبته القاعده مع اللي متتسماش اديني بحاول املي دماغ حماتي من ناحيتها عشان تروح تجيبه بس هي بتتصل بيه علطول وهو بقا متمسك بالهانم
نفسي اعرف عجبة فيها ايه يا ياسمين ده احلى منها بكتير اوي ياناااس
ياسمين
هي اكيد زي ما انا قولت لحماتي انها عامله عمل لأحمد عشان تربطة جنبها البت دي مش سهلة ابدا
اماني
طيب ما كده لازم نثبت لحماتي انها فعلا عملاله عمل بس هنثبتها ازاى دي بقا
ياسمين
مش عارفة وبعدين انا كنت بخمن يابنتي اصلا انما مش عارفه هي فعلا كده ولا لا على العموم كله هيبان
سهير
انبسطي دلوقتي لما جوزي مشي وساب لي البيت بسببك يعني انتي خربتي بيتي بس والله انا مش هاسيبك وهتشوفي مني اسود ايام حياتك وهخرب بيتك اصبري
ليلي
ربنا يهديكي والله بعد اللي عملتي
معايا كمان انتي اللي بتقولي كده
سهير
عنها حاجه جايه تتكلم معايا
ليلي
والله قله الكلام معاكي احسن وبعدها
سبتها وطلعت شقتي ومحتطش كلامها في دماغي وقولت دي اكيد بتخرف ورجع أحمد واول
لما دخل الشقه قالي
احمد
ليلى حبيبتى انا خلاص حجزت موعد عند الدكتور عشان نروح له زي ماتفقت معاكي وفي الوقت ده
كنت قاعده سرحانة في كلام سهير لقيته بيقولي
احمد
ليلى ليلي انتي سرحانة في ايه
ليلى
هااه انت بتكلمني يا أحمد بتقول حاجة ياحبيبي
أحمد
بقولك حجزت عند الدكتور
ليلى
دكتور ايه ده يا أحمد
أحمد
لااا انتي مش معايا خالص يا ليلي هو احنا مش كنا متفقين اننا نروح للدكتور عشان نشوف موضوع الحمل اتأخر ليه لحد دلوقتي
ليلى
اااه صح معلش ياحبيبي اصل انشغلت في الشغل جامد ونسيت خالص طيب هو انت حجزت عند الدكتور على امتى كده
اداني موعد عشان نروح له بكرة ان شاء الله لما نرجع من الشغل نبقا نروح بقا
ليلى
تمام ياحبيبي انا ااا هدخل احضر لك الغدا زمانك جعان
أحمد استغرب من شكلي وقال هي مالها دي
واتصل بامه عشان يقولها اننا هانروح للدكتور
الحما
ايوه ياحبيبي يعني انت خلاص حجزت عند الدكتور وهتروحو بكره طيب اجي معاكم بقا عشان اشوف الدكتور هيقولكم ايه
أحمد
لا يا أمي متتعبيش نفسك خليكي انتي مش قادرة احنا هنروح نكشف وبعدين ابقى اكلمك اطمنك انتي بس ادعي لنا
الام
انا بدعي لك يا ابني علطول ولا اني مكنتش عايزاك تخلف من الزفته دي واجوزك واحده على مزاجي بس اقول ايه بقا ماسك فيها مش عارفة على ايه
أحمد
تاني يا أمي الكلام ده ما قولت لك قبل انا مش هقدر استغني عن ليلى دي حبي الوحيد على العموم انا هبقا اكلمك تاني ياحبيبتي يلا مع السلامه
وقفل مع مامته وقالي
مالك يا ليلي شكلك كده مش عجبني خالص هو في حاجة حصلت ولا ايه
ليلى بارتباك
هااه لا ياحبيبي مفيش حاجة حصلت ايه اللي هيحصل يعنى عشان تقول كده انا بس راجعة من الشغل مصدعه ومش شايفه انا
