بعد مۏت الاب بقلم هويدا زغلول
اي حاجة بتحصل بيني وبين موكليني بتبقا أسرار واظن انا مش هينفع افشي أسرار موكليني صح ولا ايه
نوال. بنفاذ صبر
امممم طيب عايز كام يامتر وتقولي على أسرار موكلك مصطفى
سامي
انا مش هينفع ابيع زمتي وضميري يامدام اصل ضميري ده غالي اوي ولا يقدر بتمن نورتي يانوال هانم وعلى فكرة الزيارة دي طبعا هتكون هي كمان سر بيني وبينك نورتي
نوال
ماشي يا استاذ سامي براحتك بس لو عايز تلعب معايا انا بحب اللعب اووي على فكرة وانا ماشية ومن غير سلام
ورجعت البيت وقاعده مع ابنها وعماله تقول
اااخ يناري اااخ بقا حته محامي عرة زي ده مش عارفه اطلع منه بمعلومة خالص انا هتجنن ياواد
ماتهدي ياماما بقا مابكرة الراجل لما يروح هنعرف هو سايب ايه وكاتب ايه ولمين من غير اللي انتي بتعمليه في نفسك ده
نوال
اسكت اصلك انت مش عارف حاجة خالص ده ممكن مصطفى يكتب كل حاجة للمفعوصة بنته ويطلعنا انا وانت من المولد بلا حمص
سامح
حمص ايه وحلاوة ايه بس انتي عايزة ايه بس ياماما
نوال
انا عايزة كل الخير ده يبقا ليك انت ياواد انت سندي وضهري في الدنيا دي ولازم كل حاجة تبقا ليك وبس افهمني
سامح
ودي هتعمليها ازاى بقا افهم انا
نوال
هعملها وهاتشوف ان كل العز ده مبقاش ليا انا وانت مبقاش انا نوال
وفي نور يوم اتاخرت في المدرسه ورجعت سامح قالها
ايه ياهانم كل ده في المدرسه اتاخرتي ليه كده يابت كنتي فين لحد دلوقتي
نور
هاكون كنت فين يعني كنت في المدرسة ياسامح وبعدين السواق هو اللي اتأخر عليا على ماجالي بالعربيه اعمل اي يعني
سامح
انتي بتردي عليا كده ليه ردي عدل بدل ماجيبك من شعرك
نور
انا معملتش حاجة عشان تقولي اجيبك من شعرك وبعدين لو مبطلتش اللي بتعمله معايا انا هشتكي لبابا منك واقوله على عمايلك فيا
نوال
جرا ايه يابت في ايه سامح يعتبر اخوكي وخاېف عليكي ومن حقه يحاسبك ولا انتي عايزة تدوري على حل شعرك لا اسمعي اوعي
