العنيده وعمده الصعيد الجزء التامنه والعشرين بقلم هويدا زغلول

الشركه ده انا هخرجك من البلد كلها انت شكلك ما تعاملتش مع صعايده قبل كده وما تعرفش طبعنا انا عامل ازاي عيب لما تعاكس واحده قد بنتك
مدحت
انت معك حق انا اسف مش هتتكرر تاني خلينا نكمل شغلنا
عامر
اتفضل خلينا نمضي العقود دي عشان نخلص وما نشوفش خلقتك ثاني
وفعلا قعدوا يكملوا الشغل وفاطمه كانت في اوضتها
فاطمه
معقول بيغير عليا نظراته كانت كلها غيره انت بتقولي ايه يا فاطمه انت نسيتي انت مين وهو مين انت يا دوب حته سكرتيره عنده لكن هو حفيد صاحب الشركه يعني صاحب الشركه في المستقبل هيبص لك انت هو بس اللي عنده نخوه وشهامه زياده عن اللزوم ما تحلميش حلم انت مش قده
فضلت فاطمه تكلم نفسها
في بيت القناوي الباب خبط وفتحت الشغاله
ودخلت واحده من غير اي استئذان وبتزعق وبتقول
انت وديت ولدي فين يا قناوي بعثته عني فين بتحاول تكره فيا
القناوي
ازاي تسمحي لنفسك تدخلي بالطريقه دي وبعدين عامر مسافر في شغل انت عايزاه يقعد جنبك زي الولايه ولا ايه وتفضلي امشي من هنا وما تجيش ثاني
امال
ارتحت لما كل شويه تقعد تكرهوا فيا يا قناوي وعايز تجوزه على مزاجك وتشكله على مزاجك زي ما كنت بتعمل مع ابوها
القناوي
انا ما كرهتكيش فيه يا امل انت اللي بتصرفاتك كرهتيه فيكي مش ابنك مش ناسي لك اللي انت عملتيه زمان
امال
ليه هو انا عملت حاجه حرام ولا خلفت شرع ربنا ده حلال اتجوزت اجرمت يعني انت اللي فضلت تفهمه ان اللي عملته ده زي چريمه بالظبط لغايه ما ابني شايل مني وبيكرهني
القناوي
ربنا يعلم ان عمري ما کرهت عامر فيكي ولا قلت له عنك حاجه وحشه ابنك لما سبتيه كان كبير مش صغير وفاهم كل حاجه فاهم امي سابته بعد ما ابو راح بكم شهر علشان خاطر تتجوز وتخلف وتعيش حياه ثانيه بعيد عنه وجايه بعد 18 سنه عايزه ترجع الود بينكم
امال
انا كنت مسافره مع جوزي ما عرفتش اجي اشوفه ڠصب عني ولما رجعت من السفر جيت علشان اقرب مني ويعيش معايا بس هو اللي رفض
القناوي
يعيش معاكي وهو راجل وانت سبتيه وهو عيل صغير عنده 10 سنين عايزه تاخديه عيش معاكي وهو راجل داخل على 30 انت بتضحكي على نفسك ولا عليا في امال انت بعت ولدك علشان خاطر الفلوس ولسه لغايه دلوقتي طماعه وعايزه تقربي منه بعد ما جوزك خسر كل فلوسه في السعوديه وراجع معهوش جنيه وبقى عامر دلوقتي الحلو والبنك اللي هيصرف عليك وعليه مش ده اللي انت عايزاه
امال
حرام عليك انت بتظلمني ليه انا ما بفكرش كده طبعا انا اه جوزي خسر كل حاجه بس انا ولا مره طلبت من عامر ولا قرش
القناوي
بس كنت عايزه اتجوزي فرحه علشان فرحه حبيبه قلبك وهتقدري
تخليها تاخد من ابنك علشان تديكي مش انت هتجوزيها ابنك بس سمعت ان هي هيتكتب كتابها على سعيد وانا فرحت جدا علشان عامر اصلا ما بيطيقهاش وهتبعد عنه خالص
امال
طبعا ما هي فقدت الامل ان البيه يتجوزها علشان خاطر انت مش موافق البنت عايزها تعنس جنبنا شافت مصلحتها فين وعملتها اما بالنسبه للفلوس انا مش طماعه ولا بفكر في فلوس ولا حاجه انا اللي يهمني ابني يا قناوي