العنيده وعمده الصعيد الجزء التاسع عشر بقلم هويدا زغلول

انا يعني لو معايا حاجه هعزها عليك
احمد
ياما مش عليا الكلام ده انا عارف ومتاكد انك معاكي فلوس ده انت طول عمرك بتشيلي تحت البلاطه علشان خاطري ياما ساعديني وانا هديهم لك واحط لك الفوائد بتاعتهم كمان
صفيه
يا ولا هو انت ما بتصدقش غير نفسك انا بقول لك معيش فلوس انت ناسي ان انا مجهزه اختك بشيء وشويات اقول لك يا واد يا احمد
احمد
قولي ياما هتديهمني
صفيه
لا طبعا لاني قلت لك معيش يا ولا اسمعني كويس انت تروح دلوقتي لمراتك وتحاول تراضيها وتصالحها وطبعا هي بتحبك وهتسامحك على كل اللي عملته وبما ان مراتك الثانيه غدرت بيك طلقها ولما تولد ابقى خد ابنك
احمد
رضوى استحاله ترجع لي بعد اللي حصل يا امي رضوى كرامتها غاليه عندها ومش هتقبل باعتذاري ولا غيره وهتعرف اني راجع لها علشان خاطر برده الفلوس
صفيه
لا هترجع لك اقعد بس انت تمسكن وقول لها عشان البنات ومش البنات واقول لها انك طلعت البنت ديت وانها طلعت ما تستاهلش وانك عرفت قيمتها كويس قوي واللي حصل ده مش هيتكرر تاني وهي هتسامحك دي بت عبيطه وبتحبك
احمد
انت شايفه كده ياما يعني اروح لها
صفيه
طبعا تروح لها امال ايه بس خليك يعني ايه مقنع كده وانت بتتكلم علشان خاطر تسامحك
احمد
حاضر يا امي يا رب تسامحني بقى مش معقول كل اللي عملته في السنين اللي فاتت دي يروح هدر كده وانا متاكد ان حتى لو هي عايزه تسامحني اهلها مش هيوافقوا ومش هيساعدوني
صفيه
يا اخويا ما تفترضش الۏحش تفائل وان شاء الله هتوافق ومش هيسيبوا بنتهم عايشه هي وبناتها في الفقر علشان جوزها معهوش فلوس
احمد
طيب ياما تيجي معايا وانت لو لقيتيني بلبخ في حاجه اتكلمي مكاني يمكن قلبهم يحن عليا ولا حاجه
صفيه
ايه يا احمد مش هعرف اجي بصراحه انت عارف ما حدش من اهل مراتك بيطيقني ولا مراتك ذات نفسها علشان كده انا مش هاجي وبعدين انا هرجع شقتي كفايه المشاكل اللي حصلت بسببي وانا هنا
احمد
يعني انت تخربيها على دماغي يا امي وبعدين تقولي لي هرجع على