العنيده وعمده الصعيد الجزء التاسع عشر بقلم هويدا زغلول

يا دياب انا اسفه لو كنت كذبت عليك بس صدقني خفت اقول لك اللي مازن عمله في الشركه تتخانق معاه ولا حاجه
دياب
مش انا اللي احط واحد زي ده في دماغي
بسنت
طيب هتبدا فيها من امتى بما انك مش هتشتري انت اكيد عارف ان انا لو ما دفعتش الفلوس هيعلنوا الشركه في مزاد
دياب
انا هقدم للبنوك طلب تاجيل الدفع وان شاء الله يوافقوا
بسنت
ان شاء الله يا حبيبي انت رايح الشركه ينفع اجي معاك بدل قعدتي لوحدي كده وما حدش طايقني في البيت
دياب
ما تقوليش كده يا بسنت تقدري تيجي معايا في اي وقت تعالي
بسنت
ميرسي يا حبيبي يلا بينا
في المزرعه كانت قاعده شمس وبتفتكر لما سلطان واهله جوم يتقدموا لها
فلاش باك
القناوي
نورتونا يا جماعه والله
سالم
البيت منور باصحابه يا اخوي شوف يا قناوي بيه انا مش هفضل اقول في مقدمات كثير انا جاي النهارده وجاي اطلب ايد حفيدتك لابني سلطان وشرف لينا اننا الناس الناس زيكم
قناوي
والله انا ما عنديش اعتراض والقرار قرار شمس وانا اتكلمت معاها وهي موافقه ان يبقى في فتره خطوبه ويتعرفوا على بعض
سالم
خلاص بما اننا موافقين نقرا الفاتحه ونتفق على كل حاجه واحنا مش هنختلف على حاجه باذن الله
القناوي
ماشي يا سالم نقرا الفاتحه
وقراوا الفاتحه كلهم ودياب قال
لو فكرت تتعرض لها ولا تعمل لها اي حاجه انا اللي هقف لك انت سامع يا سلطان
سلطان
ايه الاسلوب ده يا دياب على العموم انا مش ماشي بضايق في خلق الله انا اللي حصل كانت وزت شيطان وما تكررتش تاني ما فيش داعي نفتح في القديم
القناوي
خلاص يا دياب انا واثق في سلطان وعارف انه هيصونها وهيحطها في عينيه يلا تعالوا نقعد في الجنينه ونسيب العرسان يتكلموا مع بعض شويه
كلهم قاموا خرجوا الجنينه وسلطان قال لي شمس
كيفك يا شمس من ساعه ما جيت وانت ما فتحتيش خشمك بكلمه ليه
شمس
هتكلم اقول ايه يا سلطان لما بلاقي في حاجه تستدعي ان اتكلم بتكلم
سلطان
بس انا مش عايزك كده انا هعديها المره دي المره الجايه طول ما احنا سوا تتكلمي معايا على طول امال