العنيده وعمده الصعيد الجزء الثامن عشر بقلم هويدا زغلول

اللي هتتصلي بيه عليا ما عرفتيش اديها للاستقبال وهم هيتصلوا لك عليا
فاطمه
حاضر يا عامر بيه ما تقلقش انا المكان اللي ما اعرفوش ما بخرجش في حته
فضلوا الاتنين يتكلموا في الشغل
في بيت عايده
عايده
يعني ايه يا احمد خسړت كل حاجه وانا ابني اللي في بطني ده هاكله طوب ما انا كنت صابره و ساكته ومستحمله ايه اللي يخليك تقول
احمد
يا عايده قلت لك مش انا اللي قلت امي اللي قالت وما كنتش متوقع ان دياب والقناوي يعملوا فيا كده انا فجاه رحت الشركه لقيت الاسهم كلها واقعه انا مش عارف اعمل ايه انا محتاجك تساعديني يا عايده
عايده
وانا اساعدك ازاي بقى ان شاء الله اجي اشتغل مكانك ولا اروح اترجعهم واقول لهم معلش سامحوا جوزي علشان اتجوز على بنتكم رضوى حاولت تكلمني كم مره وانا ما بردش وجت وخبطت هنا وقلت لجارتي قول لها ان انا مش موجوده ما ليش عين ابصلها وسيادتك جاي تقول لي بكل برود ما عادش حيلتي حاجه
احمد
هتساعديني انك تديني الذهب اللي جبته لك على الذهب اللي انت لابساه وابدا من ثاني عايده انا عارف انك بنت اصول وهتساعديني وهتقفي جنبي في المحنه دي لغايه ما اعديها هتديهمني صح
عايده
اديك انت مچنون ولا ايه لا طبعا مش هديك حاجه بلا بنت اصول بلا هم دول يا حبيبي اللي حلتي اديهم لك تبدا من شغلك وتخلع ولا تتجوز عليا واحده ثانيه بفلوسي لا يا بابا روح خلي امك اللي وقعتك في البلوه دي هي اللي تشيلك منها
احمد
انت بتتخلى عني عايده ما انا فضلتك على مراتي واتجوزتك وفي الاخر بتبيعيني
عايده
والله يا حبيبي ما حدش اهلك اتجوزني وما حدش قال لك خون مراتك معايا واتجوز عليها بس هنقول ايه عينيك فارغه ويكون في معلومك مصاريفي ومصاريف ابني نجيبها لي لغايه عندي انا ما ليش دعوه بظروفك
احمد
وانا هجيب لك منين بقى ان شاء الله انزل اشحت
عايده
كل ده ما يخصنيش تشحت تسرق كل ده من اللي ما يخصنيش كل اللي يخصني اكل وشربي ولبسي وكل اللي