العنيده وعمده الصعيد الجزء الثالث عشر بقلم هويدا زغلول

يا دكتوره شمس
شمس شافت الرساله وكانت لسه بټعيط على دياب شمس افتكرت انه قال لها ما تتكلمش مع سلطان وبعتت لسلطان
لسلطان وقالت
انا بخير ازيك انت ازيك احوالك
سلطان
انا بخير يا ست البنات كنت عايزه اسالك انت جايه بكره ولا لا انت يعني والجماعه
شمس
مش عارفه بصراحه جدي ما فتحنيش في اي موضوع علشان كده ما اقدرش اقول لك جايين ولا لا
سلطان
احنا جهزنا كل حاجه عشان خاطركم مش هتكسفونا وما تجوش ده احنا هنستناكم
شمس
صدقني انا لسه مش عارفه بس جدي اكيد لو جاي هيقول لي الصوت تعب النهارده شويه ونايم من ساعتها
سلطان
الف سلامه عليه ايه اللي حصل له
شمس
الضغط ارتفع شويه ومن ساعتها خد الدواء الضغط وانا ما عارفاش هيجي بكره ولا لا
سلطان
بصراحه كان نفسي اشوفك بكره ونتكلم سوا
شمس
نتكلم في ايه مش فاهمه ممكن توضح لي اكتر
سلطان
سيبي كل حاجه بقى وانا اكيد هقول لك على كل حاجه يا شمس
شمس
زي ما انت عايز السلطان بعد اذنك انا هقفل علشان محتاج انام شويه تصبح على خير
سلطان
وانت من اهل الخير يا شمس
قفل السلطان مع شمس وقال
تصبحي على خير يا قلب سلطان
في بيت رضوى كانت حماتها قاعده بتقول
يا عيني عليك يا ابني وعلى ميله بختك
رضوى سكتت وما ردتش عليها وصفيه قالت
ما كنتيش قادره تجيبي له حته عيل يفرح بيه بدل خلفه البنات دي ده حتى بيقولوا يا جايبه البنات يا شايله الهم للممات ما تروحي يا بنت اكشفي وشوفي لك صرفه وخلفي ولد
رضوى
ايه يا حماتي هنكفر بالله كمان هو دي حاجه بايدي ولا ايه دي حاجه بتاعه ربنا ولد بنت هو اللي بيخلقها انا ما ليش ذنب في حاجه وبعدين انا واحده مخلفه بدل البنت اثنين يعني ما عنديش مشاكل في الخلفه
صفيه
لا طبعا عندك مشاكل ومشاكل كبيره قوي الست اللي ما تخلفش راجل ما تبقاش ست
رضوى
امال تبقى ايه راجل يا حماتي اعقلي كلامك والنبي علشان ما بقتش ناقصه
صفيه
لا يا حبيبتي تبقى ارض بور زيها زي اللي ما بيخلفوش بالظبط عرفت بيبقوا ايه انا مش هيهدى لي بال غير لما احمد يجيب لي ولد وانت يا حبيبتي لو مش قادره تشيلي الواد غيرك يقدر
رضوى
تقصدي ايه بالكلام ده انت وصلت بيكي للدرجه دي عايزه تجوزيه عليا انت ايه يا ست انت ما تحلي عننا وتسيبينا في حالنا بقى
صفيه
واه واه فيها مالك وبعدين ايه يعني اما يتجوز الشارع محلل له اربعه وبدام انت عرض بورنو مش بتاعه خلفه نتجوز واحده بتعرف تخلف الولاد علشان يشيل اسم ابوه ويبقى سنده وظهره لما يكبر
رضوى
انت شكلك اټجننت بعقلك مش رضوى القناوي اللي جوزها يتجوز عليها ده انا اخرب بيتك وبيته
ما عندناش حد يا حبيبتي يتجوز على بنات العيله القناوي وابنك قبل ما يجي يتجوزني