العنيده وعمده الصعيد الجزء الحادي عشر بقلم هويدا زغلول

جدي تتكلم على امه بالمنظر ده من حقه يزعل دي مهما كانت امه
القناوي
والله يا ولدي ما كنت اقصد هي طلعت منك فجاه كده كله من الملعونه اللي اسمها فرحه دي لو تسيبنا في حالنا بدل ۏجع القلب اللي هي عاملاه ليه ولينا انا هطلع وهطايب خاطره
شمس
ده احسن يا جدي ويجيبوا كمان يتغدى حرام يبقى جاي من الشغل تعبان وكمان ما ياكلش
القناوي
حاضر يا بتي انا طالع له بالاذن يا ولاد
القناوي طلع لعامر ودياب قال لشمس
وانت مالك خاېفه عليه كده ليه
شمس
من الطبيعي اني اخاڤ عليه مش ابن عمي
دياب
لا مش من الطبيعي انك تخافي عليه طبعا
شمس
انت شايف ان اسئلتك وتصرفاتك دي تعاملات واحد مع اخته خاېفه عليه ومش لازم تخافي عليه وكنت فين مش واخد بالك من تصرفاتك
دياب
الحق عليا ان انا خاېف عليك يا شمس ومش عايز حاجه تضرك
شمس
لا ما تخافش يا دياب انا الحمد لله كويسه وما فيش حاجه تقدر تضريني طول ما جدي الحمد لله ربنا يطول في عمره موجود
دياب
طيب يا شمس انا رفضت الصفقه اللي قلت لك عليها
شمس
وهو رد فعله كان ايه
دياب
هو قال لي انه هيتصل عليا تاني وهيتفق معايا ما اعرفش هيتفق معايا على ايه بس اديني مستني مكالمته
شمس
ربنا معاك انا هروح اساعد نعمه في تحضير الغداء
في غرفه عامر
القناوي
حقك عليا يا ولدي انا عارف اني زعلتك من غير ما اقصد بس انت خابر اني ما اقصدش مش كده
عامر
ما فيش حاجه يا جدي انك ما تقصدش حاجه وحشه وبعدين انت ما قلتش حاجه غلط عليها بالعكس
القناوي
ايا كان صح غلط دي مهما كانت امك وما تحبش ان حد يتكلم عليها عفش قدامك ولا حتى من وراك يا عامر
عامر
هتصدقني يا جدي لو قلت لك اني كان نفسي في ام ثانيه غير دي امي تحس بيا وتفهمني مش بعد ما ابويا يروح تتجوز واحد غيره بعد العده على طول وترمي ابنها وكل حاجه وراها ولسه جايه بعد ما ابنها تخرج من كليته واشتغل تقول لك عايزه اشوفك كانت فين المده دي كلها
القناوي
معلش يا ولدي العيب مش عليك العيب كان في اختيار ولدي انا ياما حذرته وقلت له بلاش دي
لكن هو اللي نشف دماغه وما رضيش الحمد لله على كل حاجه ده نصيب وقدر يا ابني
عامر
معك حق يا جدي كله نصيب وقدر وما حدش بيعرف يفلت منه
القناوي
احنا مش هنقلبها دراما هنا يا عامر يلا تعال علشان الغداء جهز ومش هحط لقمه في تمي غير لما تنزل تاكل معايا
عامر
وانا مش هكسر لك كلمتك يا جدي يلا بينا
في بيت رضوى كانت حماتها موجوده
صفيه
ما تسهلي يا رضوى ايه كل ده بتنظفي يا اختي
رضوى
انا مش فاهمه انت بتخليني انظف البيت ليه يا حماتي ما البيت نضيف اهو ولا