العنيده وعمده الصعيد الجزء العاشر بقلم هويدا زغلول

فاطمه يا دياب
دياب
قلت لك مش عايز اعرف يلا مش كنت مستعجله وعندك مشاوير مع السلامه
شمس
طيب يا دياب انا غلطانه اني بقول لك حاجه
مشيه شمس ودياب قاعد على المكتب وقال
ايه بس اللي ظهرك تاني يا بسنت انا كنت ما صدقت انا حاولت اتخطاك رجع قلبي يدق تاني وانا مش عايز ده ابدا انت مهما كانت واحده متجوزه
في بيت فاطمه كان الباب بيخبط فتحت لقيت علي قدامها
فاطمه
انت ايه اللي جابك هنا هو انت ايه يا اخي ما بتزهقش
علي
لا ما بزهقش يا بنت عمي ويكون في معلومك ان انا مش هسيبك ثاني وهتجوزك ڠصب عنك وعن اللي اتشدت لك انت فاهمه لو كنت سبتك زمان ده كان ڠصب عني عشان خاطر الحبس لكن انا مش ناوي اسيبك تاني ومش همشي من المنيا غير وانت معايا
فاطمه
انت انسان ما عندكش ريحه الكرام عايز تتجوز واحده مش طايقاك لو عندك كرامه تبعد عني وعن حياتي خالص انت لو اخر راجل في الدنيا مش هتجوزك اتفضل امشي من هنا بدل ما اطلب لك البوليس
علي
البوليس مره واحده والله عيب عليك يا بنت عمي ما خبراش اني ما بخافش من حد لا بوليس ولا غيره شوف اما اقول لك انا ورايا سبوبه هخلصها وهاجي لك على اخر الاسبوع الجاي ويوميها يا حلوه هيبقى كاتب كتابي انا وانت وريني بقى هترفضي ازاي
قال علي كلامه ومشي وفاطمه قفلت الباب بعصبيه وقالت
مش هكون موجوده يا علي هسيب البلد وهطفش بسببك
الباب خبط تاني وفاطمه فتحت وزعقت وقالت
مش قلت اللي عندك اتفضل شمس تعالي
شمس
مالك يا فاطمه كنت خارجه تزعقي لمين
فاطمه حكيت لها كل حاجه
شمس
ده اللي انا قلته يا فاطمه لازم تسيبي البلد والسفريه دي جات لك من السما ربنا عالم بحالك يا ستي
فاطمه
هو انا يعني شمس عايش هناك باقي حياتي ما انا هاجي هنا تاني وهيتعرض لي ثاني وساعتها مش عارفه هعمل ايه
شمس
كل خير يا حبيبتي انا هقول لك تعملي ايه لو فكر يتعرض لك تاني هتطلع على القسم وتعملي له محضر عدم تعرض وتقولي انه بيهددك طول الوقت وبيجي يزعجك في بيتك هيقبضوا عليه وساعتها مش هيقرب منك تاني
فاطمه
انت مفكره يا حبيبتي ان هو هيخاف من الحكومه ده رد سجون مش فارق معاه بالعكس يقول لك انا بتحبس باكل وبشرب وبنام ببلاش
شمس
للدرجه دي قلت لك اخلي دياب يتصرف او عامر هم يقدروا يبعدوا عنك خالص
فاطمه
انا مش عايزه مشاكل يا شمس قلت لك قبل كده المهم قولي لي عملت ايه مع دياب
شمس
هحكي لك على خيبتي
شمس حكيت لها كل اللي حصل معاها مع دياب وفاطمه قالت
ما تزعليش نفسك يا شمس هو يمكن كان عايز يبين لها ان هو تخطاها ومش متاثر بيها لان دي خلاص