العنيده وعمده الصعيد الجزء التاسع بقلم هويدا زغلول

يا حبيبتي انت عارفه ان بابا حاطط شغل عليه مش عايز لعب ابقي خدي تليفوني انا والعبي براحتك
احمد
ايوه يا ريت لانك اخر مره مسحت لي ملف مهم يا اسماء
اسماء
ما انا قلت لك ما كنتش اقصد يا بابا
احمد
هو انا مش هستفاد حاجه يا اسماء من ما كنتش اقصد غير انك بتضيعي عليا فلوس وشغل بملايين ربنا يهديك
رضوى
بقول لك ايه يا احمد انا كنت عايزه اروح لجدي بكره اقضي معاه يوم ايه رايك تيجي معايا تغير جو معايا انا والعيال
احمد
لا يا رضوى مش هينفع تروحي بصراحه انا امي جايه وهتقعد عندنا كم يوم كده وبعدين ممكن بعدها تروحي
رضوى
وامك هتيجي تعمل ايه يا احمد
احمد
هو ايه يا رضوى اللي هتيجي تعمل ايه امي وجايه تقعد عندي كم يوم هقول لها جايه ليه
رضوى
لا بس يعني بقى لها كتير مجتش فانا مستغربه
بس عادي حبيبي تنور البيت بيتها
احمد
اصل بتوضب البيت بتاعها وانت عارفه اختي متجوزه ومش هينفع تروح عندها فهتيجي هنا تقعد لها كم يوم لغايه ما البيت يخلص
رضوى
ماشي يا احمد بس على الله ما تقعدش تعمل مشاكل زي كل مره بتيجي فيها
احمد
مشاكل ايه يا رضوى اللي امي بتعملها ما تحاسبي على كلامك
رضوى
ادخلوا يا بنات جوه دلوقتي عايزه اتكلم مع بابا كلمتين
البنات دخلوا جوه ورضوى وقالت لاحمد
مش عارف مشاكل ايه هتقعد تقول لي ما جبتيش الواد ما جبتيش الواد وتحسسني اني ما بخلفش
احمد
يا رضوى خديها على قد عقلها دي ست كبيره ما تاخديش على كلامها يا ستي
رضوى
بس كلامها بيجرح يا احمد هتقبل منها ايه اهنتها لي وكلامها عليا وكاني ارض بور حتى بنتها مش سايباها في حالها وعايزه تخرب حياتها عليها
احمد
اديك قلتي بنتها يبقى مشي امورك واسكتي ما تسمعيش منها اسمعي وطنشي ولا كانها بتكلمك انت ممكن انا عايز لكم يوم يعدوا بهدوء لو سمحتي
رضوى
حاضر يا احمد اللي انت عايزه بس انت كنت فين الصبح قعدت اتصل عليك ما بتردش النهارده كان عندك اجازه برده
احمد
اه اه كان عندي اجازه بس يعني في ملف نسيته في الشركه وكان المفروض يتسلم لمدير التنفيذي فانا رحت اوديه ليه يعني
رضوى
ماشي انا هقوم احضر لك الغداء
احمد
ماشي ربنا معاك
في الشركه عند دياب كان قاعد مع رجل اعمال ومراته بسنت حبيبه دياب اللي اتخلت عنه
مازن التهامي
عاش من شافك يا دياب من ساعه ما تخرجنا من الكليه واحنا ما تكلمناش والحمد لله ربنا جمعنا في شغل سوا
دياب
اهلا يا مازن ادينا تقابلنا تاني نتكلم في الشغل
بسنت
طبعا يا دياب ما شاء الله شركتك اتصدرت وبقت معروفه وكل رجال الاعمال نفسهم يعملوا معاك ديل
دياب
ربنا لما بيحب عبد بيرزقه يا مدام
مازن
شوف يا دياب احنا بنفكر نشترك انا وانت ونعمل منتجع سياحي في الغردقه وانت وبسنت اللي هتمسكوه لان انا
مشغول في صفقه تانيه
دياب
ده اللي هو ازاي يعني يا استاذ هتشغلني مع مراتك وانت عارف منتجع في الغردقة يعني هنسافر انا وهي لوحدنا انت فاهم بتقول اية