اختي بدلت دهبي بقلم هويدا زغلول
جبتي الفلوس بتاعة الدهب الصيني منين
رقية
بعت خاتم كان بتاعي ابويا الله يرحمه جايبه ليا
المهم يا حماتي متعرفيش خالد اي حاجة احسن ده يطلقني فيها
سهير
لا متخفيش انا مش هتكلم خالص ولا هقول حاجة
رقية
ماشي يا حماتي انا بقي هقوم اجهز العشاء لخالد زمانه علي وصول
سهير
ماشي وانا هنزل شقتي اشوف اللي ورايا
سهير نزلت و رقية حضرت الاكل و شوية وجوزها جه وقعدوا سوا وكان سرحان
رقية
مالك يا خالد في حاجه ولا اية
خالد
انا بفكر اعمل قرض بضمان الشقة هنا علشان اجهز هند
رقية
لا لا سيبها علي ربنا قرض يعني لا قدر الله لو مقدرناش ندفع ممكن تتحبس فيها يا خالد يا حبيبي انت عارف انا وبناتك ملناش غيرك استني بس وربنا هيكرمنا متقلقش وهي هتتجهز متقلقش
ازاي بس يا رقية ممكن افهم ازاي اللي بتقوله ده هيحصل هو في حد لقي فلوس اليومين دول يا رقية
رقية
يا اخي سيبها علي ربنا و ان شاءلله هيبقي خير سيب القرض ده اخر حاجة
خالد
ماشي يا رقية قومي حضري الاكل علشان ادخل انام
رقية
ماشي
وعدة اليوم ده وكمان الاسبوع راحت رقية مع بناتها وسابت البنت الكبيرة بره و اخدت الصغيرة استلمت الدهب و حطته في شنطتها و بعدين طلعت علي بيت امها
الام
اهلا يا بنتي اتفضلي
رقية بابتسامة
ازيك يا ماما عاملة اية وفين ريهام
الام
رقية
طيب يا ماما انا هدخل ليها علشان عايزها في موضوع مهم
الام
ماشي يا حبيبتي اتفضلي
رقية
خليكم هنا يا بنات
سابتهم رقية ودخلت عند ريهام
ازيك يا ريهام
ريهام
الحمدلله انتي وجوزك عاملين اية
رقية
الحمدلله بخير يا حبيبتي كنت قصدكي في خدمة يا ريهام
ريهام
اتفضلي يا حبيبتي
رقية
بصراحة انا معزومة علي فرح واحدة صحبتي و كنت عايزه يعني فستان من اللي عندك احضر بيه اصل انا معنديش حاجة حلوة البسها هحضر بيه و هجبهولك علي طول
ريهام
عادي يا حبيبتي الدولاب عك روحي. دوري علي اللي انتي عايزه واللي يعجبك خديه ليكي اقولك في فستان جديد في الضرفة الصغيرة بكيسته ملبستوش خديه هدية مني ليكي معلش مش هعرف دلوقتي اجبهلك علشان الاكل ممكن يتحرق
لا خليكي انتي وانا هروح اجيبه واجي بعد اذنك
دخلت رقية الاوضة و قفلت الباب و راحت علي دولاب الدهب بسرعة وفتحت الصندوق و بدلت الدهب و بعدين حطته مكانه وحطت الدهب الاصلي في شنطتها وطلعت الفستان وخرجت بره الاوضة
رقية
بجد يا ريهام فستان تحفة انا قيسته انا مش عارفة اشكرك ازاي
ريهام
علي اية يا بنتي احنا اخوات مفيش بنا الكلام ده اقعدي بقي استنيني علي اما اخلص الغداء و نتغدا سوا
رقية
لا مش هينفع اصل انا هروح انضف الشقة لحماتي انا كنت جاية اطمن عليكم و اشوف الفستان
ريهام
وانتي تنضفي ليها ليه مش عندها بنت شحطة ما تنضف هي
رقية
هعمل اية بقي يا ريهام ااهو حظي يلا سلام
خرجت رقية و سلمت
