العنيده وعمده الصعيد الجزء الثالث بقلم هويدا زغلول

يقدر يتكلم معانا وان احنا مهما عملنا مكانتنا في البلد محفوظه
سالم
فاهم الموضوع غلط يا سلطان لو الناس استصغرت اللي مشغلهم واستحقروهم هيتكلموا محدش يقدر يمنعه وقتها احنا هيبقى علينا مكسوره ودلوقتي الناس هتخاف منك لا تتعرض لاي بنت من بناتهم وساعتها ما حدش هيسكت لك يا سلطان
سلطان
خلاص يا بوي قلت لك غلطه ومش هتتكرر تاني حقك علي
سالم
اتمنى يا سلطان تبقى اخر غلطه تعملها تصبح على خير ما تنساش بكره تروح تسجل الارض باسم شمس وتاخد اخوك معاك الشغل بكره قعدته في البيت مش عجباني
سلطان
حاضر يا ابوي اللي تشوفه
طلع سالم على اوضته وسلطان اتنهد بغيظ وقال
ماشي يا شمس بقى انا هتهاني هنا دي كلها بسببك ماشي
ثاني يوم صحيت شمس بدري ونزلت لجدها المكتب وخبطت
ينفع ادخل يا جدي
القناوي
ما انت دخلت خلاص يا شمس تستاذن على ايه
شمس دخلت وقربت من جدها وقالت
حقك عليا يا جدي انا ما اقصدش ازعلك صدقني بس يرضيك يقول عني كل ده وحتى ما اردش عليه
القناوي
بس انت غلطانه يا شمس ما كانش لازم تعايريه وتقولي له غدرت وما غدرتش انا حكيت لك علشان خاطر واثق فيك مش عشان تتكلمي وتقل منه
شمس
طب ما هو يا جدي هو كمان قال لي مني وانا عني دكتوره بهايم
القناوي
يا بتي انا عايزك تاخدي دياب بالهداوه انا نفسي انت وهو تتجوز اسمعي مني يا شمس بلاش تعندي دياب حاولي على قد ما تقدري تسمعي وما ترديش عليه وقربي منه واتكلمي معاه
شمس
بعد اللي عمله ده كله يا جدي وكمان اقرب منه استحاله طبعا كرامتي ما تسمحليش اعمل ايه لحضرتك بتقول عليه ده يا جدي
القناوي
يعني انت هتقدري تستحملي انه يتجوز واحده غيرك فكري كويس يا شمس قبل ما تاخدي اي قرار انا مش هقدر اجبرك ولا كبيره ولا حاجه يلا انا هروح الف لفه في الارض واطمن على العمال وبعدين هروح الشركه
شمس
ماشي يا جدي وانا هروح المزرعه اشوف اللي ورايا
القناوي
خلي غضنفر يوصلك
شمس
حاضر يا جدي اللي تشوفه
القناوي خرج واتصل على عامر
عامر
ايوه يا جدي كيف صحتك
القناوي
انا بخير يا ولدي انت فين دلوقتي
عامر
انا رايح ورايا مشوار كده يا جدي هخلص وهطلع على الشركه اشوف الشغل اللي ورايا
القناوي
بقول لك ايه يا عامر انا عايزك تروح الشركه الام تشوف الشغل اللي هناك انا حاسس الواد اللي اسمه راجح بيلعب من ورانا تروح تراجع لي كل الشغل من الاول للاخر وتشوف في ايه بالظبط
عامر
ما انا قلت لك كده يا جدي من الاول وانت اللي ما سمعتش مني وخليته مدير على الشركه وخليتني انا مدير على الشركه الثانيه
القناوي
مش وقته الكلام ده يا عامر اسمع الكلام وروح اعمل اللي قلت لك عليه
عامر
حاضر يا جدي اللي تشوف مع السلامه
قفل عامر مع القناوي وطلع على الشركه زي
ما قال له وقرب من مكتب راجح وشاف فاطمه قاعده
عامر
السلام عليكم يا انسه راجح موجود
فاطمه
لا يا فندم استاذ راجح ما بيجيش دلوقتي
عامر
امال بيجي امتى ان شاء الله
فاطمه
بيجي على الساعه 200 او 300 يا فندم
عامر پصدمة 
الساعه 200 او 300 ليه بيجوا وانتم مروحين ده نهاره اسود