الشيطانه حره طليقه الجوء الاول بقلم هويدا زغلول

كده
كريم _ماشي وفعلا نزلنا المخزن ولقيت سناء 
بتقولي
سناء _كل سنه وانت طيبه يا سلفتي ايه عامله ايه هو انا لازم اشوفك في رمضان بس يعني ولا ايه ده شقه في وش الشقه يعني
ايمان _وانتي طيبه يا حبيبتي ويعود عليكي الايام بخير يا رب انتي عارفه مشاغل العيال عامله ازاي يلا بس عشان نلحق نجهز الفطار احنا ورانا اكل كثير قوي هنعمله عشان المائده
سناء _ اه تمام ماشي وبعدها خرجت ودخلت 
تاني وقالت
سناء _ما تقولي لجوزك يا اختي يراعي ان احنا في شهر رمضان وفي شهر مفترج بدل ما هو واقف 
عامل يتكلم مع البت سهير كده وانتي عارفه 
سهير ولبسها بقي وانا بصيت ليها وقولت
ايمان _نقي الرز يا سناء عايزين نلحق نخلص الاكل وما لكيش دعوه بجوزي يا حبيبتي ده راجل تاجر وطبيعني يوقف معاه ناس
سناء _وهو انا قولت حاجه طبيعي الواحد طول عمره بياكل مخلل هيبقى في يوم من الايام نفسه ياكل بسبوسه
ايمان _انا مش هرد عليكي علشان خلصي 
واعملي الاكل وبعدها عملنا الفطار واقعد 
ياسر _ايه ده في ايه هو انتي قاعده بتفطري هنا ليه ما طلعتيش الشقه تاكلي ليه
ايمان _حبيبي علشان اخلص المواعين بعد ما اخلص روح انت بس فطر الناس وفي الوقت ده 
كانت سناء في شقتها واقعدت معاها روحيه 
اللي بتعمل اعمال
روحيه _قولتك كام مره هاتي حاجه من لبسها 
وانا هخليها متشوفش عيال تاني سبيني بقي 
اروح افطر
سناء _هو انتي ايه يا وليه همك على بطنك قولتلك هجيبلك فطارك هنا مش عارفه ادخل شقتها وتجيب حاجه من لبسها شوفيلي حل ثاني
روحيه _الحل التاني هيديكي حاجه ترشيها
في اكلها. وهي من بعدها مش هتعرف تخلف 
تاني
روحيه _واكل المائده راح فين المهم ابقي 
قولي ليا علي اليوم اللي هتعملي فيه 
كده للاكل علشان اروح اي مائده تانيه مجيش 
هنا وبعدها الباب اتفتح وكان كريم وقال
كريم _هي الوليه دي بتعمل اي هنا 
انا عايز اعرف امشي مش عايز اشوف وشك
هنا وبعدها خرجت روحيه وقامت سناء 
وقفت وقالت
سناء _في ايه يا راجل مالك مكنتش لاقيه مكان تحت تقعد تفطر قولتها تعالي اطلعي هنا وهي زي ناس اللي صايمه ولا ايه
كريم _ الست دي بالذات ما تدخلش شقتي تاني انتي فاهمه ولا لا وانت مش عارفه الناس بتقول عليها ايه وبعدين هو انا فاتح الشقه هنا
مائده رحمان
سناء _طيب هادي نفسك بس كده واخش اعملنا كوبايتين شاي علشان نشربه