الكحك_ الاولي والثانيه _بقلم هويدا زغلول

السم في الكحك
الحلقه الاولي والثانيه 
بقلم هويدا زغلول
منار _ الحقني يا حماتي عيالي الاتنين راحوا 
جسمهم متلج ومش عارفه فيه اي ارجوكي 
اطلبي دكتور
الحما _ ياختي اقعدي كلها ساعه ونروح ندفنهم 
ونخلص اي نصبهم وانتي بتقولي أنهم 
كده كده جسمهم متلج يعني خلاص راحوا
وقبل ما نبدا الحكايه اعرفكم بنفسي أنا 
منار متجوزه في بيت عيله بس انا الوحيده اللي 
معايا اطفال وفي يوم كنا متجمعين في بيت 
عند حماتي في رمضان والباب خبط وفتحت 
نجلاء سلفتي
نجلاء _ خير يا استاذ مين حضرتك
المحامي _ انا محامي كاظم بيه اخو 

الحاج محمود الله يرحمه وحماتي
اول لما سمعت كده قامت وقالت
حماتي _ خير حضرتك جاي عايز اي بعد 
الحرامي ده سرق اخو
المحامي _ طيب ادخل ونتكلم احسن 
بلاش كلام من عالباب كده وبعدها دخل 
وقام اشرف جوزي ومحمد وحسين اخواته
اشرف _ خير حضرتك انت عايز مننا اي 
تاني
المحامي _ عايز استاذ اشرف عمه كتب 
ليه ورثه كله ب اسمه ولازم يجي 
علشان يستلم الورث ونجلاء قربت 
وقالت
نجلاء _ واشمعني بقي اشرف والكل 
بص ليها وبعدين دخلنا جوا انا 
وسلايفي الاتنين نجلاء و غاده
غاده _ اي ده حد مصدق اللي حصل 
ده انا طول عمري بسمع عن كاظم 
ده أنه حرامي
منار _ شكله تاب اهو وهيرجع 
الفلوس لينا
نجلاء _ اقصدك ليكي يا حبيبتي
اشمعنا بقي جوزك انتي
منار _ علشان جوزي الكبير واكيد هو ميعرفش 
ان حكايا مخلف غيرو انتي عارفه ان 
من يوم ما حمايا الله يرحمه خلف اشرف 
قطع علاقته ب اخو وحماتي اللي كانت بتقول 
الكلام ده وفي الوقت ده لقيت حماتي 
دخلت وقالت
الحما _ قومي يا حلوه منك ليها يلا ورانا 
حاجات كتير في المطبخ عايزين نخلص
اللي ورانا
نجلاء _ هو اي اللي حصل بالظبط يا حماتي
معلش
الحما _ حاجه ملكيش فيها يا حبيبتي خليكي 
في حالك وبعدها خرجنا ودخلنا المطبخ 
وحماتي كانت قاعده مع عيالها وحسين قال
حسين _ اظن يا اشرف انت ناوي 
تقسم الفلوس بينا صح
الحما _ اكيد طبعا انت عارف ان اخوك 
مش طماع ولايمكن ياخد حاجه ليه لوحده
اشرف _ انا مش هاخد الا فلوسنا اللي اخدها
وناوي التبرع بالباقي انا مش عايز 
وحماتي قامت وقفت وقالت
الحما _ نعم يا حبيبي ازاي الكلام ده قول 
انك طمعان في الفلوس وعايز ترمي اخواتك 
فتاتين
اشرف _ معقول يا امي أنا أعمل كده
الحما_ وانا يا عين امك مش هسيبك تعمل 
كده ده حقنا لو عايز تتبرع يبقي فلوسك 
انت وفي الوقت ده قام وقف وقال
اشرف _ منار تعالي يلا وهاتي العيال انا طالع 
شقتي وبعدها طلعنا الشقه
منار _ مينفعش كده يا اشرف الكلام يكون 
براحه
اشرف _ طول عمري حاسس ان أمي مش 
بتحبني ومعرفش ليه عملت معاها اي .وانا 
هنفذ كلامي ومش هعمل حاجه غير كده
منار _ اهدي بس ومينفعش كلامك ده 
اتكلم معاها براحه الله يخربيت الفلوس 
اللي تخليك تعمل كده مع أهلك
وفي شقه نجلاء كانت قاعده 
مع جوزها محمد
محمد _ نجلاء اياك اللي حصل ده يحصل 
تاني