جواز ڠصب 2 بقلم هويدا زغلول

كابير العيلة دي والكلمة اهنه كلمتي واني بعرف أصلح الدنيا بيناتنا كويس جوي
سليم
بس دي عيلة ياجدي اتجوزها كيف انت عارف اني عمري 29 سنه ومهندس وهي لسه طالبة كيف ديه اني مش فاهم
بخيتة
ومالها العيله ياسليم ياولدي طيب ده اني اتجوزت جدك واني 14 سنة وامك اهيه كمان يعني البنات اهنه عندينا بيتجوزو وهما عيال عادي
سليم
الكلام ديه كان زمان ياستي دلوك في العصر اللي احنا فيه بجا ممنوع الجواز في السن الصغير ديه
سلامة
بجولك ايه ياسليم اني جولتها كلمة ومش عايز كلام تاني وانت هتتجوز بت حسين يعنى هتتجوزها وخلص الكلام لحد اهنه
فؤاد
خلاص يابوي اللي تشوفو هنفذه مش أكده ياسليم برضك
سليم
الموضوع ديه محتاج تفكير واني لازم افكر فيه سيبوني وجت افكر
سلامة
هما يومين مفيش غيرهم وترد عليا عشان نروحو للراجل ونطلب يد بته
وعند ليلى كانت قاعده بتذاكر في اوضتها ودخلت امها قالت لها
هو انتي مش بترتاحي من المذاكرة دي يا ليلي واصل كل ما مدخل عليكي الاجيكي جاعده على الكتاب عنيكي يابتي انتي لازم تريحيها شوي
ليلى
ياما ياحبيبتي اني لازم اذاكر واجتهد عشان اعدي بمجموع كويس السنة دي
راوية
والله اني مش عارفه هيجيكي ايه من ديه كلاته مش فاهمة ماهو مصيري البت تروح بيت جوزها
ليلى
لا لوسمحتي ياما اني لازم اثبت نفسي وابجي حاجة كابيرة جوي وتفتخرو بيا انتي وابوي
راوية
ربنا يوفجك يا ليلي يابتي
وعند سليم عند يومين وخلصت المهله اللي جدو كان مديهالو عشان يفكر وقاله
اظن كفايه تفكير لحد أكده ياسليم خلاص أكده وجتك خلص معاي
سليم
خلاص ياجدي اللي تشوفه
سلامة
يعنى موافج خلاص على بركة الله يبجا نروح اني وانت وابوك لحسين نطلب يد بته منيه
وفعلا راح سليم وجده وابوه لحسين الشركة ودخلوا مكتبه وقال لهم
يامرحب يامرحب بالحج سلامة اللي نور الدنيا كلاتها
سلامة
تسلم ياحسين الدنيا منورة بيك
فؤاد
جرا ايه ياحسين هو الحج بس اللي نور واني وولدي لع
حسين
كيف الكلام ديه يافؤاد طيب والله وماليك عليا حلفان اني مبسوط جوي والدنيا مش سيعاني بمجيتكم ليا النهاردة يامرحب بيكم
سلامة
تسلم ياحسين ديه عشمنا فيك برضك كنت فاكر انك لسه هتبجا شايل منينا
حسين
شايل منيكم ايه بس ياحج سلامة احنا خلاص ولاد النهارده واللي فات زمان ديه خلاص اتنسي
سلامة
وديه اللي احنا عايزينة ياحسين عشان أكده احنا جاين النهاردة عشان نفتحو صفحة جديدة بين العيلتين ونطلب يد بتك لسليم ولدنا جولت ايه
حسين
هو اني افديك الساعه لما ننسابكم ياحج سلامة بس المشكلة ان ليلى بتي لسه بتدرس ودلوك هي ممكن متوافجش
سلامة
ومن مېته العيال ليهم كلمة ياحسين سليم ولدنا يتجوز بتك وبعدين نبجا نشوف موضوع التعليم ده بعدين هما يتفجو سوا هي تكمل كيف
حسين
خلاص ياحج اني بشوف بتي وهتكلم وياها وامها ونرد عليكم
سلامة
خلاص ياولدي واني في انتظار الرد ان شاء الله يبجا بالجبول يلا بينا يافؤاد انت