انا وابويا والتيك توك _كامله_بقلم هويدا زغلول

جهاز وزي ماجبنا لاختها نجيب لها هي كمان
إبراهيم 
استني ياعايدة واحنا هنجيب لها زي اختها منين مانتي عارفه البير وغطاه وبعدين اخويا ساعدني كتير في شوار اختها ووقف جنبي انما المره دي مين هيقف جنبي
عمر 
انا هقف جنبك ياعمي بس انت بس وافق وانا تحت امرك
عايدة 
خلاص يامستر سبنا كده ناخد رأي البنت واللي فيه الخير يقدمه ربنا
ومشي عمر ورجعت سوزي وابوها قالها بت ياسوزي انتي جالك عريس
سوزي 
عريس عريس ايه ده بقا انا مش عايزة اتجوز اصلا مين قالكم اني عايزة اتجوز
عايدة 
ايه اللي مش عايزة اتجوز دي هو انتي مش بنت زي باقي البنات ولازم تتجوزي ما اختك اتجوزت اهيه وراحت بيت جوزها انتي بقا ايه
سوزي 
يلهوي ياستي قولت لك مش عايزة سيبوني بقا
عايدة 
ماشي هسيبك تفكري في الموضوع ده وبراحتك بقا
ودخلت عايدة المطبخ وسابت نسرين مع ابوها وقالت له 
بقولك ايه يا بابا فتح لي مخك بقا عشان عايزاك في حوار كده ولازم ننفذه انا وانت
إبراهيم 
حوار ايه يابت ده
سوزي 
حوار كده ليه علاقه بالتيك توك عايزين نعمل فيديوهات مع بعض انا وانت عشان نجيب الفلوس
إبراهيم 
والله يابنت الكلب انتي شكلك بتضحكي عليا والحكاية هتطلع في الاخر لا فيها فلوس ولا غيره
سوزي 
ياعم قولت لك هانت وهنلعب بالفلوس لعب بس انت بس اسمع كلامي كده وهات لي ودانك
وقالت لابوها هي عايزة تعمل ايه بالظبط وابوها قال لها 
وهو بكده يعنى هتجيبي مشاهدات زي مابتقولي وفلوس وقبض وكده
سوزي 
دي الفلوس هتنزل علينا زي المطرة بس انت بس تسمع كلامي وتطلع معايا في الفيديوهات اهزقك قدام الناس وأفضل اوبخ فيك وانت تفضل ساكت ها قولت ايه
إبراهيم
خلاص يابت انا معاكي بس اسمعي انا عايز شتيمة خفيفه كده ماشي اوعي تغلطي اوي
سوزي 
ياعم ما انت هتقبض بقا الله بس بقولك ايه اوعي امي تعرف حاجة لحسن توبظلنا الدنيا كلها انا بقولك اهو من دلوقتي محدش يعرف حاجة خالص
إبراهيم
لا مش هاقول لحد خالص هنبدأ امتى
سوزي 
بكره لما امي تنام تيجي عندي الاوضة ونعمل الشغل
وعند رانيا جوزها قالها
انا ماشي ياروني عشان هتأخر على الطيارة
رانيا
هتوحشني اوي ياعلي بقولك ايه متتاخرش عليا كتير وحياتي عندك ياحبيبي
على
حاضر ياحبيبتي المهم خلي انتي بالك من نفسك ومش عايزك تخرجي كتير من البيت انتي عارفاني بغير عليكي ازاى انتي هاتروحي بيت ابوكي ومتخرجيش منه الا للشديد الأوي
رانيا
حاضر ياحبيبي مع السلامة
ورجعت رانيا البيت وسوزر قالت لها
حمد الله على السلامة ياست رانيا ايه هو المحروس جوزك مهانش عليه يجي يسلم علينا وجه خطڤك من على الباب وجري
عايدة
عيب ياسوزي الكلام ده وبعدين جوز اختك كان جاي يومين ومسافر فكان لازم يقعدهم مع مراتة اومال هيقعد معانا خليكي عندك زوق
سوزي 
هو انا قولت حاجة يعني ياماما ولا هو انتي علطول تدافعي عنها كده ااه ماهي بنتك وانا ابقى بنت البطة السودة
رانيا
بلا بطه سوده بلا بطه بيضة ياريت تسكتي شوية وتبطلي طولت لسان انا داخله الاوضه اريح شوية
وسابتهم رانيا ودخلت اوضتها وعايده قالت
انتي مسحوبة من لسانك يابت انتي بكرة ياختي تتجوزي وتبقى زيها كده وتعرفي معنى الجواز
سوزي 
ومين قال لك اني هتجوز صحيح ابقي خلي ابويا يرد على المستر يقولو ان مش موافقه عليه اوعي تنسي
عايدة
انتي هتشليني يابت انتي غوري من وشي اوعي كده وسابتها ودخلت المطبخ ونسرين قالت لنفسها
قال اتجوز قال هو انا ناقصه هم انا بلا نيلة
وجه الميعاد اللي كانت متفقه فيه مع ابوها انهم يعملو الفيديو وفعلا نسرين شغلت مسجل الفيديو وقالت
بصو بقا ياجماعة انا بشهدكم على الراجل ابويا الواطي ده عشان طلع حرامي وسرقني خد فلوسي من غير مايقولي مش هو كده يبقا حرامي اشهدوا انتو بقا
ابراهيم
انا مخادتش منك حاجة ولا سړقت الفلوس
سوزي 
بس يا حرامي محدش غيرك سرق فلوسي ااه ياعنيا محدش غيرك خدهم انت فاكرني نايم
إبراهيم
بس متقوليش حرامي يابت واحترمي نفسك انا ابوكي
جوزي 
ابويا ابويا ايه انت اب انت اللي يسرق عيالة ميبقاش اب 
إبراهيم
انا مخادتش فلوس ولا حاجة
جوزي 
بس ياكداب بطل تكدب قدام الناس ده لازم اعرفهم حقيقتك اهو ياجماعة قدامكم وبقولكم اهو الراجل ابويا حرامي قولي لي في الكومنتات اعمل معاه ايه الراجل ده
وقفلت الفيديو وشيرتة وابراهيم قالها
انتي متأكدة بقا انه كده هنكسب فلوس
جوزي 
اومال يابا اصبر